被香港政府背叛的特工──《背叛者》: 序章──
序章──
下午六時。
夏天的天氣悶熱，一個令人不想動的日子。
「嗶──」傳呼機在桌子上震動起來。
終於有任務……。
原本正在煮餐蛋麵的我走進房間換上棕色的大風褸、深藍色的圍巾、棕色Cup帽和戴上黑色的口布罩……準備出發。
……
漆黑的星夜中風雨交加的晚上，香港青洲一座嶄絕峰殊的山上，站著兩個男人。
「編號一零七八香港頭號特工，張靈風。」一名西裝男面向大海。
「香港頭號特工……編號一零七八，張靈風報到。」我向他敬禮。
「進行過一百六十四次任務，無一次失手，以完美表現入職特工部……唔錯。」西裝男望雙手插袋：「今次香港政府搵你，係因為要交託一項關乎香港存亡既任務比你。」
我沉靜地望著大海，等待他繼續說話。
「我哋需要你暗殺一個男人。」西裝男把手上的一張照片交給我：「佢叫黎銘雄，今晚十點會喺謝斐道456號拔萃商業大廈17樓F既Casa de Peace食飯。」
我接過照片後看了一眼，相中的是一個中年男人，身材微胖笑容和睦。
「佢掌握咗對香港政府不利既証據……」西裝男望向我：「所以記住暗殺完成之後要摧毀佢部手機……記住，必須要立即摧毀。」
「明白。」我收起照片出發任務地點去。
晚上十時。
謝斐道456號拔萃商業大廈17樓F的Casa de Peace餐廳。
我到了餐廳後選擇了一個角落位等待著目標黎銘雄的出現。
Casa de Peace放著不同西方古物，裝修典雅高貴。
但又有誰知……今晚這裡卻潛伏著一個殺機。
時間一分一秒的過去，餐廳的人流也開始多起來，我一直注視著餐廳的出入口，等待黎銘雄的出現。
在過往的任務中，我曾受命要暗殺一名受到高度保護的外交大使而用狙擊槍在一座大廈等待了兩日一夜，到了第三天才找到一個空檔在遠處把他擊斃。
所以特工的規條之一是耐性。
「咳……」一名侍應見走了過來：「先生洗唔洗幫你點啲野呢？」
我拿起餐牌望了一陣子。
「Parma ham」我放下餐牌。
「Ok Sir」侍應下單後走進廚房。
就當侍應離開時，目標人物也已經出現，黎銘雄……
他跟兩名友人坐在窗的一個位置，選擇狙擊槍應該比較方便。
但為了確保任務能100%成功，近身刺殺確保他斷氣是必須。
我打量著黎銘雄，他身材不算健壯很容易處理。我把自己餐桌上的一把餐刀收入衣袖內，等待著一個行刺的機會。
「唔好意思，要你久等。」侍應放下食物。
我在火腿上切了一小塊放進口中。
「先生覺得點呢？」侍應親切地問。
「垃圾。」我放下手中的刀叉。
「點…點解咁講呢？係唔係食物壞咗，我即刻幫你換！」侍應有點驚愕。
「正常既西方火腿肉應該有煙燻既氣味，入口味道鹹香有回味既感覺…」我望向侍應一眼：「你哋整既火腿肉只有鹹乾既肉身，係中國入口既雲腿。」
那侍應頓時無話可說，這時黎銘雄站了起來走了出餐廳。
「唔洗找。」我放下款項跟著黎銘雄走去。
黎銘雄一直走，走到了去後樓梯的梯間後拿出手機跟某個人說話。我戴上黑色的口布罩躲在防火門後等待機會。
「喂，蘋果動新聞？我係黎銘雄，聽日幫我開個記者招待會，我會同你哋爆料，世界一個地下組織既恐怖陰謀，記住啊……因為我估嗰組織都已經派緊人嚟殺我，所以如果我死咗一定要將所有事實公諸於世！我岩岩喺餐廳已經察覺到有人想害我，所以喱家偷偷打咗比你哋……」
我從衣袖內取出早前收藏好的餐刀，他既然察覺到我的存在，那他的命我現在就取下了。
我握著餐刀推開防火門走了進去後梯間，黎銘熊先大叫一聲給我嚇得退後了幾步。
「我…我知道你嚟得殺我，我家人就都會遇害……我求下你放過佢哋…」黎銘雄一步一步後退：「我知道你係受過訓練既特工或者殺手，我點都唔會打動到你……但係我手頭上有香港政府既罪證……只要聽日……只要聽日……啊！」
我一腳伸了在他腹部把他踢落樓梯，他整個人飛跌了到下一層十六樓的梯間，我一步一步走下去，再用餐刀狠快地在他頸上劃了一下。
「等陣……！我……啊…」黎銘雄喉嚨瞬間出現一條割痕。
他瞪大雙眼看著我：「我……我有香港……政府……同秘密組織……既合作陰謀……」
「唔關我事。」我拿去他的手機。
「你認為……你可以…甩身咩……知道喱件事既人都會死……就算你唔知佢哋既陰謀……但係佢哋為咗做到完全保密都一定會殺你……我一早知遲早會有人嚟殺我……」黎銘雄繼續瀕死的說：「我只係想你……可以將佢哋既陰謀拆穿……仲有救走我屋企人…我嗰女……佢哋應該喱家都有生命危險……全香港同世界人類既生命都掌握哂喺你手上……」
「仲有…你一定……會比香港政府利用完之後…拋棄…」說罷黎銘雄閉上眼睛斷氣身亡。
有什麼陰謀也不關我事，我只是依照命令所說的去做。
這時他的手機合好震盪了一下，是一條SMS短訊。
黎嘉靖：「爸爸，快啲返嚟啦，我同媽咪等緊你慶祝我既生日呀！」22：48
我凝視住手機這條短訊一陣子，接著便打算離開現場並摧毀手機。