〔反政府〕為咗奪權、顛覆，你可以去到幾盡？: 在抗爭之中，我仍不忘為少女解惑...

「蝴蝶效應！」彷彿在參加綜藝節目上的搶答環節似的，青在我合上咀巴之前已經搶著道：「過去有可能會影響未來，當你返到過去就算咩都唔做亦有可能會影晌到唔知幾多年後嘅世界！」
 
青的反應比我想像中大，我一時間也被嚇到了，呆呆的應：「啊……係咁上下喇，總之你明白就得，我唔可以太出位。」
 
的而且確，時間旅行與蝴蝶效應的確是有一種不可分割的關係，我這次回到100年前的香江不知道會對未來產生啥影晌，但唯一可以確定的是100年後大中共和國不會再是掌權者，香江也不會被吞併。
 
我不自覺的嘆息了一聲，但青的興致正濃，似乎沒有結束話題的打算，追問道：「原來真係會有悖論……咁嘅話當你返到──」
 
「唔知，我又唔係科學家，邊識咁多。」我白了青一眼。
 




「你知架，答我喇，我哋而加個年代已經証實咗有方法去未來，但冇得返過去，因為有祖父……」
 
「祖父悖論？」如果要令時間旅行成立的話便一定要解決這個時間上的矛盾，所以在我的世界這是一個基本得不行的常識，沒有人會不知道，如果是這方面的話我還應付得來：「某個人返到過去殺咗自己果位仲未結婚嘅祖父，咁你祖父死咗就自然唔會有你爸爸，你冇爸爸咁你又點嚟？到最後咁到底係邊個殺你祖父？嗱，其實好簡單，即係已經發生嘅事係發生咗，講完。」
 
「……」
 
真是笨得不行，我來這裡不是當老師的……但為了幫青解惑並且令她更信任我所以我不得不說明起來。
 
「宇宙係有意識，而種可排除嘅人為因素係你殺自己嘅祖父之前你已經解決咗，你可能會係途中出意外、搵唔到你祖父、或者冇咗武器等等……總之一定會有啲事發生令你殺唔到你要殺嘅目標。」
 




被冷眼相待。
 
事實上我個人也認為這是一個白痴似的說法，於是乎我便用別的理據來講解：「唔洗咁望住我，仲有另一個講法嘅……平行世界應該冇咩人唔知？而個講法係建基於多世界詮釋之上，宇宙係一個巨大嘅波函數，如果唔知咩係波函數唔緊要，你只需要知道形成波函數係n咁多個彼此唔相干嘅平行世界就得喇，但因為你嘅時間旅行所以令到世界同世界之間互相接通，你本來身處嘅世界會送咗你去另一個世界冇你存在嘅世界，而你殺嘅就係而個世界嘅祖父。」
 
「喔！」青似乎十分滿意，笑著道：「世界果然好神奇……」
 
「所以我仍然係會影晌『未發生嘅事實』，但已經發生嘅係唔會有影響。」但是，接下來青問了個相當重點的問題：「但、但係你嘅年代唔係……」
 
一矢中的。
 




「原來你終於留意到。」我平靜的笑著話：「所以我先會簡2014年而唔係簡更後嘅年代，除咗而年係最後一次嘅革命機會同最有可能成功嘅年代之外……我好似只係話過『打倒涼振央班子，打倒而加嘅政府』，但係－」
 
「但係你冇講點打倒！」青瞪大眼睛。
 
「得行再話你知。」我臉上仍保持著笑容。
 
話題結束。