命中注定我與妳?: 30. 女校開放日

一早我就自己起左身，換上簡單便服就出發
 
係同媽咪一齊出發
 
上到英華4D班，嘉怡佢地都未返到大門深鎖
 
好彩偉叔經過，幫我開左道門
 
大約30分鐘後，就聽到大班女仔叫聲
 




「Winnie妳做咩忽然扎孖辮呀?妳唔係話好麻煩咩?」
 
「係囉，妳都話馬尾方便d嘛」
 
「咁….想改變下者…」
 
「定係想為男仔改變呀?」
 
「咩….咩喎」
 




「Miss Lam個仔呢?佢上次專登黎搵妳喎」
 
「好啦…佢就到架啦，唔好咁大聲啦」
 
佢地上完樓梯，就發現我企左係到
 
嘉怡見到我，就面紅紅咁過黎
 
「喂!你咁早嘅?」
 




「俾媽咪一早趕起身，唔早就假」
 
我幫佢地班做埋最後少少野，開放日正式開始!!!!
 
不愧係英華女校開放日，有好多小學女仔黎參觀
 
嘉怡佢地不停招呼嘉賓黎參觀學校
 
真係由9點做到差唔多1點都未停
 
不約12點果時，媽咪俾左個任務我；幫全班準備午餐
 
既然係全班一齊食
 
就當然咩pizza啦，仲要係媽咪俾錢




 
當佢地叫攰同肚餓時，pizza送到!!!!成班立即唔理儀態咁係到食
 
呢d就係女校生活
 
「Clodulf，真係唔該哂你呀」嘉怡坐係我身邊講
 
「冇你幫手，都唔知搞唔搞得掂」
 
「小事啦，最緊要幫到妳地」
 
我望住嘉怡對孖辮都不忘讚下佢「妳扎孖辮又幾靚女」
 
「真係?」佢面紅
 




「呃妳做咩?」
 
「Winnie呀，妳陪Clodulf周圍行下啦」
 
「陪佢?佢應該仲熟過我喎」
 
「去啦」
 
「係喎，你有幾耐冇上過黎?」
 
「幾耐呀?唔…自從孖女表姐畢業後都冇黎過啦」
 
「咁唔怪得冇咩人識你啦」
 
我地兩個人不停行，直到聽到一把聲




 
「浩翹?你自己一個上黎?」
 
我同嘉怡一齊轉身望，係婆婆
 
「婆婆」「校長」
 
「Winnie妳做導遊?帶浩翹周圍行?」
 
「係呀校長」
 
我地兩個行到去禮堂，係學生會搞嘅「英華女校知多少」
 
有學生會學生過黎招呼我地
 




「同學，你係咪黎參觀架?」
 
「呀…係呀….」
 
「咁不如你試試下挑戰我地呢個遊戲丫」
 
「點玩架?」
 
「呢個係『英華女校知多少』，如果你有留心我地學校，就好大機會答到」
 
嘉怡望住我「點呀?有冇興趣挑戰下?」
 
「有咩獎品先?」
 
「獎你著我地套長衫影相丫」
 
「嘩….咁叫懲罰喎」
 
「試下啦，最多我地全部同你一齊影相啦」
 
咁又唔同，就係咁，我決定接受挑戰