英雄再三聯盟：宇宙洪荒: 疾風女俠3：芬鍾人士［上集］（下）

遠處嘅一個小城鎮 係根源附近 其實係無人管嘅城鎮 係度犯事出面嘅人管唔到 根本理唔到 有個極度兇殘嘅團長居住係度 就係比倫
「飲酒飲到悶 有無啲新野可以玩下」比倫 飲完好多酒通常語無倫次
「最名牌嘅花樽都俾玩爛左 仲可以有咩玩？ 人地唔駛你賠錢己經算偷笑」副團長虛竹 戚然鬧團長
「佢邊夠我嚟 我惡都可以惡到佢九條街」比倫打左一嗝
「你又係嘅 每次飲完酒就得意忘形 」虛竹都同佢一樣飲醉酒
往往大家飲到一半就訓低左
就係咁 有個唔識死嘅人唔打唔撞入左嚟不管城鎮 狄斯得到呢度地方有少少殘舊 佢最憎啲地方亂七八糟 但佢知道係私人地方 都係望一下就算 而令狄斯都想郁手嘅係 呢度唔係不管地方 係環境惡劣到 啲人都懶得理
啲鎮民仲話係團長一日再黑都係度花天酒地 搞到地方管治乜都唔理 啲野殘殘舊舊 熔熔爛爛都係棄之不理 佢無諗過地球人都有咁嘅心態去生活
「唔係我經過呢度 應該都無人會統治 」狄斯係原地諗左一陣「呢個鎮就係我第一個統治嘅地方 哈哈哈..」
啲鎮民睇到佢笑傻鬼左 唔係驚佢嘅笑聲 而係同團長 有啲事都好都係懶得理 因為佢地己經習慣左團長模式




如果狄斯插手 鎮民唔會反對 只係唔會行狄斯嘅方式
「我向大家宣布」狄斯向附近鎮民講「我會管治呢個鎮 唔理你地同唔同意」
有人理至奇...
團長同副團長係呢個鎮最大嘅大人物 但佢地己經訓死左了 當然 已家己經係夜幕低垂 狄斯都想係度借宿一宵 不過佢唔會同鎮民講野或者有要求 如果啲人啲自己有咩不滿 佢都會用法術令大家灰飛煙滅 所以佢唔擔心呢個問題
「原來個天己經咁黑 我今日都搞成日了」
狄斯隨便搵一個地方落腳
第二朝起身
就俾比倫同虛竹追打 好簡單 鎮民報串有外來人入侵 仲要重覆狄斯嘅說話
比倫嘅性格最唔鍾意人地搞分化 又其係狄斯 大家都素未謀面 但比倫睇輕左狄斯嘅能力 佢仲以為狄斯同普通人無分別 所以放輕左緊張嘅念頭
「你想統治呢個鎮？笑死」比倫一個仇恨嘅眼光望住狄斯




「有咩問題 你個垃圾有資格做呢度首領 點解我唔可以？」狄斯反駁
「阿叔 真夠膽係度阻頭阻勢..」比倫睇出狄斯係一個年邁嘅人
「原來我係阿叔」狄斯個一刻忍唔住想殺團長 我行過去佢身邊都唔駛4秒 真係快到無朋友
「你唔係阿叔會係邊個？」比倫一口鐵定眼前嘅狄斯係阿叔
「我係狄斯 我可以將你地化身灰 哈哈哈...」好一個得寸進尺嘅阿叔
「係呢度人好難出到去 因為個個都有賣身契..仲要會跟足一世.」比倫笑道
「豈有此理 仲要賣命到你永遠 你去死啦」狄斯鍾意忍唔住都要出手
狄斯用法術將在場其中一個人輕鬆化成灰燼
「呼」
「你以為你係邊個 我係狄斯 我係最強嘅」狄斯笑聲不斷




「呢個人...」比倫稍微退後一步
「去死啦 」虛竹諗都唔諗就捨身相救
虛竹就逃唔出呢個命運
「虛竹...」
比倫眼白白睇住虛竹由人變灰燼 先知道眼前人係要好好珍惜 佢痛哭不已
其他在場嘅人見到咁嘅情況都係離開好啲 自己安全好緊要 因為無人想死
比倫嘅眼淚維持左一陣 喊住口同狄斯「我唔會放過你 但呢度你想點就點 比倫心知打不過眼前嘅狄斯 因為佢會將人化成燼 根本無勝算可言
「笑死咩...咁嘅小鎮就俾我佔據埋 」狄斯背向比倫個邊走 仲不斷發出笑聲

