(短篇)(平衡宇宙)天與地的距離: 「你知唔知咩叫愛?」

當晚，我回到家後，沖左個涼，包紮左右手傷口之後。我坐在床上，望著書檯上Hazel的自畫像，我打了一個電話，是Hazel的電話號碼。
 
「喂，是Joe嗎?」
 
「你打來幹嗎?下午不是已經叫過你唔好再搵阿Yan了嗎?」
 
「你覺得自己愛唔愛你太太同Hazel?」
 
「當然愛啦，那麼夜打來問這什麼廢話?」
 


「哈哈」我忍不住笑了出來
 
「仆街仔，你笑咩呀?」
 
「我笑你咁大個大話你都講得出，你根本就由此致終都無愛過佢地。我覺得你咁厚面皮好好笑。」
 
「我唔愛佢地? 我咁多年係出面咁努力賺錢，令佢地食好、住好、生活無優，到佢地出事，我請最好醫生，護士，專家去醫佢地，我咁樣點叫對佢地唔好?」
 
「哈哈，原來你以為咁樣係對緊佢地好、愛佢地呀?你咁樣係自私呀。」
 


「我問你，你咁多年來，有無試過一日唔去搵錢，花一日時間好陪佢地兩母女? 花時間去關心佢地，了解下佢地呀?」
 
Joe 無出聲。
 
「你一味以為有錢佢地就會開心，只係懂得用物質滿足佢地的需要，但其實呢D野佢地真係想要咩?」我繼續望著Hazel的畫，流著眼淚說。
 
電話的另一方仍然是一面沉默。
 
「Hazel佢有病已經好慘，但更甚的是你不是花更多時間去陪她，而是把她困在一個牢籠裡，不斷痛苦。」
 


「我無晒辦法啦，我已經想盡辦法去令佢開心。你講到自己咁懂得愛Yan，換轉係你，你又會點做丫? 我唔想再失去佢。」Joe歇斯底里地還擊。
 
「我已經決定左我會辭左份工，同Hazel兩個人簡簡單單係鄉村生活。自己種D菜，自給自足，每日陪住佢畫下畫，散散步，雖然無任何物質享受，但我覺得對佢是最好。」
 
「哈哈」這次換來是Joe的一陣嘲笑。「年輕人，我不是想笑你，但你家人呢? 朋友呢? 你捨得放棄他們嗎?」
 
「我家人會明白，亦都會尊重我的決定。不同某些人只會將自己的意願強加於別人身上。」
 
「你別作夢了，我不會給你帶走Yan。」
 
「Hazel已經是大人，她不再是你可以操控的。如果你真係愛佢，可唔可以放手，等我試下幫佢。」
 
「不行，我不會讓她離開我。」
 
「你記得你妻子死時的樣子嗎?」我突然說了一句話。


 
「你還記得嗎? 這個你曾經發誓要保護她一生一世的人，最後就是被你那些所謂的愛害死了，是你親手殺死她的。」
 
「收聲，你收聲!!!」Joe叫了出來。
 
「我唔會被你再害死埋Hazel，佢需要的是一個肯關心她的人，不是一個困著她靈魂和肉身的父親。」
 
之後，Joe把電話掛斷
 
這夜，我想了很多如何找葉梓恩的方法，我一定要找到她。
 
隔天早晨，Hazel的號碼發了一個地址給我