英雄再三聯盟：宇宙洪荒: 昭雪：心渝（上）
小之阿之------夕日本系醫院
我
韓心瑜
心肺科稍有知名醫生
今日係第20日OT
一樣無慢放 同時每日至少OT到9點至10點 每朝早番8點 番去就即刻訓教
正所謂家家都有本唸嘅經 行行都有蛇王的精英 醫院唔例外 除左我仲有幾個高級醫生 佢地都係日日OT 一來醫院唔夠人手 二來 醫院有人蛇王 但係啲醫生又理唔到 已經唔夠人 無理由有趕盡殺絕
應該話想理都理唔到
「如果可以離開呢度你話幾好呢」我係自己將檯嘆氣 不過轉個頭又有另一個手術要跟
小之阿之最好同最出名嘅醫生就係我地 加上呢度醫院唔多 個個又湧哂埋嚟 之餘 政府係見到咁嘅情況 但做事一樣係無頭無尾 同呢度有啲人一樣 但唔多做野嘅人呢度好多 政府個邊當然唔知啦 我又唔係係政府度做 但我唔會偷懶 如果我都懶埋一份 呢度就真係玩完
「我都想可以離開呀 但無計 呢度最好醫生都係哂呢度 咁市民個個都嚟呢度有咩咁出奇...」阿通都係醫生 仲要鐵人過我 我都做到要生要死 佢都無埋怨一句
「只怕政府太腐敗了」我道
「唔好咁講 好多事 政府都係身不由己 」阿通本身係檯上做緊文件野 跟住起身過嚟拍拍我膊頭就離開辦公室
如果我可以似佢一樣咁樂觀就好了
手術室 阿通都有自己手術要跟 仲要排到密密麻麻 點解最近小之阿之多左好多人要做手術 因為市民事無大小都搵我地.... 鬼叫我地城中出名嘅那一個
不過今日我唔駛OT到九點 呢個喜悅即時腎上腺向上升 不過點攰都好 最後決定去酒吧飲酒減下壓
附近酒吧
「晚晚OT到9點 你仲有時間去飲酒 應該要休息一下先係」阿理都係醫生 仲要同我同一個garde 同我一樣都係好努力 不問世事 只顧救人 佢都理唔到唔做野嘅人 佢都係等上面再安排點處理 最緊要都係安份守己就得 放況做醫生人工咁高 無人會想同錢作對 但都唔會違背自己原則
「你都係吖 唔休息嚟酒吧飲酒」我再飲一啖啤酒道
「我係跟住你嚟 睇下你去邊 不過估到番工都番到好辛苦頂唔順 應該撐唔到落去？」阿理問道
「你唔係咩日日都係咁」我道
「我當然係啦 我都係嚟飲悶酒嘅 不過你放心啦 捱多一陣就可以放長假了 聽講有外面醫生落嚟」阿理收到一啲小道消息 真係真假我真係分唔到
「如果真嘅話 咁真係開心野嚟 值得慶祝嘅」我確認我自己有啲醉意 仲打左一個嗝
就係咁我就開始斷左片 佢對我做左啲咩 我唔清楚 我淨係知道第二日我就係自己張床度
某程度上 阿理係一個好人嚟
咁開心嘅日子 緊係要盡興
Bi...bi ..bi...bi....bi...bi ..
其實我自己都唔係好飲得 但係唔飲下酒 真係好痛苦日日咁番工法 第二朝一醒來就去左另一個世界 好似好迷幻 但又好真實 四周都係石壁 我大概會估自己會係山窿入面 但我見唔到有一道光嘅出口 個頭又有啲暈暈地 就好似俾人打暈左咁 雖然我係醫生 但我都解唔開呢個痛楚 最慘山窿係無人係度 想喊又喊唔出 又唔知自己身在何處 我拎開褲袋嘅電話 講到明係山窿入面 邊度有訊號？完
禁極都無訊息 我放棄左電話求救呢個念頭
不過我電話仲有電力 開住閃光燈 一路直行睇下咩情況 照依家呢個情形嚟睇 直行都係暢順嘅 起碼無人阻住左我 最怕就係遇到啲咩蛇蟲鼠蟻 我最驚就係呢啲 唔理咁多 出到去先講...
