急需二百萬個人俾錢我贖身: 【7】
幾分鐘不到，門外就傳來叩門的聲音。
「開開門啦，我哋想入嚟抖抖呀！我哋都有糧食可以一齊分享呀！」門外一個男同學的聲音。
啪啪啪啪啪啪啪啪！
他們拍門拍得越來越兇狠了，不只是啪，還要踢門，肯定不是友善的糧食分享者。
我決定開啟直播，把快要死的一幕公開予全世界。
「各位，」我壓低聲線，盡量不讓外面的人知道我正在開直播，「我開呢個直播，係想俾大家知道呢度到底發生緊咩事？我將會死，但我唔係俾綁匪殺死，而係俾裡面嘅同學殺死。」我將鏡頭對準正被暴力拍打的門，「佢哋係咁撞門，我知道呢班人就係尋晚掠奪其他同學食物嗰班賊。好彩我關心嘅阿倩已經走咗，希望佢之後可以過得好，盡快離開呢個地方。
而我……我已經唔奢望會有老師或者其他同學嚟救我，我只想提醒外面嘅世界嘅人同呢間學校裡面嘅所有人知道，今日佢叩呢隻門，下一次佢叩嘅就係你哋嘅門。」鏡頭前的我滿懷義憤。
同一時間，陸欣怡應該照我的吩咐去教員室求救，同時直播求救的過程。
我打開贖金APP，陸欣怡果然已經開啟直播，直播老師們見死不救的一面。
陸欣怡在直播畫面說：「我個朋友被困後台，但呢班老師見死不救，佢哋枉為人師，即使我哋有機會出返去，我都會永遠睇唔起呢班老師。」
碰！碰！碰！
外面的人應該正在用硬物撞擊鎖頭，門恐怕撐不到多久。
「佢哋破門喇，最後無人嚟救我，多謝呢個世界曾經照顧過我嘅人。」我覺悟地說，然後關掉直播，戴上頭盔，並用陸欣怡借給我的外套包好自己的頸環，一切準備就緒，我即將要戰鬥。
碰碰碰碰碰碰碰！
門終於被撞破了。
眼前十多個戴上頭盔的同學，個個一邊手持顏料槍，另一手則持有各式武器，有棍、𠝹刀 、球拍等。
我拿著的武器是消防噴霧器，由他們破門下一秒，我打開保險掣，向他們噴發二氧化碳。在煙霧瀰漫裡面，我一個滅火筒砸向他們，再跟他們扭打成一團。
混亂之中，每個人都戴上了頭盔，穿著同一件校服，根本認不清誰是誰。
「唔好俾佢走呀！大家除低頭盔！確認身份！」有人大叫。
就在他們全都除下頭盔，只剩下我的時候，在房間外的樓梯傳來聲音：「所有人停手！」
在樓梯上方出現一個穿著女校服的頭盔人，她一桶水倒下來，我們全部人都濕身了。
「咩味嚟㗎？」張銘成大驚，望了上去。
「唔駛估喇，係酒精。」女頭盔人說。
在我的計劃之中，這個女頭盔人正是陸欣怡，是我吩咐她把消毒火酒潑向我們身上。
消毒火酒在醫療室有很多。
陸欣怡舉起手持的打火機，所有人都怔住了。
「妳……妳唔好亂嚟呀！犯法㗎！」張銘成非常驚恐。
「唔通你哋尋晚做嘅嘢唔係犯法？」女頭盔人陸欣怡以經處理的電音說，「戴住頭盔做嘅嘢，唔係無人知咩？」
張銘成一下子衝動，想衝向陸欣怡。
「你唔好過嚟呀！」陸欣怡舉起打火機示意，使他重拾當前理性。
「妳到底想點？」張銘成舉高雙手，擺出投降的姿勢。
「叫嗰個人過嚟。」陸銘欣指著我。
「原來妳係呢個人個Friend！」張銘成不甘地說，再快速一手捉住我，「唔走得，妳係想救佢丫嘛！我哋就要同佢一齊燒死！燒丫！」
「成哥！唔好亂嚟呀！我唔想死呀！」葉家成很慌張，「如果佢真係燒呢度，我哋無路走㗎！」
「你驚咩丫，我唔信佢夠膽！而且佢都係為救人啫。」張銘成像個押重賭注的睹徒，「而且隻盧森唔係帶左個滅火筒嚟咩？」
「你講咩？呢個人嘅生死同我無關，我要嘅係佢拎哂你哋嘅食糧俾我！快！」陸銘欣取出一份雜誌，然後點燃，黑色光澤的頭盔倒映著燃燒的火光，「或者睇吓你哋開滅火筒快，定係我將火掉落你哋身上快。」
