當我同朋友離家出走去左異世界: 第3章 異世界
山頂纜車票務處——
「唔該，我想問呢五張非係咪可以喺呢度搭纜車？」我望住面前好似有啲熟口面嘅職員，問。我已經冇對於嗰五張非唔抱任何希望，不過都係攞左嗰五張非比佢睇。
「係嘅先生。」佢把聲就更加令我有股熟悉嘅感覺。忽然間，我個腦閃過上次喺某某樂園見到嘅嗰個櫃檯職員。
我心唸：竟然真係可以去搭纜車？！我跟住望左班兄弟一眼，交换左一個信息：即館去睇下囉！
去到㗎纜車前面，沈沉細聲同我講：「留意㗎纜車底部。」聞言我望左眼——㗎纜車底部居然發緊光！？之前都冇聽過有啲咁嘅特效，究竟發生咩事？
我左望右望，周圍除左我地幾個兄弟，就冇晒人⋯⋯算啦，唔唸咁多啦。我心唸。
「仲有纜車搭咁著數？」上車嘅時候，我聽到阿賢話。
我地一上左纜車，度門就即刻刪左。
呢個時候，頭頂嘅廣播音響發出聲音，我知道佢應該係要講目的地。
「各位乘客你地好，呢㗎列車將前往異世界，祝各位乘客旅途愉快！」
咩話？！車入面即刻傳嚟我地五兄弟其中四人嘅驚訝聲，另外嗰一個就係沈沉，佢雖然都有啲驚訝，但係就冇我地咁大反應。
高日維大力搖我肩膀，大聲話：「傅綽希！你帶左我地去邊啊啊啊啊啊！」呢條問題嘅答案我都想知。
我只可以話：「Er⋯你咪當同我地一齊離家出走去異世界旅遊囉⋯⋯或者個廣播係坤人嘅呢⋯⋯到時落車再睇下點啦⋯⋯」我心入面竟然有一絲興奮嘅感覺，唔通我地真係可以去異世界？張非都話係離家出走去係去異世界啦，但係我地乜都冇帶，點離家出走成功喎⋯⋯
「唔好吵啦！」阿賢個樣都好慌，但係至少佢知道鬧交解決唔到問題。
「係囉，不如我地睇下窗出面，研究下我地而家究竟去緊邊咪仲好⋯⋯」方書文見到沈沉已經望住窗出面，就理解到而家最逼切應該要做嘅嘢。
「What the⋯⋯我唔記得香港有呢啲咁嘅地方過喎⋯⋯」窗出面係一大片草原，而前方就係越來越近嘅森林。