鏡像密語: 第二十三章、洛妍老師？

兩個人終於冰釋前嫌，以為終於可以迎來一段甜蜜嘅愛情之際，又不出意外地出現左意外。

叮———

亦言既訊息：「佢今朝醒左係我樓下等我，佢想見我。」

「⋯⋯」

「我覺得自己好衰」





「⋯⋯咁你會同佢講咩？」
（有冇試過心情好似坐過山車咁，由最高點衝落返谷低咁）

（以你既性格，必然會心軟）

（如果我主動話放棄，亦言咪唔會為難囉）

（如果我主動話放棄先，咁就算亦言唔要我我都冇咁大落差）

（如果我主動話放棄先，咁⋯⋯）





（咪皆大歡喜囉）

（又啱喎！）

（人地話遇上左中意既人第一時間係要放手先，如果佢係我既正緣的話佢會返黎⋯⋯）

（有道理！）

（咁佢唔返黎呢？）





（祝福佢囉！仲洗問）

「咁你返去啦⋯⋯」洛妍既心好似比一塊刀片鎅左落去咁。

然後，亦言一整日都冇再覆過。

（好野，梁洛妍你係全宇宙最偉大個個！）

（送走左人啦，安樂啦？！）

（我重置下心情先⋯⋯）

就係咁洛妍訓左好幾個鐘，一醒咗就查閱message ，結果都係令人失望⋯⋯





（其實佢有勇氣講分手，都足夠啦，仲想貪心幾耐？）

⋯⋯⋯⋯
晚上十一點

鈴鈴鈴———

「訓左未？」亦言用半沙啞嘅聲線提問。

「你唔係⋯⋯？」

「我想同你講返我今日同佢傾左啲咩⋯⋯」

「嗯⋯⋯」





（我以為自己已經比你捨棄左）

「佢同你一樣，想將我互相推比對方」言詞間都可以聽得出亦言既難過。

（佢⋯⋯竟然⋯⋯）

「咁你⋯⋯」

（會點揀？）

「我想你可以好堅定咁同我講，徐亦言你跟我走啦！」

（我唔會咁講！）

（我都話我唔中意做主動！）





「但我要既係一個人好堅定咁揀我，可以奮不顧身咁揀我、可以無條件咁揀我、可以毫無顧忌咁揀我」洛妍一諗到呢點又有啲傷感，因為佢知做到呢一點既只有唯楓。

「⋯⋯」

兩人在此結束左對話，但照樣如常返工傾計，好似冇左件事咁。

（梁洛妍單方面冇左件事囉）

（我信佢會揀到⋯⋯做到一個啱既決定）

⋯⋯⋯⋯

鈴鈴鈴———





「請問係咪梁洛妍小姐？」

「我係丫！」

「你好丫，上個月你申請左我地小學既教學助理，聽日有冇時間見工？」

「我⋯⋯我一陣覆你丫，多謝你比機會我」

「好丫，咁你5點前覆我」

收左線之後既洛妍心情重重，因為佢知如果佢走左，亦言會唔開心，自己都會唔開心，因為見唔到佢啦⋯⋯

洛妍一邊嘆氣一邊行去茶水間，迎面撞到徐亦言。

「做咩啦？你好心煩咁既樣既？」

「我⋯⋯有小學打黎叫我見工」

（第三份工啦已經，點拆？）

「去啦！唔好再為我留低！」

「但⋯⋯」

「我因為咁已經好內疚！」

「我做唔到嫁啦」

「相信自己！你咁叻女」

「⋯⋯」

（我而家先至確實咁明白你嘅感受，原來當自己做選擇既時候，你會想對方支持你，咁你先會更有底氣去作出呢個決定）

洛妍拎起左個電話，打返比個間小學既電話。

「喂？」

「我係梁洛妍，啱先貴校打黎叫我見工」

「哦，係呢你幾時得閒見工？」

「我⋯⋯返唔到丫，唔好意思！」

「咁好機會⋯⋯你唔考慮下？」

「唔⋯⋯我已經有更好既工作機會⋯⋯」洛妍望向一個方向。

（有緣再見啦，洛妍老師⋯⋯）

（續）