「呢度真咁俾左佢？」鎮民個個紛紛係鎮中討論
「如果呢個新領袖好過比倫 我會支持佢多過支持比倫」
只可以怪比倫自己太過輕敵

「啱呀 橫點比倫都係乜都唔理」





個個都係比倫後面講壞話嘅同時 其實比倫係後悔的 即使想挽回之前飲酒嘅時光
「我交左呢度俾你 唔該對呢度嘅人好啲」比倫走過去 同 狄斯 講
但狄斯下一秒就將佢變成灰燼
「噴...」
「阻住哂」
狄斯清理完比倫 就離開呢度 話就話呢度係佢落腳點 但佢目的都係搵我為先
佢一日唔搵我又點會罷休 不過咁鎮民見到一個比倫成日著嘅一套衫 就放係當眼處 又搵唔到比倫 啲人就懷疑比倫有不料之兆...
............
多年無見嘅朋友 銀鋒終於聯絡我 係開心事嘅 亦係唔好預兆 因為佢同講有個奇怪人出現左 身份不明 但因為銀鋒要查杜泄單野 而家都抽唔再身住
「你諗住之後點做？」銀鋒同我仲有係電話訊息聯絡
「佢一日唔嚟我都唔知佢嘅身份..」我個無耐樣又出哂嚟
「我最近行唔開 搞掂哂杜泄單野之後 我要睇下家族有咩任務要俾我..」銀鋒自己都有野煩緊 先又點可以雪上加霜
「杜泄進展如何 我可以幫手呀..」我道
因為事情太突然 我同阿斯都一齊出嚟搵銀鋒 順便阿斯認識下新朋友 係 無錯 銀鋒係見過阿斯 就係打杰躂躂寶博個次 事後 佢見過阿斯
到而家先係真正咁見一次面




有我地嘅出手 點都比佢一個強好多
我地細個都好鍾意嘅一餐廳 我都唔知幾耐無嚟過呢度 啲裝修同裡面擺設可以一樣無變 屹立不倒有成十年 因為通常係根源呢度好少餐廳會做得長過十年 主要原因係根源人比較獨特 鍾意新鮮 無人鍾意日日食一樣野 包括我 今日食飯 第二日就唔會食飯
我地三個餐廳 老闆娘常招呼我地
而老闆娘比之前唔同左樣 我好肯定轉左人 我仲好記得老闆娘無咁高 仲好後生 咁又係十年之變 可以變化好大嘅 老闆換左唔緊要 最緊要食物質素無變就得啦
我仲記得之前坐嘅位置 真係好懷念
一樣係窗邊 一樣係熟悉嘅檯凳
「先嚟三杯水先 仲有呢度有餐牌」老闆娘 賓至如歸嘅態度 真係好有屋企人嘅感覺
「唔該 老闆娘」我答謝左老闆娘之後就開始睇餐牌
「你地係唔係一早就認識？」阿斯第一時間就問呢個問題 佢咁問我唔覺得意外
「係我四歲個年 銀鋒就七歲 我係池塘玩水浸親 跟住有一個男仔好英勇救左我 佢就係銀鋒 跟住就keep住聯絡 不過到大個 佢家族有要事在身 長時間唔可以聯絡我 」我道
「唔怪得無聽你提起過銀鋒 仲有銀鋒細細個就識武術 真係難得」阿斯道
「我見到阿斯你嘅事跡 都係一表人才 仲要可以合作到先係最難得 橫點我地咁耐無見 呢餐一定我請」銀鋒好豪氣地道
「緊係啦 」我再望望餐牌「其實啲野食咁多年都係無變姐」
「你咁講又係喎」銀鋒自己又望左一轉餐牌
不過餐牌就係新嘅一樣 姐係話生意應該唔錯 如果唔係邊有錢裝修




