傳說對決之女英幻想: 序章

———光明聖殿中 ，以「光明聖女盧蜜亞」為最高話事人，對抗由「魔王馬洛斯」領導嘅黑暗深淵對大陸進行黑暗入侵。

———黑暗入侵百年前發生過一次，係馬洛斯上一任大佬「魔王安格列」叛離光明神殿，殺死咗「光明教主布萊恩」，搞到全名叫「艾諾爾大陸」嘅神、半神、人族、獸族都死傷慘重。

———如果唔係中立森林嘅「精靈女王特爾安娜絲」用神箭殺死安格列，艾諾森大陸應該都玩完。

———而家黑暗深淵信徒企圖重生安格列，暫時掌權嘅馬洛斯為咗收集更多靈魂救大佬，準備百年後再次發動黑暗入侵。

———光明聖殿亦預咗班衰嘢遲早會嚟搞事，一早就大量培養定啲人才，例如金納、勇、贊尼爾等等。



———人族嘅科技文明亦都崛起，形成南北兩大勢力。

———南方有自由聯邦，由奎倫、摩恩做代表。

———北方有兩大王國，由奧格王國國王莫托斯，與及羅曼王國國王薩尼做代表。

———此外仲有一啲周邊勢力擁有本錢對抗神魔大戰，例如卡倫諾魔法議會、遊俠傭兵團、獵魔者、忍者勢力、異次元英雄等等。

———講到呢度係咪好撚亂呢… 太多英雄太多出處，但首先我地集中講光明聖殿處於一個點樣嘅局勢。



———盧蜜亞掌權，蘿兒與圖倫為輔，往下仲有金納、勇、銀晝、伊耿士、哥德爾等等一班新晉英雄信徒跟隨。

———不過光明聖殿並唔係聖潔完美，以上提及嘅聖殿英雄之中有好多都好有問題，例如圖倫嘅野心、哥德爾嘅自私等等，當中勇絕對係一個大淫賊。