每一次扑嘢，都係一場死亡挑戰: 33

「好啦，廢話唔講，等我一招收你皮！」

Mandy集氣運功，打算出盡十成功力了結我。

耳邊聽見海浪拍打岸邊嘅聲音，如果我識游水嘅話，我應該會跳海逃生。

又或者學火影忍者咁用嘴遁，問題係Mandy應該聽唔入耳。

再唔係即刻啪返粒「偉哥」，出動靜止之力，令Mandy唔郁得。





弊就弊在屌完一萬下，咪又係仆街。

睇怕今鋪我都係走唔甩架啦。

Mandy繼續儲氣，雙手發出越嚟越刺眼嘅光芒。

俾佢一掌打落嚟，我相信自己絕對必死無疑。

「砰！」





遠處突然傳嚟一下聲響。

腳邊碌過一粒催淚彈，啲煙攻埋嚟，「乸」到啲眼耳口鼻痛到仆街。

為咗拉人，阿銘個老豆出動成隊防暴警察，用埋催淚彈。

啲催淚煙啃到仆街，就連Mandy都頂唔撚順。

成隊防暴著住全副武裝，步步逼近，將我地重重包圍。





比起死Mandy重掌之下，我寧願俾人拉返差館，坐成世監總好過無咗條命。

由於我係頭號目標，班防暴警察首先衝埋嚟，夾手夾腳制服我。

佢地一抬起我，我就暈咗。

剛才俾Mandy打咗一掌受咗傷，在此之前又扑嘢扑咗一萬下，再加上呢刻吸咗啲催淚煙。

種種因素，加加埋埋，令我身體不勝負荷，直接眼前一黑，成個人昏迷咗過去。

之後發生咩事我就唔知，當我醒返嘅時候，見到自己訓咗喺醫院嘅病床上。

右手扣住手扣，鎖咗喺床頭。

有個姑娘正烏低身，幫我探緊熱。





我擘大眼嗰下，我同佢四目交投。

佢生得眉清目秀，十分標誌：「你醒啦？」

「我...昏迷咗幾耐？」

「三日左右啦。」

「咦，個犯醒啦喎。」

「快啲通知警司。」

另外，喺床邊有兩個便衣警察看守住我。





佢地見到我醒返，立即打電話通知阿銘個老豆。

睇電視劇都睇過，犯人受咗傷喺醫院醒返之後，就會被押送返差館。

返到差館就肯定有排我受。

俾人拉咗雖已成事實，不過家陣得兩條友看住我，要諗辦法逃走應該唔係無可能。

尤其我有靜止之力加持。