命中注定我與妳?: 8. 家姐的男朋友

每一次運動堂，我都係坐係一邊睇同學上堂，大家玩得好開心果時，我只可以默默拎住課本溫習
 
因為我早左出世，勉強足月，但係我氣管真係好弱，到而家仍然要隨身帶住擴氣管藥以防萬一
 
另外每日仲要吸一D預防性嘅藥物，仲要經常去覆診
 
我真係好想好似其他同學咁樣，可以開開心心咁跑
 
於是我係一次覆診中，問起醫生
 


「醫生，我唔想吸類固醇啦，有咩方法可以俾我好似其他同學咁跑跑跳跳?」
 
醫生見我個樣咁，佢就同媽咪傾左D方法
 
「程太，如果妳地想浩翹早D唔洗吸藥嘅方法，其實係有嘅」
 
「真係?」媽咪眼中傳出光茫
 
「冇錯，如果俾佢游水嘅話，佢會好得多」
 


為左我可以好似其實同學咁跳跳扎扎，我決定左去學游水
 
係我屋苑會所嘅游泳，我著住泳褲同水泡企係到
 
水中嘅慧思就游得好開心，佢一早就學識左游水，冇解，佢學校有泳池
 
家姐就著住套紅色比堅尼係到望住我地，佢亦引黎唔少目光
 
果時家姐已經唔再係當年果個平胸妹
 


係舊年，我仲係樓下撞見佢男朋友，佢男朋友係好斯文果款男仔
 
諗返起果個暑假，佢俾我撞見果一幕真係令我會心微笑
 
當日阿哥同我去完公公診所到睇醫生後，我地一齊行返屋企
 
係樓下大堂就見到有個男仔係到等緊人
 
30秒後，我地見到家姐出黎
 
我地兩兄弟見到家姐個形象立即呆左
 
家姐當日著長傘裙，加對涼鞋，佢仲化左少少妝咁行出黎
 
係家姐眼完全冇我地兩個細佬存在


 
家姐一見到佢男朋友就立即小鳥伊人咁拖實對方再慢慢步出大堂
 
我地兩個互相對望，好…有野玩
 
當佢地行到我地面前果時，我地一齊叫左佢一聲
 
「家姐~」X2
 
「嘩!!!!做…做咩你地係到架!!」
 
我地兩個奸笑咁對住佢「妳好唔想見到我地兩兄弟咩?」X2
 
我地一齊望住家姐男朋友
 


「哥哥仔，你追我地家姐，有冇問過我地呀?」X2
 
男朋友好似好怕羞咁樣「咁…咁呢….」
 
「家姐妳睇下妳，又著裙又著高身涼鞋仲要化妝…唔~」X2
 
「咁…我拍拖好出奇咩!!!!」
 
「哥哥仔，你點稱呼呀?」X2
 
「我…我叫Jayden」
 
「啊~Jayden哥，黎啦，我地肚餓啦」
 
「你地兩個….喂!!」


 
Jayden同家姐俾我地帶到去間普通嘅茶餐廳坐低
 
我嗌左個西多沙律可樂，阿哥要左隻熱狗同可樂
 
「好啦家姐，坦白啦」阿哥好奸咁笑
 
「我…我有拖拍好出奇咩!!」家姐面紅紅咁講
 
「幾咁啦」
 
「你鍾意家姐d咩呀?佢咁死惡」
 
「小敏佢呀….呀…初初…都幾惡嘅。不過佢內心又好好，成個細路女咁…所以」
 


「所以家姐就強迫你同佢拍拖啦」
 
「咩強迫呀!!!!!」
 
「唔係架，係我追佢先架」
 
「家姐佢似小鳥伊人?」
 
「你地家姐好溫柔下架」
 
Jayden實在太年輕了…不過佢又幾照顧我地嘅