[真人真事改編][校園][愛情]竟然因為IG live而帶來一段突如其來的緣份…: 第四章——「心亂如麻」

第四章——「心亂如麻」
「咯咯…咯咯…咯咯…咯咯…」
突然，一堆突如其來的沉重腳步聲由遠至近咁傳入我耳朵。
直覺話俾我知，…係阿翊…
而果不其然，佢就入咗班房了。
「sorry呀遲咗少少！」
此時此刻嘅班房，亦都響徹如雷…

「天翊BB！」
「翊寶！坐喺我隔離啦！」




「黃天翊！我好想同佢瘋狂做功課吖！」
情況就同啱啱陳楚柔入班房嘅情況如出一轍，
阿翊亦都用佢嘅招牌笑容去回饋佢嘅裙下之臣。

「呀呀呀呀！」
「你見唔見到呀！佢對住我笑呀！」
「佢嘅笑容好陽光啊！」
「如陽光伴我！」

……




使唔使咁誇張…
「唉…快啲搵個位坐低啦…」
姜sir亦都無言地回答道
而此時此刻嘅我即刻望出窗外，
試圖迴避阿翊既眼神…
結果亦都明顯地失敗了，

佢嘅目光由左至右掃射整個班房，
而當佢目光到我座位嘅時候，
我不期然咁樣用心虛嘅眼神望住佢，




而我亦都感受到佢嘅眼神充滿着無奈以及些許奸狡，
以我同佢咁多年嘅交情，
我就好似見到佢心裏面嘅狐狸正在奸笑，
佢一定心想「死仔！說好的同我坐…但見你隔離係女仔就算啦！」

我亦都還以佢一個無奈的眼神，
去傳達一個小小而無力嘅抗議……
而經過一群女性嘅擾攘之後，
阿翊亦都選擇無視呢一班女性，
然而事不關己咁行去我附近嘅一個空位坐。


「Hello！」
突然，一把聲音傳入我耳朵，
然後我轉頭望向楚柔，




「你好…」「我叫陳楚柔！可以叫我阿柔或者Natalie，你呢？」
毒L嘅性格又出咗嚟…
完全唔夠膽望住佢雙眼，
「我係方辰軒，叫我辰軒！多多指教。」
「哈哈！你同人講嘢唔望住人哋隻眼嘅，多多指教啦。」
我感受到耳朵微微發熱，
然後扮作若無其事咁望返黑板。
今日全日都心神恍惚，
但係當時對感情從來都唔敏感嘅我，
完全唔知係咩原因，
當然之後終於知道心神恍惚嘅原因。


* * *
時間嚟到放學，




由於我哋學校有規定，
如果遲到放學就要留堂
換言之，我同阿翊放學都係要去，
但我突然諗到今日阿柔好似都遲到，
唔知等陣會唔會見到佢呢？
我又再次陷入心神恍惚嘅狀態，
阿翊見到我咁嘅情況就問我
「你搞咩呀？」
「冇…諗緊今晚食咩啫…」
佢見到我咁嘅樣，
亦都大惑不解。

留堂班喺我哋課室嘅下一層，
所以其實我哋好快就會到，
而當我落到樓梯轉角嘅時候，




就見到阿柔神色緊張咁左顧右盼，
我都不以為意咁樣行過去留堂室，
去到門口嘅時候阿柔就問我

「辰軒吖，我可唔可以同你坐？因為我啲朋友話留堂班係學校嘅三不管地帶，所以有啲驚…」
呢個時候阿翊聽到，
亦都俾咗個眼色我然之後就同佢其他朋友一齊坐，
而我就回答到
「冇問題。」


學校嘅留堂室被稱為三不管地帶，
原因亦無非因為學校嘅「不良學生」長駐喺呢度附近，
所以基本上連老師都管唔到，
所以可謂生人勿近。





我哋入到去就揀咗個角落頭坐低，
然後拎我哋嘅筆記溫習，
溫習嘅途中，
我亦都發現雖然阿柔之前冇乜點返學，但係佢嘅成績絕對不下於我哋學校嘅精英學生，
溫溫下佢突然問我
「你選修啲咩㗎？」
「中史西史，你呢？」
「Oh my god!我同你一模一樣！你係咪抄我㗎！」
「吓…」
「噗.. 哈哈，講笑啫～」

我好無奈咁樣望住佢，
佢笑到見牙唔見眼，
而且佢嘅笑容好似有魔法咁，
令到我嘅煩惱一掃而空，
亦都係多得呢一個笑容，
先至令到我可以解開心結。