我無問到之前老闆娘去左邊 其實人走左都好正常嘅 只要有人繼續keep住經營 就得 我又可以成日嚟幫趁
就係同銀鋒失聯之後 我都無嚟過呢間餐廳 係一次都無嚟過 奇怪 遇番銀鋒先會記得番
不過點都好
而家係非繁忙時間 眼見得我同對面 兩張檯 另一張檯成個檯面都係野食 所以我地野食就可以了一支箭就送 如果唔係 繁忙時間無半個鐘以上都難食到 話哂即叫即整 唔係整定定哂係度
食落去仲一樣有細個個陣嘅味道 就係pizza中嘅人間有愛
佢又唔係出面普通一個pizza 佢係一個層次口感會昇華嘅pizza 又有其他小食 加上啲獨有巴絲芝士 巴絲芝士係呢間餐廳獨有嘅食物 因為餐廳係有工場同農場 保證好多食物都係出面無 呢度有
「呢種獨一無二嘅滋味 出面應該幾難食到」阿斯咬住一塊死唔斷氣嘅芝士pizza
「所有野都係自己工場農場出嚟嘅 緊係同出面唔同 可能就係因為呢點 所以餐廳先可以屹立不倒」銀鋒道
「不過今次嚟我想幫銀鋒手解決 杜泄單野」我換左另一個話題
「聽講係偷野世一 無諗過咁麻煩 仲要同銀鋒有關..」阿斯接上我嘅話題
「我會繼續用金條引佢出現 佢要貪婪 一定會再嚟多一次 我而家怕嘅佢嘅遁地術 因為好臭 我都頂唔到」銀鋒將苦惱嘅事一一講出嚟
「如果可以係佢未放遁地術之前捉住佢就應該得」我道
「拖延住佢 我覺得好難 我本來係想佢偷到金條個一捉嘅 但係個動作要極快 」銀鋒道
「佢同遁地術真係臭到無人可以埋到佢身？」我道
「我接受唔到呢種臭味 我家族啲人都頂唔順 或者要睇你地嘅做化了」銀鋒道




都係差遁地術 以我速度應該無問題 相反多左佢地應該仲容易俾杜泄走甩

而家係差杜泄幾時會出現 佢一日唔出現我地都唔知可以係邊度搵到佢
「咁你而家出嚟同我地食野 咁如果佢而家係家族出現咁點算？」我問左問題令到銀鋒要思考點答

我覺得無理由淨係旨意銀鋒一個人 我相信家族有人可以撐得住
「唔會 因為我未引佢 就算金條放左出嚟 佢都唔一定知」銀鋒道

咁要搵杜泄就易過借火

有金條可以輕易直搗黃龍

「可以點樣引到杜泄出嚟？」阿斯問道
「只少要再佢知道呢度仲有金條 除左電視 之外 其他途徑都有機會搵到佢出嚟」
簡單啲講即係落廣告咁 卒之 真係成功引到杜泄出嚟 佢仲係走唔出呢個範跳套
但咁樣只會引埋其他不法份子 都唔係一個好方法 但銀鋒要點做佢有計劃
「咁好 你有一切計劃 佢出現嘅時候通知我地」阿月再道「另外一件事我想大家同意」
「有要事相討？」銀鋒道
「係呀 就係銀鋒查到有外來入侵者 我就諗 應該成立一個隊伍去打敗佢 」我道
「都得嘅 我地三個都有唔同嘅能力 況且都唔知對方係咩人 不過我都係句 杜泄件事搞好左 我再問家族」銀鋒道
「咁就好啦 可以組成4人聯盟了」阿斯笑道
「點解係4人？」銀鋒不解道
「仲有佢女朋友呀 你做緊任務 都無留意根源嘅事 佢女朋友自從得到榮光雙劍之後 我就推薦佢做新一代英雄」我道
「係咩名堂？」銀鋒道
「果子狸女俠」阿斯道
比起狸貓俠 果子狸女俠更有型 但能力係點就要睇妹子有無好好運用榮光雙劍...
之後金條 雖然放左 但都無可能咁快就引到杜泄 出嚟 我又唔信佢瀨完一次又一次 如果真係咁 我會大笑佢傻的嗎
.................

「等我今日又教你啲用招方法 ...」daddy竟然有空閒教妹子武功 「話哂你有左阿里嘅雙劍 一定要好好運用嘅」
「緊係好啦 唔該你就真」妹子樂意道
「你可以同阿女叫我 daddy 唔好客氣」daddy道
「好呀」妹子笑道

雖然妹子都有自己屋企人 但屋企人都唔會教佢武功 只會關心佢嘅學業同將來 學業有所成就就要向其他發展 所以唔多危險嘅事 父母都唔會反對
父母知道同阿月有來往 唔大問題 阿月daddy酒館都出哂名 有人教自己個女 求之不得

