補習社的女同事: 放工

係對Regina強姦突襲果晚之前，我擔心嘅係會唔會因為咁導致關係破裂，對簿公堂；而家同佢發生左兩次關係之後，我如願令佢思考愛上我嘅可能性，不過變成擔心佢愛上我之後反而要點樣對待佢，回應佢。
 
坦白講，我一直都係思考點樣令Regina愛上我，而除左係肉體上滿足佢之外，我冇認真諗過其他愛佢嘅方法。
 
望住比我插到汗流浹背嘅Regina，諗番起同樣曾經被我睇透全身嘅斐斐，我誓言今次唔可以再因為對前路有太多無謂嘅擔憂而斷送一段得來不易嘅緣份。
 
搭搭搭嘅打字聲將我拉番現實，番工時間，我同Regina而家各自係座位準備教材。
 
所以要認真愛Regina，具體嚟講係要點做？
 


目前為止，我同佢嘅關係都係只限於呢間補習社嘅範圍，如果要了解多d對方，幾時開始係工作時間以外同佢見面同接觸都係時間問題。既然係咁，不如就今日，放工之後一齊同佢行。
 
門鐘響起，有位小朋友行左入嚟等上堂。佢見到Regina就直接問︰「Hello Miss，你今日著得咁靚嘅，係咪約左人呀？」唔知係咪社交媒體嘅盛行，定係電視節目嘅耳濡目染，而家d小學生好似特別早熟，好多都想知道或者聽過咩係男女關係。試過有個小三學生上我堂果陣話佢已經有鍾意嘅女仔，而且仲係我地幾位老師面前拖住果位女同學嘅小手。
 
問Regina嘅呢位就係果位男同學嘅朋友。
 
「Haha，你想讚Miss靚，但做咩咁八卦我有冇約人呀，你都係專心做好今日嘅功課先啦。」Regina咁樣答佢。
 
「冇咩嘅Miss，因為我鍾意你……教我上英文堂！」佢隨即擺個鬼臉出嚟。
 


有d 小學生真係會成日無聊到開玩笑整蠱人，不過頭時聽到佢話鍾意Regina然後停頓兩三秒果下，我知道佢係開玩笑但依然有一陣醋意湧上心頭。我仲諗住Regina對呢d小學雞玩笑應該見怪不怪，只會一笑置之，點知……
 
「你……你做咩咁樣問Miss問題架？我……我有冇約男仔關你咩事呀，子俊？」
 
唔係呀嘛？！Regina你竟然……竟然會因為一個小學雞問嘅無聊問題而覺得怕醜？我……我真係估唔到你嘅心靈咁易比小學生攻破！
 
因為Regina竟然對小學生有咁大反應嘅酸意，今日反而係我大半日都唔想理佢。
 
話咁快又到放工時分，我地兩個都差唔多收拾好物資，我就準備係佢攞手袋之時同佢講放工一齊行。係我開口之前，佢反而走過嚟，主動同我講。
 


「Cyrus，我有d 野想同你講。」
 
「咁啱嘅，我都有d野想同你講。」
 
「咁Cyrus你講先啦。」
 
「唔好，都係你講先啦。」
 
「你講啦。」
 
「你講。」
 
Regina沉默左幾秒，然後佢話︰「Cyrus，不如今日我地一齊放工。」
 
原來佢想講嘅野同我一模一樣，實在太好啦，咁我就唔駛諗到底佢想唔想同我一齊放工。


 
我順口咁問佢︰「點解咁講嘅？」
 
「我地要多d時間相處，咁唔通你想一日番呢度12個鐘呀？」
 
果然我要保持清醒，咁先唔會犯d明知故問嘅低級錯誤。
 
「好，好呀，就咁話，我地一齊放工。」
 
熄曬燈鎖好門，我地一齊入𨋢，搭到落大堂後行出呢棟大廈。

「係啦，今日搭地鐵？」
 
「Cyrus你有冇野做？」
 


「冇咩特別呀，你有野想做？」
 
「我想同你去食餐飯。」
 
「食咩呀？」
 
「食大快活？」
 
「好呀，咁行啦。」
 
我地行左一段路，去到行人天橋其中一個轉角位，Regina拉住我嘅衣袖。
 
「有咩事？」
 
「你拖住我隻手行，我今日有d腳痛。」


 
「真係？」
 
「我今日本身已經有d腳痛啦，行路有d痺，跟住頭先係7樓攞file果陣子睿衝左埋嚟，撞到我將個練習file揼左落腳板到，痛左成幾分鐘，唔通我要呃……」
 
「好啦，我比你拖啦。」見到佢講到咁有形有色，我都唔忍心佢忍痛行。
 
「講清楚d，係你拖我，唔係你比我拖，講到好似我好想同你拖手咁。」
 
「Okay，我拖你。」我伸出左手，再次觸碰到佢白滑又纖巧嘅手。
 
「行啦。」我溫柔咁拋低一句，跟住就望到佢水汪汪嘅眼神之中透露出一種發自內心嘅謝意。
 
係荃灣嘅呢條行人天橋上，呢部升降機對開，我同Regina，正式係街度第一次拖手。