每一次扑嘢，都係一場死亡挑戰: 番外篇（10）

「嗶呠—嗶呠—」

班差佬終於出現，佢地揸住警棍同胡椒噴霧，衝過去制服怨婦聯盟嗰班癲婆。

如果對付嘅只係一般人，咁班差佬用咁嘅武器絕對不成問題。

問題只係呢班怨婦唔係普通人，佢地擁有靜止之力，只要用手掂一掂，咁就可以令人束手就擒。

就講就有個身材高大嘅差佬俾兩個又老又巢皮嘅女人捉住。





「差人叔叔你都幾大隻架喎！」「不如我幫你掹支槍出嚟啦！」

兩個老女人一個就伸手入去條褲度摸人隻雀，另一個就強吻對方。

「救…救命啊…」個差佬全身唔郁得，根本無法反抗，只能任人魚肉。

見到咁嘅場面，我身為男人只能喺心入面為佢默哀。

其他差佬都心知不妙，開始call支援同埋拎自己支槍出嚟，然而嗰班怨婦如狼似虎，理你有槍定無槍，總之見人就擒。





加上佢地人多勢眾，就連班差佬都招架唔住。

「佢兩個喺嗰邊呀！姊妹們我地一齊上！」

屌啦星！嗰兩個肥婆死心不息，今次仲搵埋幫手，成班加埋成十幾條友想嚟捉我。

我同Vincy跑到索曬氣，都未抖夠就又要再跑過。

我地喺街上面左穿右插，跑足幾條街。





「Tony…我…我跑唔郁啦…你自己走先啦…唔使理我…」Vincy滿頭大汗，攰到跑唔郁。

「唔得架，我點可以揼低你！」

「佢地只係對付男人，我係女人應該無事。」

Vincy呢頭講完，嗰頭後面追住我地嘅肥婆聲大大咁講：「嗰條八婆頭先攞架車仔撞我，我地唔好放過佢！」

嗰兩條肥婆雖然肥，但跑得一啲都唔慢。

佢地連同一大班怨婦追得好貼，就嚟追到我地。

我唔理三七廿一，孭起Vincy，拔足狂奔。

孭住一個人跑的確好吃力，但無論點我都唔會揼低對方。





我地由中環跑到上環，跑足咁耐，嗰兩個肥婆同十幾個怨婦就追足咁耐。

跑跑下，佢地突然改變策略，嚟一招大包圍，喺前後左右分頭包抄。

我同Vincy一下子進退失據，俾人擋住去路，想走都走唔到。

「乖乖地投降吧啦，你地走唔甩架啦！哈哈哈！」

「男嘅就姦，女嘅就剪曬佢啲頭髮！」

兩條肥婆露出陰險嘅笑容，佢地再加埋另外嗰十幾個怨婦，一步一步咁從四方八面圍埋嚟。

我同Vincy猶如兩隻被困嘅小白兔，正俾一大班大灰狼重重包圍，走投無路。





「你地要搞就搞我一個！唔好掂我女朋友！」

我緊緊拖住Vincy隻手，同眼前嘅敵人講數，希望佢地可以放過Vincy。

「呢班人已經失去理智，同佢地講咩都無用架。」

「但我係唔可以俾佢地傷害你！」

「無論面對咩困難，我地都應該要一齊面對！」

Vincy將求婚戒指遞到我手上，然後四目交投咁望住我講：「呢隻戒指我好鍾意，不如你依家幫我戴起佢？」

隻鑽石戒指閃閃發光，本來我應該喺漫天花瓣之下，伴隨住浪漫嘅管弦樂曲，為對方戴上呢隻戒指，點不知俾班怨婦扠喎曬，如今仲要落得咁嘅田地。

「屌你老母！死到臨頭竟然仲喺度曬命！」





「姊妹們！郁佢！」

兩條肥婆夾埋另外十幾個人，一齊向住我地衝埋嚟。

而我同Vincy呢一刻眼中只有對方，完全無視曬身邊嘅危險。

我拎住隻戒指，正當要穿過Vincy嘅左手無名指嘅時候，忽然間，天上面有一道白色聖光射落嚟。

道光非常掁眼，掁眼到嗰班怨婦都唔敢接近。

下一秒，一個背脊有翼嘅男人降落喺我同Vincy面前。

呢個人就係天使。