「你依把劍 都相當之重 我知你有能力駕馭到佢 但係可以駕馭到幾耐又係一個問題」daddy道
「把劍好似都係鈦金屬制造 所以先會價值連城 」妹子道

妹子揮劍之力非常暢順 就好似把劍有靈氣 當正妹子係主人咁
「你出劍嘅力度相當有水準 唔似係一個初哥 步伐都穩陣 係差在耐力夠唔夠咁解..」daddy道
「我可以跑多啲步 鍛鍊自己」妹子道
「都好 儲氣都係好重要嘅一環 跑多啲步都係好事」daddy再道「因為我尋日下晝查開古書搵到啲唔尋常嘅野 就係有個人會係一個異空間走出嚟」
「呢件事 阿月佢知唔知架？」妹子問
「佢地未知 我都唔肯定呢個奇怪野係唔係真係會嚟 我會再查清楚啲咁解」daddy換個話題「你好似要番學 又要兼顧兩把創的確係辛苦 趁有時間幫外你」
「我番學個度都係一星期番一次 除左打工又真係好少理把劍..不過之後我會努力嘅」妹子道
「你加油啦...」daddy拍哂心口「有咩明白嘅地方就要多多請教我地」
「知道...」妹子道
其實daddy都教唔到啲咩 如果要救拳法就要搵我叔叔 不過妹子係攞雙劍 練拳嘅作用不大 daddy就希望佢可以練習儲氣 有時識集氣都係好事

大約6點 daddy去左開鋪
........
阿月無意之中發現daddy嘅筆記 係daddy間房入面
仲寫住一隻兇殘嘅人
阿月當然睇唔明白daddy寫緊乜野 仲覺得daddy好似有啲野想隱瞞
「你想問daddy筆記嘅事？」媽見到我係daddy間房
「係呀 daddy有野瞞住我地呀..」我道
「其實呢 你daddy無野瞞住我地 你手上筆記呢 真確性唔高 只係未搵得哂有關資料 你都知daddy做野唔鍾意輕舉妄動 如果件事唔係真嘅 咁就無咩意思..」媽咁講
「真係嚇死 我以為有野瞞住我」我鬆左一口氣
「佢都係尋日先查到啲野 今日又忙緊其他野就將佢放埋一二邊 放心啦 係真嘅佢會同阿女你講..」媽咁講 我就無再嬲daddy
我都係好奇一下到底兇殘嘅人真係出現會有幾兇殘
同埋daddy搵到嘅資料會唔會同銀鋒講嘅野有關 因為銀鋒都話出現過一個可疑人
如果呢個人係真嘅 最好快啲出現 等我打到佢一仆一碌

仲諗住呢幾日遊山玩水 而家都係留守係根源比較好

「古堡件事應該唔會出甦醒多一次 紅藍寶石已經俾兩個正義之人拎走左 你知道嗎？」係我諗緊野嘅時候媽問我
「呢個我知道 聽講係阿萊同仲有個男仔攞左 咁仲好 紅藍寶石就唔會出現怪物 」我道
「有機會要見下佢地兩個..」媽道
「放心 一定有機會嘅..」媽唔講唔知有佢兩個存在 不過好期待同佢地見面
係真嘅 但我而家竟然打左個吃嚏 我肯定有人講我壞話
「做咩係度打吃嚏？」媽問
「肯定有人講我壞話」我道
「邊個敢講我嘅寶貝女壞話 記得教訓佢喇 知唔知呀」媽笑道
媽子的確有另一種天真嘅一面
傻啦 都未有危險
我係疾風女俠 又點會俾意外發生
........

芬鍾人士係一個外星語言 係地球人 會被稱為社蓄人士 其實都係一種譯法 而狄魔就召喚佢嘅同伴 搞一個遊戲

名為芬鍾人士 係福之魔所創造嘅新世界 同時係一個有入無出 唔需要俾錢入會嘅世界

優先處理
番工番到無哂靈魂 只為錢
明明可以準時收工被逼OT
無假放

根源都係咁 個個都係為兩餐晏仔 都係為左一樣野 生存 但咁樣生存都無咩意義 因為除左番工就係番工 連放假休息都無
福之魔從狄斯一同由異空間穿越過嚟根源 就同狄斯分開左 狄斯就係火車之上 殺死左新黎明 而福之魔就搞呢場大龍鳳
兩個好似分頭行事 互不認識 但其實大家都好似有聯繫緊
遊戲無咩規則 逃出屬於自己嘅框框
但事實就係佢地掌控人類 呢個結果係好殘酷嘅 狄斯同福之魔都有一樣嘅想法 只有狄斯需要搵到我 呢個就係狄斯嘅最終目的
兩個人嘅任務暫時有所唔同 最後目的咪又係一鬼一樣

［歡迎嚟到呢個神秘樂園 芬鍾人士］
「我係遊戲主持人 福之魔」
入到嚟嘅朋友 終於可以重返天日了
福之魔用念力就可以控制人類嘅意志 等佢地無左潛意識 跟住就慢慢入去遊戲當中
包括唔受控制嘅阿斯同妹子 佢都混入其中
阿斯同妹子係分開入去 阿斯入去之後就俾一片迷霧濃罩住 遮住好多視野 一唔小心就會撞到啲樹 阿斯就係一瞬間即刻清醒過嚟 佢知道佢入左一個局入面
「明明番緊屋企點解會無左意識入左嚟呢度 呢度又係邊度嚟呀」阿斯想拍拍自己個頭 仲發現自己身上無野唔見 佢嘗試用手機打俾阿月 但係呢度完全無信號
「連信號都無 打唔到電話呀」
阿斯收起脾氣

