「許家明,我唔準你上黎!」是一把很沙啞的女性聲音發出的嚎叫。
 
「點解呀? 我要上黎搵葉梓恩,你是她嗎?」我踏著輕快的步伐,走上了一樓樓梯。
 
「家明,我唔想比你見到我而家個樣,你唔好上黎呀。」Hazel的聲音已焦急得在抖,她似乎就快要哭了。
 
「你個樣好唔見得人咩? 點解咁怕見到我? 你唔記得我話過,咩飛禽走獸我都唔怕,你嚇唔到我的。」我邊走邊望著手中的地址,看著寫了5樓,不禁心中暗罵自己剛才為什麼不進電梯呢?
 
「家明,我求下你…….唔好上黎。我唔想你見到而家的我,我食返藥之後會成日嘔,又無胃口食野,我真係瘦到自己都認唔到自己。加上,我兩隻手腕……..家明,我唔想你見到而家的我而失望,我唔想破壞我係你心目中的形象。」說完後只聽到Hazel的飲泣聲。
 


我一言不發,走到4樓時我停了下來。「我這樣上去會唔會太衝動,無理Hazel感受呢?」「我會唔會又傷害左佢呢?」
 
正當我猶疑的時候,我右手手肘上的傷口突然痛了起來。我摸著它,想起了昨晚「家明」的說話。
 
「你可以為佢去到幾盡?」他的說話在我耳邊響起。
 
「Hazel呀,你記唔記得你同我講過魚的比喻?」我問。
 
「魚……」
 


「係呀,人不能知道魚快不快樂,因為人不是魚。但是,我對魚的感覺是我的感受,所以我好肯定、同時亦都錯不了。」
 
「我唔明你係度講咩呀,許家明。」
 
「所以呢,葉梓恩不是許家明,所以不知道他們見到面時家明會怎樣想。」
 
「不過…….」Hzael急著想搶著辯駁我。
 
「你先聽我說,有一樣東西我可以肯定,就是這一刻我很想見到葉梓恩呢個念頭我係非常肯定,因為我有一句說話想同佢講,你估唔估到係咩說話?」
 


「唔知, 係咩呀?」Hazel好像稍為冷靜了下來。
 
我推開了五樓的門,看到一個女仔座在電梯大堂對面的椅子上,兩眼瘦得陷了下去,哭得雙眼滿是淚水,右手拿著一部電話,露出了滿是傷痕的手腕,深得就像每天都把它割破一次一樣。
 
看著眼前的她,我心中已經罵了自己不知多少遍。對著這個女孩,心中理應只有憐惜,為什麼我還可以對她說那些惡毒的言語。
 
我的淚也終於忍不住流了下來,經歷了那麼多事,我終於見到你了─ 葉梓恩
 
她好像也發現了我,我不等她來得及反應之前,走上去把她擁入懷內,溫柔地對她說了聲:「對不起。」
已有 0 人追稿