其之一

「歡迎收睇六點鐘新聞!首先為大家報導財經消息…」
「由於月神二號港口被擱淺艦隻完全堵塞進入第三日仍未有解決跡象,一系列無重力化合金期貨交易暫停,月面企業AE社表示由於零部件庫存關係,相信短期唔會對次季產品上市及交貨帶來太大影響,但對於市場波動表示理解…」
「國際消息:統合海軍第一艦隊連日來集結響本市東面一百五十公里海域進行演練,由於當中包括最新銳強襲登陸艦,與及超巨大高速空母等多艘艦隻,連同上面嘅汎用人型機動兵器與及可變戰鬥機將首度投入實彈射擊,普遍被認為係一種挑釁,對此艦隊司令古力華中將表示…」
「以下兩則本地新聞:今日本市近奇幻地域一間銀行發生械劫案,自稱奉搞哥毛哥神喻行事嘅綠皮亞人武裝犯罪集團響英雄協會註冊英雄星雲特搜協助下被成功制伏,由警方拘捕正式落案起訴違法管有槍械,持械行劫,傷人,非法入境等多項罪名…」
「…日前拉美圖惑星大使館門外爆炸案一事,機械化帝國安杜萊軍團鐵甲將軍承認責任,發表聲明稱此為對免費換取機械身體嚴重破壞義體市場價格一事作出抗議行為…」
「…最後為大家帶來一則體壇快訊,戰車道聯盟公布嚟緊新一季賽程將放寬有關戰後發展型及終戰前未有實車嘅圖紙車有條件參賽,相信對大洗學園等強豪帶來深遠影響…」
「唉…考試已經忙,放學仲要去商住混合區放蛇,拉到先得果少少錢,拉唔到條數同白做無分別…」
…響呢個城市,居住咗一位十六歲少女,響日頭佢係一位身穿水手服嘅可愛學生妹;而響夜晚,就會換上巫女服,化身退魔協會所屬嘅美少女退魔師降魔伏妖,而呢個故事,就係講述某一晚到第二朝之間一段不為人知嘅小城大事……







「呵呵…小妹妹…做咩夜媽媽一個人響處呀?無大人陪好危險㗎…」

一個大熱天時穿著乾濕褸仲戴住闊邊帽形跡可疑嘅男子,半夜十二點幾一點鐘尾隨一個身穿水手服嘅學生妹,
行到商住混合區無人冷巷裡面。

「阿…你…你係咩人呀……跟住我做咩呀?!」





只見頭髮長長,二八年華嘅美麗少女轉身大叫。

「嘩哈哈…你而家點叫都無用㗎喇,乖乖地俾大叔好好愛錫一下啦!」可疑男子大褸一揚,裡面唔係單純無著衫露體狂,
而係一整團猶如腸臟一樣的肉質觸手不斷蠕動嘅集合,其中好幾條明顯過唔到淫審處標準需要打格嘅仲響處張牙舞爪,
係威係勢咁樣,但出乎佢意料之外,眼前呢位著水手服但並唔係美少女戰士嘅女仔出奇地冷靜,響月色映照下嘴角隱隱上揚,明顯在忍笑。

(唔得…真係太老土好想笑…)

大叔呆立當場,望真眼前少女外表,只見佢一臉稚嫩容顏清純可愛帶古典和風,白滑粉頸之下卻是一身異常成熟美艷嘅誘人胴體,
唔係骨感香雞腳但又唔係肥底甲組球員,肉感得來明顯有運動嘅長腿,性感吊帶網襪與迷你裙風格超短百摺裙之間嘅絕對領域,




再加上肥美大腿緊靠中間卻呈三角狀的絕對空域,仲要目測少於廿四吋蜂腰之上,響水手服裡面遮掩唔住就嚟要爆嘅圓弧曲線…

「大…大鑊!中計!」大叔一邊叫就一邊調頭就走…「妳…妳係……」

背對敵人是兵家大忌,可惜大叔無機會將呢個小知識活用於下次。

「…退魔巫女…神樂……」大叔一邊講一邊發現自己上半身同下半身分開咗響唔同地方…

「…千夜,參上!」少女幫佢講埋下半句,同時將手中短刀收返入鞘,然後拉開水手服衣領,就咁成把收埋響裡面,就好似從不存在一樣。

少女望住斷成兩截的大叔確認無晒生命反應之後,又響同樣位置…即係心口拎出一疊護符出嚟,佈出簡易結界,再打電話叫退魔協會派人善後。

「唉…小妹特登著校服無換衫都係俾佢認出,好彩佢太弱太蠢,唔係今晚又白做都特得喇……」

喂唔係呀小姐問題明顯唔響呢點……





[次回待續]