「傻仔...唔好做無為嘅反抗 之後仲會有好多人陸陸續續嚟呢度 到時就會一場激烈嘅大逃殺」福之魔用法術傳話 佢仲可以通知哂所有人嘅耳仔度 只要入左嚟遊戲 個個都會想到福之魔講野
「激烈大屠殺？」阿斯覺得呢個傳話嘅一定就係我同銀鋒所講嘅壞人
「記住 係逃走嘅逃 唔係屠宰個屠 你明白就最好」
福之魔講完 回音都消失了
係阿斯心中 逃殺同屠殺有咩分別
「真係多此一舉 雖然唔知你係邊個 但 有本事就出現同我玩 我唔怕你 淨係係度鬼鬼竄竄 仲話係妖魔」阿斯向天上大喊 因為佢唔知福之魔係邊度出現
佢可以向天傳話 阿斯就照樣向天 向佢傳話
「慢慢嚟 唔駛咁心急 大把野你慢慢玩」
福之魔嘅回音再一次消失了 佢一樣保持鎮定
「而家最大嘅問題就係離開呢度 但我要點樣走先好」突然阿斯好無助

另一方面
妹子都係被捉左入嚟 芬鍾大士遊戲世界 不過佢入嚟嘅時候係無迷霧影響到佢 佢係一個無盡頭嘅直線窄路 欄住嘅全部都係草叢 你入唔去啲草叢 只會俾佢夾硬彈番出嚟 妹子試過幾次
妹子可以隨意變身成果子貍女俠 佢把劍識得縮細同可以收埋 收係褲袋深深處 把劍仲有認主人能力 只要係記住 都唔會離開主人 仲會俾指令主人 基本上係唔駛擔心
妹子想用劍斬開啲草叢 但草叢好似識法術一樣 照樣彈開妹子 因為兩邊華叢距離比較近 所以妹子就算被彈走 都唔會彈到好遠
「到底呢度係咩野世界啊...」妹子相對就好唔冷靜 淨係一股蠻牛撞過去

「你好 我係福之魔 呢度就係 芬鍾人士遊戲世界 歡迎你加入 每個人入嚟都會有唔同場景 只要逃離出口就可以了解脫 祝你成功」福之魔同樣係妹子耳邊廣播
如果再有人入嚟呢度都好 都會身處唔同世界 但所謂大逃殺 係會點 都仲未有人理解
「咩野係芬鍾人士遊戲世界 我聽都未聽過呀」妹子大鬧 但福之魔廣播一瞬間就消失了
突如其來嘅世界令妹子大為震驚
妹子同阿斯一樣 一時間走唔出去外面
另外 福之魔仲未知阿斯同妹子都係英雄 話哂都係隨機揀人 只係意外地揀中左佢地兩個....

「芬鍾人士係唔係大Boss嚟 ..」妹子坐係度諗緊野
「如果唔係點解釋芬鍾人士呢幾個字」

淨係研究芬鍾人士呢個名 妹子都研究左一個鐘 對其他人嚟講 咩名都係一樣 遊戲世界始終都係遊戲世界
妹子係擔心有好多無辜嘅入左嚟 佢同阿斯相反 會先顧左其他人先 自己留後 而家嘅情況妹子都無可能出去救其他人 佢只可以乖乖咁救左自己 遠處只係見一條直路 無理由一直走咁傻瓜 仲要用哂自己啲氣力 妹子本身有聽daddy講 練好力氣 就算而家要一直跑 都可以維持一陣
廣播都無埋 只可以靠自己嘅思維 因為福之魔唔會俾到答案
「10分鐘之後會出現大逃殺 請大家注意一下」
福之魔又向所有人嘅耳邊劃過
妹子諗左一陣 有啲震撼 同阿斯諗嘅一樣 大逃殺又係乜野嚟？
「我就坐係度睇下呢個福之魔搞啲咩」

