每一次扑嘢，都係一場死亡挑戰: 19

雖然條友擺明喺度加鹽加醋，但佢又的確講得無錯，呢啖氣又真係好難啃唔落。

所以，我決定為自己攞返一個公道。

我即刻截架的士，上前去追嗰架「波子」。

我記得個車牌同個車型，加上中環正值繁忙時間，路面比較堵塞，架跑車應該走得唔遠。

一如所料，轉咗幾個彎，穿過幾條街，就遇見返Emily佢地架車。





我叫司機一路吊住喺架「波子」後面。

駛經幾個街口，架「波子」慢慢駛入一間豪華嘅五星級酒店。

唔使審，佢地一定係嚟爆房。

落咗車之後，我繼續吊住佢地尾，一路跟到入酒店。

佢地喺排隊check in嘅時候，我喺隔咗幾個人嘅後面，偷聽到佢地講嘢。





「其實手袋嗰啲，我都可以送俾你啦，我又唔係買唔起。」條仔同Emily講。

「你送俾我我梗係開心，不過呃嗰條傻仔就仲好玩、仲開心，我係咁意show下對波，條傻仔就暈曬大浪，我話買乜佢就買乜，仲聽話過我屋企隻狗，哈哈哈！」

Emily口中嘅傻仔，好明顯係講緊我。

「咁你有無蝕抵到俾佢？」

「梗係無啦！條傻仔成日吼住我對波，以為自己有得揸，見到佢流曬口水個樣就覺得好笑。」





「咁你對波咁正，係人都想揸嘅。」條仔伸手調戲Emily對奶。

「咦你好衰架，陣間入到房先啦。」

二人旁若無人，公然喺度卿卿我我。

匿喺後面嘅我，聽見Emily咁樣話自己，當堂扯火。

果然一路以嚟佢都當我係傻仔咁舞。

因為咁，所以我更加嬲自己，我嬲自己點解會咁蠢俾Emily當狗咁撚。

跟住我偷聽到佢地book咗間喺18樓嘅vip房。

為免被發現，我等佢地入咗𨋢，先再搭下一架𨋢上去。