我好小心一步一步咁行 行左換半路就開始有啲唔對路 個身開始好凍 我覺得出口應該就係不遠處 但我仲係越行越凍 越行越凍 加上我件衫又唔夠厚 完全承受唔到呢個寒風 仲不時打吃嚏 再過一陣睇嚟我都係頂唔住喇 我諗我會無命 我會死係呢度 死係呢個唔知邊度嘅地方
Bi......
有隻野行緊埋嚟 bi就係佢嘅腳步聲 隻野好得意 佢自稱自己為昭雪 因為佢個樣都係女雪妖咁款 把聲仲要有啲細路女風格 佢行埋嚟我身邊 想俾啲溫暖我 雖然昭雪係一隻女雪妖 但都係一隻善良有靈性女雪妖 唔忍心睇住我死係呢度 但佢救我有另一個目的 就係想我幫佢
昭雪溫暖程度相當驚人 即時零下幾度都無有怕 簡直係禦寒好幫手 而我一樣不醒人事 佢見狀就慢慢帶我出去山窿 出到去除左暴雪風 眼前嘅路完全睇唔清 除左昭雪 佢可以抵擋暴風雪
帶我離開暴風雪 帶我離開險境
足足訓左三日三夜先醒番 但我醒番竟然唔係小之阿之酒吧 而係另一個唔知咩地方一個四方八面普通嘅屋企 我望出窗口 約隱約現又好似係好熟悉嘅地方
屋企內竟然無人 我再摷下褲袋 電話一樣係度 我毫無猶豫打左個電話 好好彩 電視打得過我好朋友 醫院啲人話我失左蹤
「你尋晚醉左之後我就帶左你去樓上嘅房 仲以為你第二朝醒番會返嚟 跟住你又唔知去左邊失蹤左 成間醫院嘅人都搵緊你呀」阿理語氣唔似有發火 佢知道我實在太攰 日日咁ot. 只係覺得我並唔係一個無交帶嘅人
「我都唔知而家係邊度呀 我會盡快番嚟架喇」我道
「小之阿之應承過會派人嚟幫手我地間醫院 真係講得出做得到呀 我後日都放兩日假呀 佢地擔心你安危 搵到你嘅話 就同佢地回報 放心啦 你真係攰嘅話就休息多兩三日啦 人手方面唔成問題 」阿理講完我就放心哂
「真係可以鬆一口氣...」我係廚房攞左一杯水飲 阿理知道我平安無事就掛線 咁啱昭雪就番左嚟
我個一刻嚇左一嚇 一隻大大嘅女雪妖係我眼前 點會估到係女雪妖救左我
竟然....
「你係...？」我好奇地問
「我係昭雪」佢答
吓...？佢識講人話 真係史上唯一驚天大發現...
呢個世界真係有外星生物存在 定係工作過度先會變成咁
我見到女雪妖拎左一抽二抽 都係菜嚟 佢想煮野食定係想毒死我？如果想毒死我嘅話就唔駛救醒我 我先對佢起戒心 之後先慢慢再查證 我第一時間就會想問
呢度係邊度嚟...？
「呢度係小之 係我救左你 同時又有野想你幫手 事態嚴重 希望你唔好介懷..」
昭雪本無惡意 但我無能力幫到佢 一個凡人如何同外星生物鬥 雖然我仲未知佢嘅目的係咩
「有野要我幫手？仲有你覺得我可以幫到你啲咩？」我問
「我係來自魔盒入面一隻守護雪精靈 不過係一次意外分離 ...」
回憶之中 約隱約現 我係其中一個魔盒入面 有一個面孔陌生嘅人 走近
我無法離開呢個人 佢越走越近 接近之時大力扯開三個魔盒之間鑰匙 而我就意外地離開魔盒本體 其他兩個魔盒就消失左 可以話去左第二度
我知道我一定會搵到佢地兩個
雖則如此 我竟然可以出嚟透氣 都係一種榮幸 但只要魔盒結合之時 就係地球毀滅之時 我相信 果個人唔會就咁罷休...
