泥漿俠：撲向泥濘: 第七章：百利
「佢好多野都唔同我講 真係好難搞...」我道
「你係度咿咿呀呀做乜野？」chole突然出嚟嚇左我一跳
「工作上有啲野煩緊咁解...」我道
「我知道喇 係唔係波比做啲乜野 激親左你？」chole道
「可以咁講啦 但講俾你聽唔知係唔係好事..」我道
「你唔講出嚟煩惱係唔會解決架 ...」chole道
「你啱嘅 其實係最近好多後生仔吸毒 全部都係波比搞出嚟嘅 我想阻止佢 只係阻止唔到..」我道
「我都估到係佢做 你講左出嚟就證明呢個係事實...反正今日要去你屋企痴餐 呢啲野可以問下你屋企人 我嘅建議最好係離開波比呢條友 佢應該係好危險」chole道
「錯了 我走左就無人會查到波比啲野..」我道
「呢啲野本來係警察做嘅 但係佢地又無辦法 不過你咁做真係好偉大呀..」chole第一次讚我 會感到面紅
無野係解決唔到 最緊要有辦法
於是今日提前番屋企 老媽絕對唔會令我失望 佢煮左成檯餸出嚟 有雞 有魚 有湯 真係三餸一湯 白飯任裝
講真 豐富過係出面食 出面食一餐都令我超支
「mum 啲餸 簡直色香味驅全..」我笑道 準備定碗筷
「今日得我地三個人食飯呀...老豆唔番呀...」老媽道
「老豆又去左蒼海博士個度呀...」我問
「係呀 又唔知搞咩研究...」老媽道
今晚我無講到波比嘅事 或者講起蒼海博士 我又有另外一啲諗法 例如...用下佢嘅研究物 查下波比嘅工廠位置....
「mum食飯喇...」我道
飯食到一半 老媽總會問到我地嘅感情狀況 我忍唔住噴左飯出嚟 老土嘅劇情我唔想繼續..
「呢啲野 未有咁快呀..伯母」chole道
但chole係唔係有咩特別意思呢？定係隨便講句野定住我老媽就算呢...
老實話 我地拖都未拍 點解可以結婚...
「十劃都未有一撇？緊係啦 十劃多左一撇都唔知咩字..」
老媽有時都幾風趣幽默 令到chole好開心 相反 chole屋企人就比較正經 又想幫佢搵住好人家 仲諗住搞個相睇
chole本應係反對 始終係屋企人 佢好難抗拒得到 至少佢都睇下屋企人介紹嘅係咩人
一次兩次都無個係正常 樣太老有錢 但係生活就麻煩 點都會有笑柄 第二次仲衰 態度唔好又鍾意搞小動作...
卒之無幾耐之後 chole屋企人又幫佢搞相睇 一次唔願第二次就唔想再去 第三次就搵我去見佢地屋企人...
chole屋企人知道佢個女唔願意去相睇 又硬頸 但一樣照樣搞 原因好簡單 佢地知道個女痴埋我度 一啲都唔好
我無錢咩...？又唔可以咁講 我係波比打工比一般打工仔高2至3倍 我樣唔靚咩？我有個端正嘅樣 最重要係仲後生 唔係七老八十呀嘛 我同chole做左咁耐好朋友 簡直係生死之交 仲要逼chole相睇實在太傷心.. chole嘅父母嫌我太細未成熟咁解 我覺得有啲野仲未係時候講出嚟..
不過今次係標青同有為嘅少年 佢係做律師樓嘅 師爺..
