鏡像密語: 第二十五章、預演夢之夜

洛妍今日放假，一訓醒就收到亦言既message：

「早晨丫，懶訓豬」

洛妍既嘴角上揚都係睇完亦言既message 必做既指定動作。

「早安，鏡鏡」

「今日忙唔忙？」





對方回覆：「忙丫，我仲整親手呢⋯⋯」

「下？」

三秒後亦言影左一張相比洛妍睇，手掌心被𠝹出一條鮮紅色嘅血痕。

「痛唔痛丫？」用咩語氣相信大家應該都好熟悉。

「痛丫」





「搞咩整親？」
（嗚嗚⋯⋯）

「比木板刮到⋯⋯」

「等等先」

「？」

「我依家比較想知既係另一樣⋯⋯你邊到得返黎嫁塊膠布！」





「哈哈！你真係得意死人！」

（哈哈⋯⋯你應該心諗你係咪錯重點，喂大佬我爆晒缸咁款，你靜係顧塊膠布！笑死）

自從亦言分左手之後，洛妍同亦言既關係好似開始明朗化，就算兩人冇確立身份但佢地兩個既說話同行為愈黎愈似一對情侶，例如朝早可以唔洗諗任何理由或者藉口去whatsapp對方，可以光明正大望對方傻笑，可以唔洗幾都知一定係同對方食lunch。