「我可以活動自如 真係發緊夢呀」
我摸摸自己 咪又係一隻雪妖 出到去都係無名無份 於是我決定改名為 昭雪
我開心到自己係度跳舞
「我興奮到唔正常呀」
「唔好開心得太早 其實無人可以救到你架喇 妹妹仔...」一把粗獷嘅男人聲 令我有啲唔自然 來頭應該唔細 加上我聲音尤如女聲柔和 就判決我係一位女子
「小女子...我」
我係度諗 我係咪應該要離開現場 呢個人下一秒會做啲咩真係預計唔到
「小咩女咩子 雪妖就雪妖 你都知我嚟嘅目的係咩野...」眼前敵軍其實係烏野來軍 一個兇惡嘅人 面孔係怪獸 但身體同人一樣 有手有腳 仲有尾巴 最重要耳仔係一般妖精耳朵
「你嘅目的我唔想知 我淨係知道 魔盒失落於地球上 你茂茂然去給合三個魔盒 地球就會滅亡 」我係魔盒守護人 絕對唔可以俾呢件事發生
「笑死 無左魔盒你地都無得生存 好快就會死 乜你唔想搵番魔盒咩？」烏野來軍理所當然
「關你咩事？我唔想地球玩完 我會阻撓你繼續行動」我發嬲
「收聲 我唔容許你繼續講埋啲廢話 就算我搵唔到其餘兩個魔盒 我都要你死......」烏野來軍突然上前捉住我條頸 我幾乎完全抖唔到氣。
但我死左 魔盒都唔會出現
「你...」
「你咩呀你 你越來越克我憎...」烏野來軍係最後一刻放低左我
點解呀...佢咩事...
「點解...」
「為左魔盒嘅存亡 我係唔會呢個時候殺左你 我無咁蠢 哈哈哈...我要你記得我 我係烏野來軍 下一次我嚟嘅時候就係你死亡之時」鳥野來軍一瞬即逝 真係飄忽 咩野烏野來軍 就係咁 我唔可以再係度硬膠膠 我要搵地球人幫手 咁樣講啦 我身處嘅魔盒係其中之一 佢正正坐落係小之阿之酒吧嘅一個酒店房床下面 我潛意識就落左去魔盒度 直到有個人 就係你心瑜 咩咩咩醫生 我決定搵你幫手
番到我嘅視角
件事嚟到呢度 我再一次相信昭雪係好嘅 起碼好話想地球全亡 而家只係唔知點救姐 烏野來軍應該係好勁嘅壞人 諗起嚟都打冷震
「咁昭雪你諗住有咩打算？」我問
「你聽完我嘅一席話 竟然會信我？」昭雪迴避我嘅問題
「信 你有心害我就唔駛講件事我知 就當你呃我 我相信你本善良 唔係啲咩壞人 如果係壞人我一定唔會放過你...」其實我脾氣都唔係好惹嘅
「跟住落嚟 我會附上你身 畢竟你係人類 唔夠烏野來軍打 但係我上左人類身上 身體會變大 戰鬥力量都會大幾倍...」昭雪道
越來越越似一套科幻片
小之阿之地方醫院
會議室
一個非緊急嘅會議
主要內容因為我 但係有小之阿之地方高官賴恩善同我地院長淳志豪
我地通常叫佢做豪哥 因為佢為人偏向親切 但有時好嚴肅 佢都知道醫院咩事 成日諗方法解救 其實佢都好大壓力 我完全明佢辛苦嘅
「今日我嚟除左有隊 團隊會過嚟幫手 仲有一件高級醫生失蹤案 希望可以有個交待..」賴恩善一副老貓燒鬚咁嘅樣 對住院長說話
「好多謝賴官俾左隊team我 令我地嘅同事都有時間放假休息 至於高級醫生失蹤 絕無此事 係因為佢己經OT左一個月 我決定俾佢放假」阿豪回應
「啱啱先有隊團隊過嚟 佢地都要有時間適應 你依家嚟放一個咁重要嘅醫生放假？我而家有理由懷疑高級醫生並唔係你口中所講嘅放假 而係失蹤 我希望你可以打電話俾佢 我要報平安 仲有 如果真係失左蹤 你叫佢辭職啦 我地唔需要啲咁無交代嘅人」賴恩善背向阿豪望住落地天窗
