命中注定我與妳?: 21. 我的妹妹

話明係男校，皇仁同英皇一樣，同其他同學打開話題嘅，一定係打波踢波同埋咸野
 
就係第一堂體育堂，我就已經同其他同學混熟左
 
我有幾個同學同我特別熟；阿柑(Vincent)、阿桔(Peter)，仲有自稱校草嘅屎提芬肛
 
而佢地都對畢SIR係第一日上堂講嘅野非常好奇，所以佢地就問我，點解我同英華女校咁有關係
 
「我?同英華關係?」
 




「係呀，除左你媽咪係英華老師之外呢?」
 
「咪…媽咪阿姨都係英華OG囉」
 
「仲有冇?」
 
「唔….家姐都係囉，仲有阿哥個女朋友都係囉」
 
「阿…阿哥女朋友喎，即係…佢同自己媽咪個學生拍拖?」
 




「係呀，有咩出奇?我媽咪教姐姐bio，我個契姑姐都係英華女校畢業，佢仲係姐姐班主任啦」
 
「咁你真係好有淵源喎」
 
「點止，我爺爺同爸爸都係英華女校男生」
 
「嘩!!!倒不如你真頭係英華出世丫」
 
「講真，我真係係英華女校出世」
 




「講真?」
 
「呃你做乜L?當日我一踏入足月，媽咪就作動要生我，果時仲上緊堂。去到醫療室已經穿羊水，要隔離兩個診所醫生走去幫媽咪接生」
 
佢地聽完後，不禁上下打量我「你真係一出世就係英華人」
 
「可以咁講」
 
「咁你阿哥邊間學校?」
 
「佢係king屎仔」
 
「你又唔揀king屎嘅?」
 
「我係派左去架，不過又想黎試下，咪黎囉」




 
係體育堂，我地幾個總係一齊打波
 
食飯果時，我地不禁去望下慧思學校d女仔，不過佢地F.1-2唔可以出去食飯，好慘
 
「你地睇下，D真光妹幾靚喎」
 
我望一望「一般啦」
 
「識到佢地就好啦」
 
阿桔，你太年輕了
 
「女校D學生唔係你地想像中咁樣，佢地一定係依嘩鬼叫，不修邊幅，上堂講粗口果D」
 




「你咁清楚?」
 
「睇我家姐就知啦」
 
「係喎，有冇你家姐D相睇睇呀?」
 
我拎出電話，碌D相俾佢地睇
 
成班真係未見過女仔，一見家姐著校服張相就流哂口水
 
「嘩…你家姐..好靚喎」
 
挑!你地都未見過我女神
 
我一轉家琪姐姐張相俾佢地睇，有排球裝同校服




 
「呢個…仲正!!!」
 
「佢係我阿哥女朋友」
 
碌碌下，佢地碌到去慧思張相到
 
「呢個…..真光妹?你識真光妹?」
 
我點一點頭
 
「佢係我契姑姐嘅獨生女，英華女校校長唯一嘅孫女。佢住我樓下，冇咩事唔好得罪佢」
 
「咁佢係你邊個呀?」
 




我諗一諗「妹妹囉」
 
「噢~~~妹妹~~~」X3
 
男仔果然好快睇穿對方
 
「你呢個妹控，用個『妹妹』張相做電話wallpaper喎」
 
「有咩問題先?」
 
「咁不如介紹『妹妹』俾我地識丫」
 
然後就出現大量粗口