記憶裹充斥的是當天的愛 曖昧是最美好的階段: 萍水相逄

六月十四日 果日因為有D掛住小靜 好早就起左身
我刷完牙洗完面就開電腦 一ON LOL就見到佢觀看中
無無聊聊就禁左入去睇下佢觀緊邊個戰 入去只係見到幾個金框銀框就無興趣走番出去
到佢觀完戰 之後密我:做緊咩=w=
咁就緊係要玩下女仔 :研究你幾點起身打機
:講呢D
之後就同佢玩到12點 
見有D悶就係到吹水
我問佢真名係咩 佢要我估 (我估左好耐先佢開估...)
戴以靖 個名幾好 我亦都係憑呢個名

搵到佢讀咩學校 同佢既相 果張相佢係中二果陣影 有D醜
我果陣諗 把聲咁好聽 個樣差D都公平既
ONLY玩 聽把聲 都幾好J唔錯 之後佢比左佢WTAPPS我
佢話無相的 唔洗驚 我add完 icon有2個女仔 我即刻CUT低左圖
之後再過多陣就轉左做張公仔相 佢應該係轉慢左
咁我都扮睇唔到 果張ICON 同我係網上搵到既佢果張好唔同 
網上果張 矮 皮膚黑 有豆豆
icon果張 白色冷衫 黑框眼鏡 馬尾  雖然唔算女神級 但係都幾可愛 好天然呆FEEL
我2:17拎到佢WTAPPS 喂左佢一聲 之後同佢都係LOL入面傾 佢到夜晚10點先再上線
我果刻心入面諗 樣唔算差 但係一個女仔一日only睇幾次WTAPPS 係無朋友定係太毒


果晚同佢傾計 我一路以為女仔一定會有睇既RUNNING MAN 同韓劇 佢居然都無睇 無興趣
所以由呢一刻 我認定左佢係一個毒女
果晚同佢傾計 傾左好多 我同佢講左以前自己既當兵故事
果陣有幾ON9 有幾智障 最後咩都無
佢係到安慰我 同我講番佢同佢EX既野 聽完佢同佢EX既野 之後我好心酸 好心痛
點解一個咁好既女仔 要比人咁樣糟蹋 但係個女仔仲係好樂天 好開朗 點解可以咁堅強
所以我就決定 我要追到佢 要守護佢 照顧佢 佢同EX既事有機會補番(如果有人想知既話)