「呢啲係我地醫院件事 請問你有咩資格炒我地醫院嘅人 更何況要炒一個高級醫生 佢走左 啲野邊個處理？你有人選？」阿豪大力咁拍檯反對
「無論如何 呢個高級醫生一定唔可以炒....」
「咁唔該你打個電話 報個平安 」賴恩善係衫袋拎出一部私人手機
「我自己都有手機 唔需要用你果個..」阿豪最怕嘅係我唔接電話
難怪嘅 我係小之 而唔係小之阿之 不過格一個城市 訊號都可能收得唔清楚
最後緊係無人打到俾我啦
於是 最聰明嘅阿理係出面門嘅細窗睇到一清二楚 皆因佢識讀唇語 內容部分唔成問題
佢搵左一個信得過嘅靚女護士幫一個大忙 最重要場戲做得好好 可愛瞞天過海
三樓護士站
比較最唔忙嘅情況下 病房都無咩好打理
阿理搵左阿蓮 不過 阿華 姐係高級護士有時都唔多鍾意其他人叫佢啲細做野 因為真係好忙 但阿華會俾幾番薄面阿理 可能係阿理職位比較大 阿華係自己房睇住阿理同阿蓮傾計 就知道有要事幫手 仲示意阿理入去房間
「今次真係事關重大呀 阿華」阿理一定會幫到我盡
「有咩咁大獲？醫院要拆？」阿華飲左一啖水道
「心瑜可能會俾人炒 我一定要搵人幫手」阿理道
「哦...咩野高級醫生韓心琴呀嘛 佢走左仲好 我又想睇下政府可以搵啲咩人落嚟..」阿華道
「你點可以咁講架 話哂....」阿理未講完 阿華就打斷左佢
「不過咁...我唔想醫院管理搞到笠笠亂 我知你想搵阿蓮幫手吖嘛 我識做嘅 」阿華如此玩笑令到阿理耽誤左一啲問題 不過阿理最後都係哀心多謝阿華嘅 起碼佢無阻止阿理
「唔好誤會呀...我唔係想幫你呀 我只係唔想醫院管理搞到笠笠亂 要我去執蘇州屎呀 」阿華講完之後
阿理就把握搵阿蓮幫手
但邊有諗到最後竟然係打得通俾我...
真係唔好意思呀 又要麻煩到你」阿理道
「好小事姐 你搞得掂 我地大家姐就得架喇...」阿蓮客氣咁講
「佢ok喇 我同佢講番聲就無事 」阿理道
「你都知大家姐啲脾性唔係人敢品 不過今次佢點都會推搪嘅 話哂一個高級醫生走又會亂到爆 佢最怕好多野跟 」阿蓮道
「都係唔好係佢背面講是非 唔係幾好 」阿理都係八婆 有咩就直接攤開嚟講 總好過見到面就面阻阻
而係窗邊嘅阿華 就默默睇住我 幾時都係 阿理最受女仔 包括我在內 不過我同阿理都係工作上伙伴 都係搞好間醫院佢
係件事上阿理其實都有不斷打俾我 當然訊號唔成功 但係又要係賴恩善離開醫院之後先通到
阿理覺得呢時候個天好玩緊佢咁
最重要嘅係我都俾人炒魷魚 賴恩善幾咁高明都始終唔係嘅人 對醫院人事都係知啲唔知啲 梗何況佢都係死撐姐 無我仲有人頂我個位咩
我會盡快番嚟醫院管理番啲人事 等阿理可以放到假 阿豪無怪我失蹤 只係想我盡快番嚟 係有團隊幫手 不過佢地要習慣都要一排時間 其實都仲未可以鬆懈
仲有一個問題 昭雪已表明會跟隨我身邊 但烏野來軍嘅危機一日未消除 一日我都仲係危險 就算昭雪唔搵我都會搵其他人 但別無他法 姑且信佢先 量佢唔夠膽攞呢啲野嚟講笑
我諗緊可以搵咩原因同阿理佢地解釋 佢地遲早都會知 先講俾佢地知有心理準備都好
而家真係唔方唔係度嘆氣呀...
