文迪 J 文集: [聲演系列] 鬼魂上身打真軍 (四)

如果者一星期之後, 呢日偉俊收工嘅時候, 佢一個人去咗公司附近果間兜巴聲度飲咖啡, 坐咗一陣, 有個短裙年青美少女突然埋嚟坐響偉俊隔離個位度, 個女仔正近距離望住偉俊嚟甜笑住, 跟住見佢響袋攞咗張紙出嚟打開比偉俊睇。
 
“比五千蚊我, 如果唔係我就大聲嗌非禮”
 
偉俊再望吓個女仔, 見佢正一面得戚咁微笑住, 偉俊知而家正比人勒索緊, 跟住佢就保持冷靜咁同個女仔講, 「間舖有 CCTV 影住, 我就唔信妳敢咁樣嚟屈我。」
 
個女仔好淡定咁細細聲話 : 「好呀, 你咪試吓博一舖囉, 我有班 friend 響果邊會做我証人, 到時報警你估啲人信你定信我多啲吖嗱?」
 
個女仔指吓隔幾枱嘅方向, 偉俊見有幾個飛型男女正望住自己, 唉, 連人証都預備好哂嚟做我, 睇嚟都似係一班慣匪出嚟搵開食, 咁呢次就真係實要破財擋災定嘞。
 


偉俊正搖頭嘆息住咁講 : 「唉……, 妳好嘢, 我認輸, 但我無咁多現金響身, 我要出去襟機先有得比妳。」
 
個女仔話無問題, 跟住佢就翹住偉俊隻手恐防佢會逃走咁, 然後兩個人就一齊行去附近啲柜員機度襟錢。
 
襟咗錢比個女仔之後, 跟住個女仔就響偉俊塊面度輕輕錫咗一啖, 然後就養吓手上啲錢咁就同偉俊講拜拜。
 
偉俊正心感肉痛同無奈嘅時候, 但見已走到不遠處嘅女仔, 突然成個人好似發洋吊咁典住個身, 跟住見佢垂低個頭好似沉思緊咁靜企住, 然後等咗一陣之後, 個女仔突然抬頭跟住轉身就行番去偉俊面前。
 
個女仔遞住啲錢比偉俊話 :「俊, 你袋番啲錢先。」
 


偉俊有啲驚訝地講 : 「妳係薇薇?」
 
個女仔拉住偉俊隻手就行住咁話 : 「快啲走先, 佢班 friend 響果便望住我哋, 番你屋企先至再講啦。」

兩個人正急急腳咁行去搭車, 而班飛型男女就繼續原地呆呆咁等緊個女仔攞錢番去。
 
番到屋企之後, 偉俊就已急不及待問住薇薇 : 「做咩呢幾日唔見妳出現嘅?」
 
薇薇 : 「我果晚上完佢身之後, 跟住我就呆哂咁樣四圍飄住都唔知發生緊咩事, 但後尾我慢慢有番意識之後, 跟住我去搵你先撞啱你比班人屈緊錢。」
 


偉俊 : 「其實會唔會係妳上得人身度太耐呢, 所以就比啲陽氣影響到咁呀? 不過好彩妳今日及時出現, 如果唔係我呢舖就真係損失慘重嘞。」
 
薇薇開始有啲咬牙切齒咁話 : 「睇條靚妹啲手法應該都唔係第一次咁屈人, 但咁屈我條仔就勢係假, 俊, 我比你又好似上次咁同呢條靚妹扑嘢, 跟住你再用筆畫花佢個身, 等佢屈錢屈得咁過癮吖嗱。」