【愛情/奇幻】《只能用餘光看見你》第二部曲:暗戀的餘光: 23
醫院走廊的大窗，玻璃碎滿地，錢卓鏗滿手鮮血坐在窗邊，目光呆滯的靜坐，樓下草坪有數個消防員正在填充著救生氣墊。
「唔好呀，點解要咁傻。」一個穿著鬆身恤衫的女仔伸出手在他身後說著
「啊鏗……」
「你係時候要走㗎啦。」背後一把男聲叫著她，回頭看，毛月永一身全黑的裝束，頂著黑帽，站姿筆直的等候著。
「你有咩落返嚟先講!」一位警察嘗試靠近錢卓鏗，身體穿過了兩人。
「你死咗我哋個女點呀……?」少女逐漸遠去，卻一直回頭看著。
「據我所知係產後失血過多，佢女朋友……救唔返。」老師在車內緩緩說著「佢話想見你哋，記住一陣小心啲講嘢!」
易天恆在車窗隨著旁人的視線與那個氣墊，見到坐在邊緣的錢卓鏗，停好車後，老師連忙帶著他們找警察。
「佢咩都唔講，淨係話想同你哋傾計，可以嘅，多啲肯定他，鼓勵他!」談判專家與三人說完後帶領他們緩緩走近被封鎖的走廊
「錢卓鏗!」秋淑儀激動的喊著
聽見熟悉的聲音，錢卓鏗默默回頭「係我嘅錯，對唔住呀。」
秋淑儀連忙說著「你……冷……我哋連發生咩事都唔知，至少同我哋講咩事先，我哋一定聽你講嘢，你落返嚟先。」
「我害死咗佢，如果我謹慎啲，有做安全措施……」剛好一陣風吹過，錢卓鏗看著被玻璃鎅損的雙手，整個人感覺搖搖欲墜。
「只係意外，唔關你事㗎!」鍾婉恩說著
「關我事，如果我有小易咁聰明……更加諗後果，而家就唔會咁。」
「冇咗佢，我乜嘢都唔係，我要去陪佢。」
「我知你好著緊佢，但係你個女呢? 就咁跳落去唔理佢，你女朋友會點諗?」鍾婉恩說著
「得我一個……我做唔到……我真係做唔到。」錢卓鏗聲音開始有些沙啞
易天恆用著平淡的語氣緩緩開口「可以，你跳呀。」
其餘三人似乎都有些吃驚看著他，這時眾人才發現易天恆眼神中帶著鄙視，錢卓鏗似乎也是第一次看見他這樣的表情。
「如果跳落去係為自己所愛嘅冇所謂，如果我係你，我都會跳。」
「但係而家你只不過想自己解脫，你唔係為咗佢，你係為咗自己。」易天恆踩著玻璃碎慢慢走近。
錢卓鏗略顯驚訝，剛想開口叫他走開，卻發現易天恆眼神根本沒看著自己，他踩著窗框，半踎在窗邊。
「平時唔係講到自己幾咁愛佢㗎咩? 佢死咗未夠一陣你就要違背佢意願? 你根本唔明白愛係乜嘢?」易天恆說出這句的同時，自己卻睜大了雙眼。
「我愛你。」年幼的自己說
「你根本唔明白愛係乜嘢。」易天恆從玻璃的倒影看見自己此時的臉容，與當時的鍾婉恩表情一模一樣。
隨之他腦海又多出了一個疑問，為什麼那時的她會擺出這樣的面容，封塵已久的記憶忽然明朗。
當時的鍾婉恩隨後說出了一句話「你只係想我喺你身邊，唔係真係愛我。」
很難想像出這是一位小學生會說出的話，也許就是因為她如此與別不同，自己才會深深愛上她吧。
鍾婉恩這時也上前走到窗邊「死係解決唔到問題。」
「你哋兩個落返嚟先啦……好危險㗎!」錢卓鏗緊張的說著
「你都知危險咩，死肥仔!?」秋淑儀已經流下眼淚
錢卓鏗看著他的臉龐深呼吸「得啦我落嚟，你哋快啲落去!」
聽到他這句說話，三人才互相看了一眼，易天恆率先跳下來，然後伸出手讓鍾婉恩攙扶下來。
當兩人想遞手給錢卓鏗的時候，他已經率先撲向兩人，在易天恆的懷內痛哭起來「我唔知我撐唔撐得住……好辛苦……」
鍾婉恩安慰他道「有我哋幫你吖嘛，一定冇問題。」
秋淑儀也走過來攬著錢卓鏗「咪係囉，你出聲一定幫你㗎，我哋朋友嚟㗎嘛。」