昭雪係我身邊 不禁令我打冷震 話到明係雪 唔多唔少都有啲寒氣
「你打算點樣保護我？你好似都怕烏野來軍」我坐係凳上等昭雪煮餐好野食 但我竟然對一隻雪妖識煮野食唔覺得奇怪 可能對我都係無咩特別
「我梗係怕烏野來軍 上次佢扭到我條頸差啲死咁滯 以我內心征服唔到佢 但你唔同 我上左身 力量大幾百倍 就可以應付佢」昭雪邊煮飯邊講
我心諗雪妖上左人嘅身上真係有咁強勁嘅力量 真係講都唔信 最緊要呢個肯定係魔術 根本無科學根據
「我幫你手啦 我唔想等食呀」諗唔到講咩 最緊要都係而家 醫好自己個肚先
「世事就係咁奇妙 偏偏我就會遇上你 呢啲就係緣份 如果唔係地球可能會被毀滅 我可能會死 」昭雪煮煮下飯突然有啲感觸
我走上去安慰佢 遞上一張紙巾 抹走充滿淚印嘅傷痕
「你唔好喊啦 我都唔想我地居住嘅地球有事架嘛 不過咁 我工作有啲忙 有啲都急唔嚟」我番工日日都OT 就算唔OT我都要揹起責任 做得大都預左無得退縮...
「如果有時間 另外兩個魔盒 我希望可以幫搵下」昭雪都擔心其他兩個魔盒會俾烏野來軍搵到
但問題係我可以點搵魔盒 佢跌左去邊都唔知啦 好肯定唔會係小之阿之 呢度已經有昭雪 姐係話 其餘兩個魔盒都應該會有一個同昭雪一樣嘅守護者 見識一下都好....
「我放假都會攞時間休息 希望你唔好介懷...」我道
「唔緊要你忙碌嘅時候我自己想辦法 」昭雪道
「你真係犀利 識講人話 又識煮人類嘅野食 又識得係地球自力更生」我讚到天上有地下無咁....
「如果無咩事 盡量唔好出意外 高官賴恩善落嚟一定有咩妥...」阿華打緊電話 阿蓮無意中係窗度睇到佢神神秘秘 就係聽唔到佢講咩
不過阿蓮都無想去猜測 阿華見到阿蓮望住佢 姐係話同阿理嘅對話己經完結
「電話傾完喇 可以搵阿蓮入嚟...」阿華自言自語 同時示意阿蓮入佢房
阿蓮定一定格深呼吸 佢知道阿華搵佢咩事
「我...」阿蓮口啞啞
「阿理叫你幫手 你係咪已經搞點好哂？」阿華問
「係 佢搵我扮心瑜 」阿蓮回應
「我早就估到佢會咁做 點都好 心瑜唔可以俾人炒 佢炒左呢度就會好亂 賴恩善係小心眼 我行我素 唔好俾佢得逞」阿華道
「明白...」阿蓮對阿華鞠躬
「無事就出番去做野啦...」阿華微笑道
阿華佢都未試過咁樣笑過 咁唔尋常嘅行為 令阿蓮唔敢相信
........
蒙汗市山洞穴
溝火
烏野來軍所在地
「噗....」
捉到隻野豬 鳥野來軍就覺得好豐富嘅晚餐 係個度根本好少出現 極罕有
野豬係火燒左一陣 就已經有煙燻嘅感覺
「真係好惹味 地球竟然有如此極品食法」
食食下一半 就有個人從天而降 仲引來一艘太空船
一個神秘面紗出現
「東假司...」
烏野來軍認得出東假司 因為都有不共之仇
「你唔可以再搵魔盒 你唔可以破壞宇宙秩序 」東假司戴上一副老甲 拎起一支戰矛
不過烏野來軍都早有防範
佢嘅身邊好多烏野人四方埋伏 而東假司只有一個人
「就憑你 你覺得可以逃出生天咩？」烏野來軍笑道 示意烏野人向東假司攻擊 鳥野人就好似狼一樣 撲上前
東假司舉起長矛橫掃擊退眼前嘅烏野人 支矛到左最強力量 可以釋放電流 不過只有數秒時間 不過咁 幾秒電流都足以夠用
「新武器喎...假東司」烏野來軍重心向後 鳥野人打既打 死嘅死 但無一個烏野人可以行到假東司身邊
「支矛？改良武器嚟姐 要對付鼎鼎大名嘅烏野來軍 係要用啲新野 」假東司不斷攻擊烏野人 但眼前人數越來越多 「係地球搵魔盒 都部署咁多人馬 睇嚟魔盒對你嚟講好重要 但你咁做會破壞宇宙之餘 地球都會滅亡....」
「廢話少講 你今日係要死係呢度 」烏野來軍嘅決心唔係來自互相嘅恩怨 而係....
