叫雞默示錄: 谷精上腦

5
走到去門口，有種好撚委屈嘅感覺，個心個心翳住翳住咁。
下面就扯住扯住，成個人好唔舒服，頭又好撚暈，但就係唔想入去。
唉……
算啦，人地可能仲訓緊教呢。
下次先啦，一定有下次。
走啦走啦，一陣要搵工啊。
成個腦天旋地轉，身處平地都變撚左異度空間，眼前道門都變到彎彎曲曲咁。
係我正想轉身逃避嘅時候，度門居然開撚左。
現場突然之間……一片死寂。


企係門口嘅女人飛頭散髮，戴住眼鏡，穿著件衣不稱身鬆夸夸睡衣，左手打開門，右手仲渣住支牙刷。
「你咁早啊，唉入黎等陣啦。」
咦？
屌？
嗯嗯嗯？
我又真係入撚左去喎。
間房好細，比我樓上住果度仲更加細。
基本上放左張大床之後，就淨番個廁所，連一張食飯嘅枱都無。
個女仔就坐左係我格離，用掛係牆嘅玻璃，慢慢咁幫自己化妝。
我其實係緊張嘅時候係會腳震嘅，咁我都習慣左。但係我估唔到唔止隻腳，我隻手，我成個身都係度震，好似部電話咁啊屌你老母。


老實講，我好撚後悔，我頭先真係谷精上腦先入黎，係走入黎第一秒已經想走番出去，但我又無膽喎，唉我真係無撚用啊。
最重要係，我都唔知係咩原因，一入到黎，條JER又突然軟番，本身常態下都有廚師腸等級，而加直單係無撚雪凍過嘅唧唧冰。
條女化完妝，直頭係場現哂衫，再慢慢一件一件咁著番非常之暴露嘅長裙。
我好慌，我開始懷疑自己係咪基佬，咁大個人第一次咁近距離睇到女人裸體，我身體無一滴血肯去條賓周度。
當佢換完衫之後，佢好似恍然大悟咁：「係喎，我換咩衫呢？」又突然之間除番哂尐衫。
我好似有某種不安預感。
佢換下換下，抬高番個頭問我：「你唔除衫？」
我：「？」
「除完入黎沖涼，記得將件衫放係門口喎」
佢講完野後，頭也不完就走左入去廁所度，完全唔理我呢個，仲魂驚未定嘅少年。


我將隻手放係胸口前，感覺到心臟嘅跳動。
深深地呼吸，感覺到寒冷又刺骨嘅空氣。
拍打自己塊面，感覺到真係好撚痛啦。
我並無發夢。
「……」
啊啊啊啊啊啊啊啊啊啊啊啊啊啊啊啊啊啊啊啊啊啊！啊！啊！啊！啊！
「呼……」
我為左令自己平靜，又整多一個大呼吸。
之後，我好撚無恥咁，一秒就將自己所有皮外衣脫去。