「但係……我驚我承受唔到第二次，我想像唔到你走嗰陣……我會點。」錢卓鏗說出這句話的時候，視線放在鍾婉恩身上。
易天恆與在旁邊一直默不作聲的劉世檜頓時互相看了一眼「……你咁講係咩意思?」
眾人瞬間面面相覷，此刻警察走近想要帶走了錢卓鏗，鍾婉恩注視著地板，輕輕說出「我諗都係時候要講……」她看著迎面而來的警察，她輕輕拍著錢卓鏗的肩膊「唔好意思，一陣可能陪唔到你。」
錢卓鏗輕輕搖頭微笑表示沒關係，秋淑儀看著碎掉的大窗戶表示「又破壞公物又盛，有排搞……等我捱下義氣陪下你啦。」
老師想要駕車載我們回校，鍾婉恩將她拉到一旁，我站在遠處，偶爾偷瞄一眼他們，兩人交談了一會兒。
不久，她不知說了什麼，說服老師讓我們獨自留在這裏。
「我肚餓，陪我去樓下食堂呀。」鍾婉恩雙手擺後，向我走來。
我點頭示意，劉世檜站在她身後凝重注視著什麼，開口提醒道「佢隻手鎅損咗。」
在他提醒的同時，鍾婉恩額頭似乎滲出一些汗，口唇似乎也蒼白了少許，感覺現在她是在強顏歡笑，未等我回應便快步跑遠「快啲啦，餓死啦。」
來到飯堂她快步找了一張桌子坐下，我沒有多說什麼，主動幫她買飯。
「唔記得問佢食咩添……」 我自言自語著
劉世檜抬頭看著吊在上方餐牌毫不猶豫地說「海南雞飯……信我。」
不到一會兒，食堂阿姨將飯連同筷子一起出餐，我額外拿多了匙羹與叉，捧著兩個飯回座。
鍾婉恩左手拿起匙羹，輕輕嘗了一口後瞬間瞪大雙眼「好食喎，果然識咗咁多年，知我鍾意食咩呀!」
看她選擇非慣用手，我從背包中取出剛才樓層走廊順手拿的繃帶「伸隻手出嚟，如果唔係傷口感染可大可小。」
她似乎有些意外，緩緩伸出雙手，手中一直還握著染血的紙巾。
傷口在手掌，似乎比較深，奇怪的是，血似乎還在滲出來……幸好不是太嚴重。
我小心翼翼為她包紮，捲著一圈又一圈，速度漸漸變慢「係呢……你想講咩?」
「聽完，你唔好嬲。」鍾婉恩默默接著說
「我，應該就嚟要死……」她由不知如何開口逐漸變得困惑「點解你冇反應嘅?」
我並非沒有反應，只是沒有表露出來，為什麼她自己會知道?
「錢卓鏗同咗你講係咪!」她忽然反應
「唔係，你繼續講。」
「我有血癌，而且，一早就知……佢哋都一早就知……」鍾婉恩語氣帶點抱歉
劉世檜在腦海裏喃喃道「咁我哋個計劃……」
「呢個劇本真係好爛……乜嘢絕症，真係好老土。」不知為何我當刻的反應居然是輕笑了一聲。
有方法，一定會有方法……
我手指不自覺不斷敲著桌面，腦海忍不住思考解決方案。她不可以死，唯獨這一件事，絕不放棄。
「易天恆，你冷靜啲先。」鍾婉恩輕輕皺一皺眉頭
我語速不知不覺變快「但係，你而家都好地地，而且唔代表會死㗎!」
「我知我會死……我應該得返幾個月命，其他嘢唔敢講，唯有呢樣嘢，我好肯定。」她的眼神非常認真，不像是在說悔氣說話。
「就算係癌症，醫生都唔敢斷定病人係必死!」我激動的說
「……我知你一直對我有意思，我之前一直避你，只係想等你慢慢放低。」
「咁點解你又要邀請我加入電影學會?」我不知不覺握實了她的手，直至不小心弄痛了她，我才驚覺放手「對唔住……」
鍾婉恩摸著自己綁了繃帶的手「電影學會，係我喺度最後嘅心願。原本，我係冇諗住同你講……但係，但係有啲嘢講你都唔明。」
鍾婉恩視線從他身上移開「你當我係一時興起啦。」
「你之前話……時間唔啱，係咪因為咁?」她沒有回應我的疑問
「……如果，你唔使死呢?」我的腦海重新湧現起假死計劃。