「我落得嚟 就係要阻止你 受死啦」
假東司支矛啱啱儲夠電流量 攻擊烏野來軍嘅身軀 但烏野來軍完完全全擋住左電流
「竟然會係咁....」連東假司都難以置信
「今日休想我放你一馬...」烏來人停止左攻擊 因為佢地要一場單挑
「睇嚟我過氣了 我實在太睇少對手」假東司心知不妙
「係 你就係太過輕敵 唔好諗住捉到我 哈哈哈...」烏野來軍嘅笑聲越來越奸詐
「除非我死左 我都要保護地球 」
假東司嘅戰矛 烏野來軍嘅拳來腳往 佢又可以輕鬆避開 單挑持續數十分鐘
但東假司知道咁打都唔係辦法 就係最緊張嘅一刻 戰矛俾烏野來軍打飛左
「保護地球？」烏野來軍再道「憑啲咩？」
「就憑我仲有良知 而你無...」假東司就算赤手空拳都可以打一場淋漓盡致嘅戰鬥
「笑死人咩...良知 唔好同我講良知 我唔受呢套」烏野來軍唔怕畏懼 但佢怕無face「你支矛都無左 你就等同於廢物 接招啦... 仲有我地恩怨係時候要清除喇 再見喇 東假司」
東假司唔係唔可以反抗 係覺得反抗都係無用..
始終都逃唔過死亡命運
東假司睇少左眼前嘅對手 無力再為宇宙戰艦續航...
或者佢都想睇下呢個世界嘅美好
宇宙戰艦一早得知魔盒存在三個係地球 點都會搵佢出嚟又要阻止烏來野軍嘅計劃
「東假司好似係附近...」宇宙戰艦南二 係森林一帶搜索 不過宇宙戰艦會有一種強少少嘅味道 係佢地身上嘅標記 方便可以認出自己隊友 又唔會濫殺無辜 所以那種味道只係佢地獨有
仲有一點 陣味係臭 外人問到會自動離開三尺
南二跟凱女為左戰艦嘅任務 決定冒險嚟地球 好明顯幫手就係阻止烏野來軍嘅計劃 就係佢地眼前見到一個死去嘅東假司
「東....」
南二有啲唔係信自己見到嘅野
「唔係掛....」
凱女同南二跑過去 嘗試叫下佢 嗌左幾聲都無用 心跳亦已經停頓了
「到底係邊個做嘅好事...」凱女望住同圍 都係一堆樹 無咩咁特別
「如果有人要殺假東司 我地嚟遲左一步了...」南二有啲唔忿氣 但真相如此都無得唔相信
「呢個人一係同東假司有仇口 一係已經搵到烏野來軍...」凱女道
「應該係 呢個咁寂靜」南二道
凱女同南二係原地坐低左 凱女打開手上嘅公事包 其實係一部電腦 直接記錄呢個嘅環境 再睇下附近有無可疑事物
「好彩有帶電腦做資料 點都要攞番啲野上去...」南二道
「你睇住周圍 睇下有無人 」凱女視覺只向電腦無理南二一眼
「無問題..我會金精火眼」南二道
佢地會將有用嘅資料攞番上去研究 過左一陣 凱女係查唔到啲咩野 電腦系統會鎖定周圍事物 一有可疑就會發出訊號 仲會響出「嗡嗡」聲 令人非常刺耳
「就算真係有人殺左東假司 應該會離開 唔會留係度啦..」南二無耐道
「廢話... 唔通乖乖地等人嚟捉佢咩...我係查魔盒嘅資料咋 話哂呢度都有機會係鳥野來軍出沒過嘅地方...」凱女繼續用佢電腦
跟住南二就無再駁嘴了
就算烏野來軍嚟到 佢地都唔一定夠打 只因未係成熟 一心只係衝動 當然衝動累事嘅真係好多 宇宙戰艦都唔例外
另一方面
烏野來軍越跑越快 佢知道此地不宜久留 要另覓新地方 居住....呢個都會係佢頭痕嘅地方 好唔容易先搵到一個棲息之所 又俾人搵到 有啲嬲
「唔會俾我見到東假司啲人 我一定唔會放過佢...」烏野來軍向天大嗌
只怕做更多嘅野都係徒勞無功
烏野來軍邊跑邊心諗
「到底...東假司係點樣搵我嘅呢？而家東假司嘅追蹤技術真係神奇...」
諗左好多野 但一步就走到落懸崖 前一腳僥倖地無踏入空氣