[GL] 重遇之後: 13—上

「做乜突然咁問？」
「無呀，只係好奇想問下。」
「我覺得無問題呀，相愛嘅人喺一齊係好正常嘅事。」
「但係可能會引嚟好多奇異目光，又或者屋企人會反對呀。」
「咁拍拖始終係兩個人嘅事，本人開心就夠呀。」
「咁如果係我地呢？」
「…咩意思？」
「如果我地喺埋一齊，你覺得work唔work？」突然，Tracy小聲地問道。
這出乎意料的話讓我一怔。看著前方的側臉沒有任何表情，讓人猜不透她的心意。我心裡有點害怕，戰戰競競地問：「…你講真？」
「只係假如啦。增加代入感可以豐富想像力呀，哈哈。」她轉過頭對我笑道，那雙因笑容而變得溫和的眼神頓時讓我鬆了一口氣。接著，我開始煩惱該怎樣回答她的提問。




「唔……好難想像。」我雙手交叉，想了一會，老實地說出自己想法。「不過…我覺得…可能都work呀。」
「點解？」
Tracy對我投以好奇目光，我續道：「咁我哋本身都係朋友，對對方都有一定程度嘅理解。」
「你真係了解我？我哋成十幾年無見，只係近幾個月先撞返呀。」
「嗯，你啱。咁應該唔work.」
我故意答得爽快，Tracy瞪大眼睛道：「你做乜咁快放棄！？再爭取下呀？」
「失去咗先識珍惜就太遲啦~」
「你係咪特登整蠱我？」
「邊有~」
Tracy輕輕打了我的手臂一下以示不滿，我笑著以手抵住她再度伸過來的掌心。一輪打鬧過後，我們平靜下來，她又再默默地看著前方。她瞧了瞧經過身傍的一對情侶，若有所思地問道：




「咁你會唔會公開我哋嘅關係？」