妹子選擇左靜觀其變

無幾耐 10分鐘好快就過 好多人都被福之魔控制 個個人嘅身體都唔協調 帶到自己製造嘅廣場中央

「搞咩呀喂」
啲人想掙扎 想離開福之魔嘅爪牙 但係被控制嘅根本走唔出 評反抗能力都無 因為福之魔係用類似念力術控制人類
「你地需要做嘅係互相殘殺 打到最後10條友可以生存到嘅就可以了離開遊戲世界返到去現實世界」福之魔係中央廣播 個個係哂正中央個度 你唔情我唔願 傻的嗎 叫城市人打架
阿斯同妹子點打都會贏 因為佢地係英雄 但妹子覺得就算最後可以生存到 福之魔都唔會輕易放你走 佢咁做有佢目的

之後 阿斯同妹子竟然係遊戲世界撞番
「原來你都入左嚟呀」阿斯道
「係呀 你有無方法可以走出去？」妹子道
「我都想知有咩方法可以出去 福之魔嘅說話我都係半信半疑 」阿斯道
「而家最緊要救左啲人先 唔可以俾佢地互相殘殺」妹子道
「我覺得救得都無用 都唔知福之魔想做咩」阿斯道
「要救 做咩唔救 佢地係無辜架 」妹子道
「自己都難保仲點救人 我地都出唔到去 又唔係福之魔係咩樣」阿斯道
「救人緊要呀 阿斯 出去嘅野再講啦 場面一定要控制好 要同佢地講大逃殺係無作用嘅」妹子道
「我覺得需要出去搵阿月同銀鋒 搵佢地幫手仲好」夠斯道
「又多個銀鋒？而家我地出唔到去 點聯絡 你唔好淨係想自己出去先啦 搵到阿月同銀鋒都無用 因為無人見過福之魔」妹子道
「我會救人 但先救自己」阿斯道
大家開始理念想法都唔一樣 仲要大家嘈交 鬧到有一道裂痕 就係咁 大家分開下 呢個都係福之魔想做到嘅野
但佢地唔知呢個都係一個局
「無論如何 你要出去隨便你 我會先救人先」妹子離開阿斯穿插係人群中
「我...」
阿斯唔知講咩好 再講又止會講錯更多野 關係仲難去修補 其實都係小事一樁 但往往情侶都係因為咁而要分開
不過阿斯無諗過妹子會同佢對恃咁耐 仲要踩到咁行 阿斯都係想好好保護妹子
「其實我唔應該同佢踩到咁行」
而家嘅情況就係之後再補救 反正都做唔到啲咩....
..........
銀鋒搵到杜泄
我仲要係附近睇住銀鋒嘅畫面 但我點都要捷足先登 快過杜泄一步

「杜泄 偷金係咪好過癮呀」銀鋒講完呢句說話 無俾機會俾杜泄我就出左嚟 雙手拉起佢兩隻手 等佢無得用臭屁術逃走
「喂 又係邊個 做咩係度阻住我...」杜泄想郁都郁唔到
「你係壞人 緊係捉住你啦」我幫手道
「你點掙扎都係無用架喇 你識遁地術 唔搵個幫手 點得」銀鋒向前對佢指指點點
「而家點樣處置？捉佢番去你個度？」我問道
「殺左佢 」 銀鋒道

因為家族都係想殺左佢 攞佢屍首番去家族個度
由銀鋒親自落刀 處死一個世一嘅男人
杜泄有啲重 拎起上嚟都要好用力
「呼...要拎番家族度真係唔容易」銀鋒自問唔夠大力抬得起一個人 仲要比佢重嘅男人
「都係嘅 我幫你啦」
我同銀鋒嘅友誼 感情慢慢推進左

其實我可以一個人抬起成個杜泄 因為綠寶石嘅力量 就可以了做到呢件事 銀鋒完全估唔到我嘅力量比佢強 不過我知道銀色家族係邊 同時又見過家族啲人 話哂細個救過我 又送我過去療傷 佢地都係咁友善
而家到銀色家族個度放低杜泄 佢地無人出嚟迎接我 而銀鋒又啱啱趕到
「唔好企係度 入面見一見我伯友」銀鋒講嘅伯友指嘅係佢老豆
「都好 橫點都十幾年無見面 」我道
出到去 有一個好克人憎嘅人走出嚟 佢性格依然無變 就係殿是飢
「你咁大個一啲都無變呀」
其實我講就講佢克人憎 事質上係好多年無見面嘅好朋友
「緊係無變啦 你地捉到杜泄喇 咁金條搵唔搵得番？」
殿是飢為左家族利益 點都係以錢字行頭
「傻啦 捉到人己經好好 仲要盤問佢？一陣又臭走我咁點算..」銀鋒道
「咁你殺左佢做咩 帶佢番嚟咪得 伯友係唔會話亂殺人嘅 」殿是飢情緒極度嬲「你仲要殺左人 而家好啦...你係咪獨吞金條？」
「我係伯友個仔 我要金條問伯友攞就得 駛咩呃人」銀鋒道
我就係旁邊靜觀其變 唔出一粒聲
「你話點就點啦」殿是飢都係想搶埋金條一份 因為佢無咩機會攞到
今次番嚟 家族有任務俾銀鋒 就係殺狄斯 無講錯 地球嘅末日來臨 daddy嘅筆記 媽咪講嘅怪物應該就係狄斯 佢應該係一個好強嘅對手 我咁覺得...
杜泄條屍體 銀鋒交左俾伯友 伯友仲讚佢做得好 所以先會俾佢下一個艱辛任務 殺狄斯唔係一件容易嘅事
「我係預言書查到 有人揭開裂縫 令狄斯走左出嚟 但邊個揭開裂縫 就真係唔知道 不過呢 銀鋒係我心目中係強勁嘅 比任何一個人都要強 殿是飢講嘅野 千萬唔好擺係心上」伯友想銀鋒唔好嬲殿是飢 傻啦 唔嬲就其
「預言書講嘅 狄斯到底係邊個呢？」銀鋒左諗右諗
「我要點樣先可以殺到佢」
目前再殺狄斯 伯友都諗唔到方法 淨係知佢會出現

