短篇 66 《黑仔明的故事》

同音字

淼 miu5 渺秒
發 faat3 法髮
局 guk6 焗侷

////// 23 Mar 2025





粵拼:
發 faat3 發
淼 miu5 秒
局 guk6 焗

「我今次仲唔發過豬頭炳?」小明拎住十張六合彩飛,由馬會走出嚟:「今期金多寶,一注獨中有十億!今次中硬!」

畫面一轉,到咗攪珠嗰日,小明坐喺電視機前面,好緊張咁拎住張飛,對住電視直播。一個一個嘅數字波波,由嗰部風車旋轉型電動攪珠機度碌出嚟。一個一個嘅攪珠號碼,都同手上張飛完全吻合。

實在難以置信,其中一張飛,六個號碼都中晒!小明即刻九秒九打電話去登記資料,不過電話打極都唔通。小明真係好心急,又離唔開個電話,就算急尿都忍住先,佢絕對唔可以放棄呢十億。





尿又急,心又急。一路打電話,一路打尿震。

突然面前出現咗個馬桶,佢諗到冇諗,隻手仲拎住部電話,褲都冇除就坐咗落去。嗰一吓,真係身心舒暢!

然後,小明就喺張床度彈咗起身:「頂!發夢⋯⋯」

小明失望咁摸吓褲浪,濕濕地,唔小心瀨咗少少尿添,好彩床單冇濕。明明好眼瞓,但都焗住要起身換返條褲。

繼續瞓,聽朝繼續返工。





故事教訓:發夢嗰時,幾急都唔好屙出嚟。
已有 0 人追稿