每一次扑嘢，都係一場死亡挑戰: 62

我退後一步，下體順勢從女方陰道中滑出。

金身狀態即時解除，Mandy立即鬆手，放開Vincy，然後同Emily一前一後夾攻。

佢地等咗個報仇嘅機會好耐，此刻就猶如兩隻猛獸出籠，展開瘋狂獵殺。

Mandy雙手集氣，從正面攻擊我嘅心口，至於Emily就攻擊我嘅背脊。

兩道強勁嘅掌風，狠狠咁衝擊我嘅背脊同心口，呢刻感覺好似俾兩架貨車撞埋嚟咁。





「咔喇！」我聽到胸骨同背骨斷裂嘅聲音，口中噴出大量鮮血。

下一秒，Mandy一腳兜我上半空，再同Emily出招打返我落地下。

「砰！」

我成個人重擊跌落地面上，撞到連地下都裂開。

失去金身防禦，我只係一個普通人，早已失去還擊之力。





身受重傷嘅我無力咁趴喺地上，用眼尾嘅餘光望過去Vincy嗰度。

靜止之力仲未喺佢身上接觸，佢依然無法郁動。

估計要我死咗之後，佢先至郁得返。

「林大洲！」「Tony！」

「你受死啦！」





Mandy同Emily窮追猛打，連環出招。

我俾佢地打到皮開肉綻，血流滿面。

鮮血模糊咗我嘅雙眼，耳仔亦因受到攻擊而出現耳鳴，我睇唔到Vincy依家嘅表情，亦聽唔到佢嘅聲音。

唔知佢呢一刻有無為我而感到傷心？

有句說話我放喺心入面，或者應該早啲同佢講。

「Vincy，好多謝你收留咗我一個禮拜，雖然同你相處嘅日子唔長，但呢段時間係我人生之中過得最開心嘅時光，我林大洲會永遠永遠都記得呢一段日子...」

「砰！」

Mandy同Emily合力一掌，又再將我打上半空。





我已經奄奄一息，處於一個瀕死嘅狀態。

「林大洲！」「Tony！」

「等我地嚟同你埋單！」

Mandy同Emily雙手發出強光，功力盡出，合力擊出致命一掌。

「唔好啊！」Vincy大嗌，想出言阻止。

可惜Mandy同Emily早已下定決心了結我。

下一秒，二人兩掌合成一掌，將自己所有功力加埋一齊，全力向我攻擊。





「啊！！！」

我發出最後嘅悲鳴，身體受到極之強大嘅破壞衝擊，成個人飛到好遠，唔知飛咗去邊。

我喺空中不受控制咁飛咗幾秒，沿住一條好高嘅拋物線，從高空中狠狠咁撻落一條河入面。

傷得不似人形嘅我，呼吸變得非常微弱，身體並隨河水慢慢被沖走。

天空上，黃昏嘅光芒褪去，換成深不見底嘅黑夜。

我唔知自己會漂去邊度，只係知眼前嘅影像變得越嚟越暗、越嚟越黑。

直到最後變得徹底漆黑一片，我失去意識，再都感覺唔到呢個世界上嘅風吹草動。