最慘我連狄斯係點樣銀鋒都未見過....
起碼有張相俾銀鋒睇邊個係狄斯 先可以再行動 我好希望狄斯快啲過嚟 我會幫手懲罰下佢...
「不過而有阿月同阿斯係度就唔同講法 就算狄斯再強都好 都打唔過我地」
銀鋒心諗完
離開伺堂 再離開長長走廊 先可以同我會合

「點呀 伯友諗成點呀？」我問
「佢地想我殺狄斯 即係傳說中嘅魔鬼」銀鋒道
「同daddy講嘅一樣 佢查嘅應該就係同你地所查嘅一樣」我道
回到酒館 我帶左銀鋒見daddy
「真係好耐無見 呀 靚仔左喎 銀鋒」
「太誇張喇 我唔好意思就真 咁耐無搵你地」銀鋒有啲唔好意思
「而家先番嚟都未遲呀 唔緊要嘅 後生仔有自己嘅路 我明嘅」daddy無怪過銀鋒仲覺得佢成熟左
係談笑之間 最有問題嘅果一個就係阿健 佢開始妒忌銀鋒 點解會咁嘅呢 因為阿健係鍾意我 我只不過係唔知暗戀緊我 德國嘅早啲出聲都好我都係會拒絕
Daddy一定唔會應承我同阿健一齊 另外我對佢無感覺 諗都唔駛諗
「今次番嚟 我接到族任務 要殺狄斯 聽講你都查到啲野 我會同阿月一齊打低佢 」銀鋒本身有少少怕醜 但佢希望可以更勇敢講出心裡面嘅說話
「我希望世伯可以應承我 我事成之後會娶阿月為妻」

銀鋒說話令我同阿健有啲驚訝 阿健就一定唔夠銀鋒 更加唔駛諗叫銀鋒讓俾佢
不過我好快收番驚訝嘅表情 微笑道
「好 一言為定 打敗左狄斯之後我地結婚」
「實在太好啦 我個女阿月竟然有人要」daddy眼濕濕 感動到想喊
「daddy呀 太失禮人喇」我走去安慰daddy
「世伯都應承嘅話 我一定會好好對阿月」銀鋒道
「仲叫細伯？應該同阿月一樣改口叫daddy 」daddy再道「細個都有睇住你 都知你係聰明仔 我相當你可以保護到我嘅女阿月 我就放心啦 最好生過B俾我玩下」
「吓..咁快就講生B？」我無諗過daddy一跳就跳到生仔個度
「唔快啦 」daddy道
「你同媽都又要睇住圖書館又要睇住酒館 邊有時間揍呀」我道
「放心啦 呢個唔係問題」daddy道
之後 酒館營業左一陣 仲越嚟越旺場 我同銀鋒決定留低幫手 銀鋒仲話今日雖然辛苦 但係開心嘅 而阿健成晚唔開心 無人知 連我都無為意...