他們彼此對望，驚恐非常。
即使有人及時開滅火筒，我們都難免會即時燒傷，畢竟我們全身都是火酒。
「點丫！點火呀！我要同呢班仆街同歸於盡！」我哭著大吼，但被頭盔處理過的聲音，變得毫無感情。
「我係求食物啫！如果求唔到，我就當為學校除害！」陸欣怡擺出投擲火雜誌的姿勢，「火就嚟燒到我隻手到，我亦都無咁多時間俾你哋。」
「得！好好好！」張銘成伸出雙手，說，「OKOK！我俾哂啲嘢妳！」
我立刻行動，逐個除下他們的背包，他們一個個都無奈地讓我任意除下，任意拿走。我將所有的背包放在陸欣怡身後，順便脫下頭盔。
「係你！？」張銘成驚怒。
我望著恨不得把我撕碎的張銘成，禮貌地點點頭。
「所有嘢俾哂妳啦，咁而家我哋可以走啦？」張銘成壓抑著怒火。
「唔走得！」後面忽然傳來一個男人的聲音。
這時候，我們後面竟多了十多位老師和十多位同學。老師們終究躲不住在媒體壓力，同學們想必也是本著一顆赤誠正義之心。
「唔可以俾你哋走。」胡sir身型剽悍，極具震懾力。
陸欣怡從胸口的衣袋拿出手機。
她根據我的計劃一直在贖金APP直播剛才的一切。
現在，她把鏡頭向回自己，正色地說：「各位，我哋終於有支援，我希望學校裡面所有嘅學生都可以過嚟，我哋一齊團結喺嚟。」
一如我所料，老師和部份同學們始終會出現！即使一百個人裡面有九十九個都是貪生怕死，總有一個是見義勇為。更何況，這世界佔大多數的人都是有同理心的。這不是賭，而是必然，否則社會根本無法運作。
再者，以現在的形勢，到場幫手的人沒有太大的風險，只是來取個光環而已。何樂而不為？
！
陸欣怡對著鏡頭大概是沾沾自喜，大家都聚焦在陸欣怡的直播上，張銘成卻趁大家分神，想衝跑離開，卻被胡sir一腳踹下去，張銘成一黨人紛紛退後。
「Sorry，我講過，你哋唔走得。」胡sir嚴厲地說，「咁係為咗確保其他人嘅安全。」
「吓？咁點呀？綁住我哋呀？」張銘成爬起來。
「胡sir，體育館嗰邊有好多繩。」Miss陳提醒。。
「好，揾人拎過嚟。」胡sir決斷。
「胡sir！出到去我一定會告你非法禁錮！」張銘成威嚇。
「告啦，順便調查一下尋晚你哋做咗啲乜！」胡sir正義凜冽，而我則在旁邊仰慕他的威嚴。
終於不用擔心被張銘成殺死，我也鬆一口氣。
很快，張銘成一等人被綁上，安置在後台更衣室。
而陸欣怡在直播上的呼籲也很有效果，很多同學都走出他們的班房，走出他們的藏身處，從到處的角落來到禮堂。
不消一會，已經聚集了二百多位學生，當然還很多沒有來。
這二百多位學生當中，也包括了兩名工作人員，他們身穿黑色制服，站在禮堂大門的兩側，好明顯不是參與，只是受到學生會的指派，監視。
所有人明知如此，卻不會也不敢接近他們。
雖然，他們跟我們的本質都是人質。
站在台上的胡sir拿起米高風，以銳利的眼神掃視台下二百多位同學：「各位同學，我哋而家正面對一場可能係你我生命之中最嚴峻嘅考驗，喺呢場考驗裡面，我哋無老師、同學、高年班、低年班、成績好、成績唔好之分。喺呢個時刻，我哋彼此都係生命嘅共同體。我哋需要嘅係團結……
……
我哋唔可以讓恐懼主宰，冷靜、理智係我哋最需要，而唔係恐慌同混亂……」
下冊三千字的賺人熱淚後，最後，他才說出了最重要的事情，真正令人為之振奮的事情。
「我哋或者已經揾到解除頸環嘅方法。」故sir說。
所有學生都預備狂喜，但未及熱烈呼歡前，胡sir就開口：「但係……」
這一個「但」，沉默了空氣。
「我哋要搵一個人做試驗。」