命中注定我與妳?: 40. 妳去我就去

「我…我?」佢指住自己
 
「係呀，妳囉」
 
「關我咩事呀?」
 
「咁妳去，我咪跟住去囉，大家一齊玩，唔好要班同學掃興」
 
嘉怡聽到我咁講後就微微笑一下
 




「咁我同班同學講我去啦」
 
果一刻我回一回神「咩…咩話?果個女仔係妳?」
 
「係呀，就係我囉」
 
「點解我唔去妳唔去先，會好易俾人誤會架嘛」
 
「咁……皇仁我又唔係識多人…我同你最熟…而且我唔太慣同陌生人相處」
 




「乜妳咁信任我?」
 
「因為你係Miss Lam個仔，所以一定唔會係壞人」
 
我聽到嘉怡咁講就不禁大笑上黎
 
「哈哈哈哈!!!!我唔會係壞人??我經過性呃阿哥錢架喎」
 
「係?點樣呃先?」
 




「阿哥偷買模型返屋企，一定係放係我房。我次次見到有盒野黎左，總有幾百蚊俾我做遮口費」
 
「咁我就係信得過你呀，點呀?想反口?」
 
「哈，陪妳去咪陪妳去囉」
 
「你幫我燒埋?」
 
「成交」
 
我地飲完野就送嘉怡返屋企
 
「喂，同妳講聲先」
 
「咩事呀?」




 
「燒野食果日唔好著裙同涼鞋，最好著長褲」
 
「得啦長氣，你估我仲細咩」
 
我笑笑口對住嘉怡「咁燒野食果日見啦喎」
 
佢都用好奸嘅眼神望住我
 
「你唔好偷拍我喎」
 
「都話係snapshot囉，唔係偷拍」
 
我真係冇佢咁好氣
 




「係啦係啦，snapshot啦，大攝影師，洗唔洗做埋你model添呀?」
 
「妳想咩?我影人像都唔差架」
 
「係?影邊個?」
 
「家琪姐囉，有時我地出去玩，我會影佢相架」
 
「呵!你想搶阿哥個女朋友呀?」嘉怡好奸咁講
 
「家琪姐姐大我5年呀，我唔接受到相距咁大嘅姊弟戀」我伸大對手俾佢睇
 
「唔…你又估下我幾多月出世?」
 
「我自己坦白先，我9月」




 
「咁我做姐姐啦，我6月」
 
「咁我洗唔洗叫妳做嘉怡姐姐」
 
「唔好呀!!!叫到我老哂!!!!而且我又矮過你，點睇都係你似哥哥多d」
 
「姐姐!」
 
「夠啦!!!!!!」
 
我地兩個係到玩左好耐，嘉怡先返上樓
 
睇一睇嘉怡張相，其實用佢黎做model都好喎
 




一於就拉佢黎試下啦
 
因為我用慧思黎做model，都用到厭
 
返到屋企，我同嘉怡又係網上到傾計
 
我地兩個約定左，係燒野食果日，我地一齊係堅尼地城出發返皇仁
 
兩個傾到嘻嘻哈哈，果種感覺，有時慧思係俾唔到我
 
死啦，唔通我出左軌?定係移情別戀?