第二日
開始我聯絡唔到妹子同阿斯 佢地真係失左蹤呀 我打左10幾左個訊息俾佢地兩個 一個都無覆 咁可能係訓左教姐 一定係我緊張左
銀鋒叫我放鬆自己 等自己唔好亂諗野 我聽左講 番屋企好好訓番一教 醒左睇下佢地係唔係度
「咁啦 我送你番屋企啦 你先休息一下 我再搵下狄斯嘅資料」銀鋒見我好攰就會胡思亂想 佢都係為我好嘅
「你唔訓教？你唔攰咩？」我好奇問
「我唔訓住 而家狄斯嚟左地球就會嚟呢度 我要查啲野先」銀鋒道
「好啦」我道
番到屋企 銀鋒唔打算離開我 因為佢想打醒十二分精神 佢覺得狄斯如果知道我地係咩身份 一定會攻擊我地 多個人保護安全啲
我無拒絕俾佢入嚟 仲沖左一杯好warm咖啡
大家坐係梳化上
「唔該你呀 阿月」銀鋒道
銀鋒借左我部手提電腦 而我就係床上訓教 不過 過左一陣 銀鋒都頂唔順係梳化訓左 直到媽佢會番嚟 見到有個陌生人訓左係梳化 佢大叫一聲
「呯...」
我先突然起身 然後我擦一擦自己眼睛
「媽 番左嚟喇」
「做咩帶男仔番嚟呀」媽大叫指住銀鋒
「伯母 我係銀鋒呀 記唔記得我呀」銀鋒開口幫手道
「你係銀鋒？」媽係腦海諗左一陣「原來都咁大個仔喇 睇睇下又真係幾似銀鋒呀 唔好意思 嚇到你」
「唔會啦 我都表明自己身份加上又咁耐無見 唔記得好正常嘅」銀鋒道
「今晚留低食飯啦」媽買左好多好餸番嚟 我諗緊今日係咩大日子 要買咁十多餸 定佢知道狄斯會嚟所以買定啲餸？
「好呀 伯母 咁我唔客喇」銀鋒道

煮餸我有入去幫手就同媽嗲兩嘴 都係關於銀鋒啲野啦 仲有狄斯啲野啦 到食飯大家都係食不言 寢不語
主要係因為銀鋒查到嘅野想同我講
但如果狄斯係一個外星人嘅話 係電腦可以查到啲咩？乜電腦有佢資料咩...？

食完飯之後 我地落左去咖啡店館
「狄斯唔係外星人」銀鋒道
「佢唔係外星人 唔通同紅藍寶石一樣 係一隻神？」我問道
「佢係一隻人同妖合一嘅怪物 其實有古事記載過 地球會出一隻兇殘嘅怪物 我諗相信就係佢 但並講明係狄斯 不過應該都係講佢」銀鋒道
「你就查到呢啲？」我道
「暫時只係查到呢啲 其他野就未知」銀鋒突然醒起一件事「阿斯仲未搵到 咁你個邊妹子佢點 有無搵到佢？」
銀鋒唔講都唔記得左阿斯同妹子 的確佢地都而家都未覆 未免有啲擔心佢地 如果有事要行開應該會出下聲 無講啲咩而失蹤 肯定係出左事...
「佢地無覆」我緊張起嚟
又要殺狄斯 又要搵佢地兩個 真係麻煩 無緣無故搞失蹤..

「照咁睇 佢出事機會好大」銀鋒同我有同一種諗法
「同狄斯一樣根本搵唔到］我道
「天無絕人之路」銀鋒神緒都係冷靜
但我覺得有機會 狄斯已經出現左呢個城市 根源
「你一樣可以咁冷靜 我真係欣賞你」我道
大家都係有啲怕醜 畫面又有啲尷尬 但隔膜己經無左 因為大家都係成年人 有啲咩唔怕講出嚟
「細個家族就要學堅強同忍耐 先有今時今日 」銀鋒望望窗外個天 諗左一陣 電話就到

酒館
Daddy打左電話嚟 阿健無番工 唔夠人睇鋪 想我地過去幫手
我就唔明阿健係度搞咩鬼 無啦啦失蹤唔番工 原來daddy都打唔通俾佢 咁阿健嘅失蹤 同阿斯同妹子都應該一樣 阿健都好少咁無交代

事情越來越搞到好大 不過我無理咁多野住 我決定去一去酒館幫一幫daddy 銀鋒都幫埋一份
「唔好意思 今日又再一次辛苦你 」我向銀鋒擺出一副唔好意思嘅樣
「乜說話吖 最緊要大家有事 點可以唔理」銀鋒真係好幫到手

番到酒館 明顯比尋日少左好多人 但今日得三個人當更 就算無咩人都可以做到踢哂腳 啲客人好似有煩惱咁 當然我唔會問佢地咩事 唔通全部人都係化悲憤為食量

「daddy你知唔知點解啲客人 神緒咁奇怪嘅？」我道
「的確好奇怪...」daddy係酒吧沖緊野酒

聽說 狄斯嘅災難真係要來臨了...

「疾風女俠3芬鍾人士（上集）完］