(短篇)(平衡宇宙)天與地的距離: 「你想見我嗎?」

在盛夏的下午，我走在這條長長的斜路上

滴著滿頭大汗的我，望著還有很遠的路程，山頂上的那所白色外牆的中學，我不禁嘆了口氣

我為什麼會來到這裡，都是因為我的新朋友，Hazel的一句說話;「你想見我嗎?」

我當然想啦，難道她想約我出來見面?

「想呀，你想見我嗎?」



「我好似是問你想唔想見我，我冇話想要見你wo」

「小姐，你唔見到我，我又點知邊個係你呢?」

「哈，梗係得啦。我想你幫我一個忙，返我母校攞返我一張素描畫」

「乜素描咁巴閉?」我難掩失落的心情。

「係我的自畫像，畢業之後Miss問我可唔可以留底係美術室比佢掛出黎，所以我留底左係學校。」



「咁點解又要拎返走? 同埋你自己點解唔去拎?」

「今日miss 打比我，話學校要拆卸重建，星期六之前要拎晒D野走，但我星期六不能出門，所以......
咪想你幫下手囉。」

其實她這個理由，我也覺得十分牽強，如果佢要人幫佢，佢可以搵佢朋友丫，點解要搵我呢?

會唔會佢真係想我見下佢個樣呢?(雖然我是FF) 但無論如何，Hazel幫左我幾次，我點都唔可以唔幫返佢。

「好，無問題。你比你學校地址我丫。」



「家明，但你要應承我，唔好對我個樣有太大期望，我怕你會失望......」

「你當我許家明係咩人，乜飛禽走獸，龍蛇馬羊猴我未見過丫，無咁易嚇到我ge」

「衰人許家明，話人係飛禽走獸，唔睬你呀!」

就係咁，我落車行了差不多半小時，終於到了這間位於山頂的名校。

到了後，我發現Hazel漏了講給我一個重點，就是這是一間女校，還是一間傳統名校。

我見到為數不多的同學在校園範圍內拍照留念，我開始幻想心中的葉梓恩穿上這套白色的校服。

為了令我的幻想更加充實，我趕緊走到5樓的美術室，我敲了敲門問: Miss Wong在嗎?



門內有人答了聲: 係度，請進來。

我慢慢打開了門，我已經被一樣東西吸引了我的所有目光。