藍藍天空高掛溫陽暖晴 (純愛): 第一章 (2): 突如其來的安排
今天是星期一, 我如常地早起, 帶著還沒清醒的身體尋找學校的制服. 我跟所有一般的學生一樣特別討厭每一周的第一日, 即使身在外國的高中, 星期一總是要在操場上
一班排成一隊, 由其是澳洲的夏天比所有國家都要熱, 平衡40度....
"早晨Auntie Wendy....."我搓著眼睛從睡房走出來.
"喂我幫你焊左兩塊包喇, 叫埋你表弟起身" Auntie Wendy 拿著咖啡在廚房走來走去就像一個指揮官一邊指派任務一邊提供資源.
來了澳洲生活這兩年多以來, 我一直都是寄宿在姨母家, Auntie Wendy 是一個很直率的人, 由於從小就沒有太多見臉面, 一開始就對我很嚴厲, 生怕我把她家炸了....
但是經過這段時間, 我也慢慢能感受到她那嚴厲的話語裡的溫柔和關懷, 開始可以很自然的容入這個家庭了.
吃完早餐, 我就背著書包出門往校車即將到達的路口走, 到達的時候校車也剛好出現在街道末端的拐彎處.
上車的時候當然我也選擇坐在代表壞學生的尾坐, 跟我那些早已在車中的朋友打招呼.
坐好後我便打開手機看一下聊天群裡有沒有什麼新鮮事情發生...
意大利燴飯: "CLS 你班人又傾足廿四個鐘..."
熊爺: "點似你咁爽仲係學生哥咩, 大佬我宜家先差唔多收工"
明明唔明: "我地呢個群出曬名無時無刻都有人講野架啦, 早晨洋哥!"
意大利燴飯: "早啊明明姐, 但係每日起身都千幾個message會唔會太癲"
國際社畜: "熊爺仲癲啦啦, 人地一晚加左廿幾個新血入黎呀, 仲要有十幾條女呀!沖呀!!!!"
大白兔: "早晨啊洋洋💕"
意大利燴飯: "早"
意大利燴飯: "喂你班狗公冷靜啲添啊, 一陣間嚇走啲女又要再搵架喇"
發完信息後, 我便趕緊把手機放回口袋裡, 因為這時候校車已經到達了學校門口. 果然澳洲的夏天真的能把人活生生的熱死....從校車裡走出來我就馬上感受到那般"熱風"往我身上吹
手臂和臉就像在微波爐裡任意燒煮, 真的寧願穿長袖衣服...
渡過了漫長的早會後, 終於可以躲在教室裡"避難"了. 在這個"避難所"上了三節課後, 我終於受不住好奇心偷偷打開手機看群裡的"新血"有沒有在群裡聊天,
在我打開手機同時, 我的手機也因為收到私人短信而震動...
晴天: "你好啊...請問你係咪個whatsapp群嘅管理員...?"
意大利燴飯: "係啊你好, 叫我阿洋得架喇,唔好咁見外, 有咩可以幫到你?"
晴天: "我係沈晚先入谷嘅, 但係入到去開始就有個人由沈晚私chat到我宜家, 其實我唔係好想理佢但係我唔知點做好"
意大利燴飯: "借問聲果位個電話號碼係咪6540 xxxx?"
晴天: "你又知嘅!?"
意大利燴飯: "因為佢已經唔係第一次衰狗公架喇, 只係我地隻眼開隻眼閉姐"
意大利燴飯: "咁你想我點?"
晴天: "幫我..."
意大利燴飯: "收到"
***
我不知道為何會突然為了一個素未謀面的女生故意攻擊一個也不是特別熟悉的人, 但那一刻的我只感受到手機螢幕前的這個女生令我充滿了保護慾.
所以一向不會跟人舌劍脣槍的我做出了一個改變了一生的決定..
意大利燴飯: "喂狗公"
意大利燴飯: "你呀, whatsapp名順其自然"
意大利燴飯: "上次就send 鹹相, 再上次就去人地屋企樓下令到人地街都唔敢落"
順其自然: "..."
意大利燴飯: "又收到封話你想狗公人喎, 今次仲要係啱啱先入谷就搞人地"
意大利燴飯: "今次又send咩, 片我啱呀喂開心share下"
黃大仙龍心: "咩事咁早咁大陣花生味? 洋哥小見喎食左核彈黎咩咁多火藥嘅"
意大利燴飯: "忍得佢耐個谷開黎比大家開心吹水, 唔係比佢呢啲撚樣黎一個溝一個"
意大利燴飯: "都算, 人地已經拒絕曬仲要做埋啲變態野去影響人. 你自己揀, 要小小尊嚴就自己退群"
...
順其自然已退出群組
明明唔明: "哇...冇見過洋哥發火...不過都要嘅, 我之前都比佢煩過...不過佢知道我有男朋友之後就摺左"
熊爺: "見有花生訓緊都忍唔住上水"
意大利燴飯: "派完喇! 收隊, 我要做反個乖學生喇"
"好笑"
"好笑"
"好笑"
"好笑"
"好笑"
"好笑"
...
***
無奈了一下後, 我就回到跟那個女生的私人聊天室, 亦同時間看見她已經在輸入信息中
晴天: "sorry吖我唔知道原來你都係學生黎, 阻住你上堂真係唔好意思"
意大利燴飯: "傻啦唔通我真係乖學生咩, 咁啱呢堂chem我完全冇心機上所以先玩下手機姐"
晴天: "你咁快就上梗堂嘅!?"
意大利燴飯: "我係澳洲所以時差快你地三個鐘"
晴天: "哦...我見個群一晚有咁多信息以為大家都係上班族, 估唔到竟然有人同我一樣係學生"
意大利燴飯: "哈哈我都以為我永遠都係呢個谷最細果個, 終於有人同我一樣"
意大利燴飯: "不過入得呢個群大家都係平等, 唔洗咁介懷架, 最緊要開心"
晴天: "我會架, 多謝你..."
意大利燴飯: "傻瓜"
傻瓜這個稱呼我還是第一次說出來, 可能是對她那莫名的保護慾讓我很自然地發出這個信息
***
大白兔: "...點解當初我比個狗公煩, 你冇咁樣系個群出聲"
是我被那個女生拉走了注意力...還是我對你本來就不上心
[花心是每個人心中深底的慾望, 但一個人花不花心是似乎於自己對慾望的控制力]