「有人呷醋喎醋后！」亦言佢故意調侃洛妍。

「我邊有！哼！」
（邊會咁易認喎，點知你會唔會得戚嫁？）

（依家好似可以光明正大咁呷醋，真係好）

（我真係好在乎「光明正大」）





（係因為我覺得單身你中意點挽都得，但有另一半我就唔接受任何理由去合理化呢個行為⋯⋯）

（依家既你係咪都已經向我邁向左一步？）

⋯⋯⋯
下晝五點

洛妍見亦言一整日都冇再覆過自己，所以今次主動搵佢。

「今日好忙？」
（我放緊假，唔係你身邊但都想你至少應下我）

「唔係丫」





「咁⋯⋯你又失蹤左一日既」

「今日⋯⋯發生左一啲事」

「下？咁你點丫咩事丫」
（唔好嚇我！我好怕好怕係「生離死別」，我知你話過曾經你好難過，其實我都試過，我爺爺離開我既個日，我到依家都仲好記得，所以我好怕⋯⋯）

「晏啲同你講」

「好。」
（我今晚要黎睇下你先得⋯⋯無論發生咩事都好，我都會陪住你）

如是者，洛妍等亦言收左工、自己練完舞膽粗粗問亦言：

「有冇興趣開心事台，坐海旁？」





「？」

「洛妍姐姐出左門，係奧運附近」
（我想面對面同你傾，係你唔開心既時間比個擁抱你，好過隔住個電話⋯⋯我希望可以安慰到你）

「你講真嫁？」

「我呢到係唔比講笑嫁喎⋯⋯」

「好啦，你係下個站等我啦」

「OK」

⋯⋯⋯




洛妍見到亦言之後一齊行去海旁，但洛妍拉住亦言去左便利店。

「你想食咩雪糕？洛妍姐姐請你」

「我唔食丫」

「我唔開心既時候會食雪糕，因為『苦中一點甜』嘛」
（我唔知你發生左咩事，我只可以用自己既方法氹返你笑氹返你開心）

最終洛妍逼左唔想食雪糕既亦言食左一枝甜筒哈哈。

「呼⋯⋯終於行到海旁啦」

「嗯」

「可以講心事未丫？」
（我好擔心你丫徐亦言⋯⋯）

「嗯⋯⋯佢今日又搵我」

「你指⋯⋯曉瑩？」
（原來係咁⋯⋯都好既，始終唔係咩壞消息）

（梁洛妍你冇少少唔開心？）

（有，但起碼佢地人冇事先啦，如果唔係，徐亦言呢個人又會內疚一世）

（咁你呢？）

（我？我冇事啦，對比起呢樣，我開唔開心都唔重要既）

（梁洛妍，感情上既偉大係冇獎攞嫁！）

（得啦！我冇野喎）

「佢今日去均港九新界買左我最中意食既野氹返我，想同我和好」

「你有冇心軟？」

「⋯⋯」

「姐係有啦！」

「話冇就假啦⋯⋯」

「我都估到你⋯⋯」
（以你咁善良既性格，一定心軟嫁啦，一定會想接受返佢）

（你想接受返佢既話我都會接受既，畢竟我⋯⋯我都知佢需要你）

（但我唔通就不值得被愛？）

（但你應該要心足囉，因為佢都已經為左你踏出過一步，咪咁自私啦梁洛妍）

「我唔想你覺得我對你唔認真⋯⋯」亦言隔左一陣開口。

「⋯⋯」
（我又可以點喎？）

「唉對唔住丫，我都唔知點算，我怕佢做傻事」

「我明你⋯⋯」洛妍忍住心痛，繼續扮冇野。

洛妍決定轉下話題，令氣氛唔好咁沉重。

「不如同你鬥跑！」

「？」

「我一定跑嬴你」

「咪挽啦師兄，我以前跑開3000米唔通我又周圍同人講咩」

「大家咁話啦！嗱，由燈柱開始跑到去垃圾桶」

「咪挽啦師兄，跑又出汗⋯⋯」亦言雖然係到唸唸碎，但對腳好誠實咁行左去燈柱旁邊。

（我都知你偏心我嫁啦）

「嗱⋯⋯3⋯⋯2⋯⋯」洛妍未數到1就偷步跑先。
（唔偷步嬴你唔到丫，聽講你對腳長過我）

（比我賴貓一下）

洛妍係開跑既第五步已經比亦言追到，跑完全場只得喘氣聲。

「師兄你好奸茅」

「冇丫！」

「咪繼續唔認囉」亦言輕笑一下。

（你終於笑返啦！）

（唔開心既時間做下運動個人會放鬆啲）

（原來不知不覺，我已經教晒你我平時氹返自己開心返既方法，我估你都唔知我其實用呢啲方法令你笑返而唔係靜叫你唔好唔開心）

（我都唔知自己原來係咁溫柔）

「黎黎黎，坐返低透下先！」洛妍拍一拍亦言膊頭，拉佢坐返去長凳。

「你講野啦，繼續講野啦⋯⋯我想聽住你把聲訓」洛妍慢慢俟住長凳再慢慢合埋對眼。

「⋯⋯」

空氣安靜左5秒，洛妍突然感覺到嘴唇一軟，洛妍即刻開眼抬頭。

（係咪你錫左我一下？）

（係咪你丫徐亦言？）

（一定係，因為我都希望個個係你）

亦言未等得切洛妍反應就伸手合埋洛妍對眼：「我有免死金牌嫁，你繼續瞓啦」

（自己中意既人的確可以對自己做咩都得）

（好一塊免死金牌）

（唔好咁奸啦，徐亦言你自己生得靚仔都算啦，你仲嬴晒全村人（錫到我）你仲想點？）

洛妍輕笑左一下，繼續閉目養神。

（等等，我有個諗法！）

洛妍突然望住眼前呢個男仔。

「喂徐亦言，你今晚開唔開心？」

「開心。」

「咁你想唔想再開心啲？」

「想丫！」

洛妍伸手捧住亦言塊面，印左自己既唇膏上佢既面頰。其後，亦言報以一笑。

（夠晒開心未？）

（早就已經想係個日錫你一下）

（邊日？）

（你成為我既END大人既個一日、個一刻）

（你既露西大人話好中意被你保護既感覺）

（你可唔可以以後都就咁樣保護佢？）

「喂！師兄你識唔識瞄準嫁？」亦言投訴洛妍錫左落佢塊面。

洛妍又笑到見牙唔見眼：「我識嫁，我係錫面丫嘛。」

洛妍講完再錫多次亦言塊面，但亦言突然間擰轉左個頭，今次洛妍就錫左落亦言個嘴到。

（怕羞都黎唔切丫大佬）

「你真係丫⋯⋯」洛妍苦笑左一下，亦言就係到偷笑。

「徐亦言？」洛妍開口叫。

「係？」

「徐亦言？」

「咩事？」

「徐亦言？」

「嗯？」

「徐亦言？」

「做咩啦？」

「徐亦言！」

「係！」

洛妍突然叫左呢個名好多聲，但對方唔知佢係咩用意。

（你知唔知世上最短既咒語係咩？）

（係人既名字）

所以洛妍叫完亦言個名之後都有一句許願：

第一次：徐亦言
（你中意我多啲啦好唔好？）

第二次：徐亦言
（你快啲快啲跑向我啦好唔好？）

第三次：徐亦言
（你對我好啲得唔得？）

第四次：徐亦言
（你可唔可以唔好再令我失望？）

第五次：徐亦言
（你可唔可以同我講個句我一直好想聽既個句？）

⋯⋯⋯⋯

「係喎，你今日返左成日工，一定好攰嫁啦。黎啦，洛妍姐姐比你俟膊頭瞓覺。」

亦言好乖咁俟去洛妍既膊頭，洛妍係呢個時候輕輕摸下亦言既頭。

（有洛妍安慰你，唔知你既憂愁會唔會因為我而少左啲啲？）

（我地依家咁好似真係一對情侶）

（我等緊你⋯⋯等緊你一個正式既表白⋯⋯）

（等緊你show你既誠意）

（但⋯⋯曉瑩搵返你⋯⋯我知你又會心軟啦）

（到底我要幾時先可以唔洗再淪為被選擇既選擇）

（真係好討厭呢種等你揀既感覺）

（講係咁講，但我到依家都仲係耐心咁等你）

（梁洛妍到底係傻定蠢？）

呢個時候亦言捉住左洛妍隻手，想拖住佢瞓咁，洛妍心領神會，乖乖地比佢拖住。而洛妍既視線就落左係亦言手腕上既黑水晶鏈。

（其實我好早發現你有帶）

（我當時心諗邊有男仔咁迷信）

（我想有一日可以幫你除左條鏈然後同你講：你唔洗信呢啲，信我就夠）

就係咁佢地係海旁坐左一晚，等到日出。

「起身啦，返去啦」洛妍用最溫柔既聲線叫亦言起身。

「嗯⋯⋯」

（唉⋯⋯依家你好拖住我行啦⋯⋯真係蠢蠢丫徐亦言）

（以後係咪都要我逐樣教？）

（知你會應咩嫁啦）

（你實會話：我好想嫁，但我驚你覺得我有咩非份之想點點點，我冇膽⋯⋯）

（咁你又夠膽中意我？）

「一陣去迪迪尼⋯⋯」洛妍欲言又止，因為見亦言好攰好眼瞓咁既樣：「算啦，你返去瞓啦，我自己去都得」

「你仲諗住去嫁？」

「嗯，我返去訓一陣就出門。」
（因為⋯⋯我唔去唔得）

「咁我送你到火車站啦。」

「好。」

「拜拜啦。」

「嗯，快啲返去啦！」

（續）