我從來都唔會向其他人嘈交 由其係同佢屋企人駁嘴 一定會令佢屋企人同我唔高興 話哂都要成日見 咁樣好無意思
chole話講呢個世代要自由戀愛 佢希望可以自己解決
我支持佢 不過我唔想佢為我同老豆反面 至於chole只有我呢個男仔朋友係信得過 其他男仔都係玩玩下嘅朋友
都係我同chole了解得比較深...
chole屋企
見到一個好靚仔嘅人 佢就係chole父母口中嘅師爺
「呢位係叫施耶 名都係一樣 佢就係我嘅寶貝女皓兒...」chole爸係度互相介紹
「你好呀...」師爺向chole握手
「阿女 握個手識個朋友啦...」chole媽道
預佢地所想 劇情發展得好順利 成餐飯chole父母同師爺都啱傾 chole都只不過隨便幾句
chole只係覺得父母幫搵對象俾佢 自己唔鍾意 如果堂堂正正識一個人佢教會心甘情願 而家搞到自己好似無咩朋友咁
「咁細個就出類拔萃 真係可做之才呀...」chole媽對師爺讚不絕口
「我都係好細過就學習 先有今時今日嘅成就..」師爺道
師爺又夾下餸俾我 chole媽媽又夾多幾舊餸俾師爺 全程就係講師爺嘅人生
最後嘅一刻要爆啦
「唔好意思 我嘅人生自己決定..」Chole經常係頂唔住嘅情況下就會爆火
「Chole 感情嘅野慢慢嚟..」Chole爸無發任何脾氣
但係估唔到劇情嘅發展係...
「其實世伯伯母 我諗住係同Chole做個朋友 我只係番工個度除左客就好難識到朋友 所以通常自己一個人 並無其他雜念 睇得出你地好想幫自己個女搵住好人家 唔好意思 呢餐飯我食唔落...」師爺都低埋起身
Chole同師爺先後出去屋企 留低父母係屋企 場面非常尷尬 邊有咁過師爺都會有情緒
兩個人行到落公園就喘哂氣
我緊係喺公園等Chole啦 我仲見到師爺落埋嚟
原來係師爺同Chole做左場戲
唔係Chole認識師爺 係師爺有一啲好大嘅脾氣 暫時唔想拍拖 仲要話係俾Chole父母呃左嚟食飯
又唔好講係呃呃聲 有邊個屋企人唔想俾自己個仔女有最好嘅生活
我做仔嘅有時都明父母嘅諗法 但太過夾硬嚟 自己仔女會唔會幸福呢...？
就係咁我好開心認識左師爺 至少大家都有同通點 某啲事情點都會企硬 呢個係自己嘅原則 一樣係同聲同氣
話哂係師爺 法律上嘅事我又可以搵佢 佢無咩朋友 又可以搵我地食飯 Chole唔介意我都唔會介意
「姐係話 你地本身係一對嘅 跟住Chole父母就想拆散你地 係唔係咁...」師爺道
「其實都唔算係嘅 我同Chole係好好嘅知心朋友 」我邊好意思同師爺講我真係鍾意Chole 但係唔講又怕啲劇集情節咁 有男仔夾Chole走
「原來係咁 我都想知道朋友升為兄弟係點嘅樣...」師爺從細到大都無咩知心好友 唔明個中感情係點
「原來你係無咩朋友 所以先想識多唔同嘅人...」Chole道
「識多啲人係好事 我呢份工都幾忙 邊有時間識朋友 而家先有時間出嚟抖抖氣...」師爺道
我仲以為師爺係大律師嘅左右手 邊有諗過師爺都忙到死 或者我唔熟悉佢呢份職業
「你工作真係辛苦呀 以為多啲搵我地食飯 就人生就唔會咁悶架喇...」我道
Chole從不介意 識多一位朋友
「Golden有陣時都好細路仔心態 唔好見怪..」Chole道
「唔緊要啦 我有時都會細佬仔脾氣 啱先我都有啲失禮..」師爺連忙道歉
「唔好係其他人咁講我啦 我會好好改善架喇...」我認真道
「我相信你會做得更好..」Chole笑道
「慢慢嚟啦 有啲野唔急得嘅...Goledn份人都唔差嘅」師爺道
睇唔起我嘅人 我會比佢更加努力做好佢 我係唔會俾人睇死...
其實師爺份都幾好 係真架 咪話我話嘅... 係因為佢讚我好人 只係我太膚淺了
人生應該點過 條路應該點過係要自己決定 自己行得正確而唔好走冤枉路 最緊要唔好俾自己白過...