命中注定我與妳?: 35. 表演開始

我將相機裝好鏡頭，條腰扣上一條粗嘅腰帶，另加幾個鏡頭袋
 
開始我今日嘅工作
 
現場攝影同埋平日自己影相唔同
 
自己一個出去影相可以用足成日黎構圖，可能係個位到等到滿意先撳快門
 
但係現場工作攝影唔同，要盡可能捕捉每一個鏡頭而且換鏡要快，白平衡要調較得準
 




呢個就係影相好玩之處
 
我企係禮堂中，不斷係到調較白平衡
 
白光管?燈泡?閃光?定係自訂好呢?
 
我係到不停咁試不停咁試，試左好耐終於試到滿意
 
今次我真係用盡自己攝影知識，務求要幫英華女校影一輯最好嘅相
 




「浩翹，你今日要幫我D學生影好D喎」一把好仁慈嘅聲音係我背後傳出
 
「婆婆」
 
「你真係好用心黎影」
 
「咁婆婆妳指明要我幫妳地手，我一定要盡力去影」
 
「哈哈，你唔好集中影一個同學就得啦」
 




「下?呀….邊個呀婆婆?我唔太明白」
 
「呵呵，婆婆知道嘅，嘉怡同你好傾得埋」
 
咁都會走漏風聲嘅?
 
「其實婆婆呀…我同嘉怡呢…真係冇咩野」
 
「你地後生仔嘅事，婆婆唔理得咁多，不過唔好影響自己就得啦」
 
係呢個男女間相處問題上，我第一次俾婆婆咁笑法
 
英華同學進場做睬排，呢個時間，我再係到調較部機
 
用嘉怡黎做目標，不斷係到影佢




 
試完機，準備開工
 
我地一班攝影小組企係場邊等待影相
 
當MC宣怖音樂會開始時，我地要係唔同位置唔同角度下影相
 
因為我地學校係客人關係，所以我地先出場演奏
 
雖然我係負責英華嘅攝影，但係我都會幫我班同學影嘅
 
而我所影果D，係snapshot，係佢地唔知道嘅情況下影嘅花粹
 
我地學校表演完後，就到嘉怡佢地上台表演
 




佢地演奏左「梁祝」呢一首好傳統嘅中樂樂曲，仲有「水調歌頭」
 
當中仲有嘉怡柳琴solo
 
睇住佢嘅表現，我終於明白點解當年婆婆要用慧思黎交換佢過黎
 
因為嘉怡完全係一個中樂天才少女
 
我係嘉怡自己solo果時影左佢好多張單人沙龍
 
原來佢地唔止表演中樂，佢地仲可以用中樂演奏其他音樂出黎
 
唔知係有心定無意，嘉怡佢地仲演奏左平井堅嘅「瞳をとじて」
 
一首我好鍾意聽嘅日文歌




 
仲有演奏左「默契」呢首咪少女時代嘅歌
 
英華中樂團，真係好恐怖
 
佢地住部都係姑姐同婆婆手上嘅精英
 
而最令我估唔到嘅係，嘉怡係佢一班中樂團同學伴奏之下，演出左「玻璃鞋」呢一首歌
 
「玻璃鞋」係媽咪最鍾意嘅歌
 
媽咪一直好想著玻璃鞋參加舞會，係佢F.7果一年，爸爸為佢實現左呢個願望
 
係媽咪踏入教堂果一日，就係著住爸爸送俾佢嘅玻璃鞋
 




我係不知不覺間，幫嘉怡影左好多張相
 
每一次我同佢視線對上，我都感覺到自己心跳好快