《ASSO回憶錄》: 第十四節
(14)
我由雲咸街左轉入皇后大道再轉返上威靈頓街行左兩次…
我真係急到飛起…
我決定以後都唔再比佢再黎呢D地方…
我足足打左十幾次比佢, 終於, 佢肯聽電話…
我: [係邊呀? 你嚇死我啦, 電話又唔聽!]
Tiffany: [我去左廁所咋嘛]
去左廁所? 我明明見到有個男仔捉左你落黎!
但係我無問佢, 可能係我睇錯, 最緊要佢肯聽電話姐
我: [樓上咪有囉, 走落黎做咩呀?]
Tiffany: [樓上好嘈, 我想落黎抖下氣]
我: [你係邊? 我過黎搵你]
Tiffany: [唔洗, 我一陣就會返上去]
我: [你一個人怕唔怕呀?]
Tiffany: [唔怕, 我去廁所先啦, 一陣見]
我都係唔係好放心, 我決定行多陣撞下佢…
不過, 就係因為我咁著緊佢…
結果比我睇到D我唔係好想睇到既野…
我係條街度行左好耐…
最後…
竟然比我係畢打街匯豐, 見到Tiffany…
但係…
佢…
唔係一個人…
而係攬住左一個人…
我個心有D唔舒服…
不過呢個都唔係重點…
更重要既係…
原來岩先真係有個男仔拉左佢落去, 我無睇錯…
而拉佢落去既果個男仔…
係一個我好熟識既面孔…
張智林…
我離遠望住佢地, 心裹面有種形容唔到既感覺…
行唔行過去好? 行左過去我覺得會有事發生…
但係…
我心入面好想知道發生咩事…
唔通張智林黎煩住佢?
唔得, 我要行埋去問下…
我: [Tiffany?] 我係對面馬路叫左佢一下…
佢拎轉面…
我唔想佢係Tiffany, 我真係好希望我自己睇錯…
但係, 佢真係Tiffany…
佢見到我, 做左個好驚訝既表情, 令我更加不安…
而張智林都見到我…
唔好係我諗果D野…
我行到埋去…
我都未開口問Tiffany點解攬住張智林既時候, 張智林已經開口…
張智林: [Tiffany, 你朋友呀?]
朋你老母咩, 我係佢男朋友呀!
Tiffany諗左陣, 答左一個我唔想聽到既答案…
Tiffany: [係…佢叫呀瀚, 係我同班同學]
What the fuck?
呢句說話就好似一支箭咁射穿左我個心臟… 好痛…
下? 我係你同班同學咁簡單?
我完全無諗過佢會當我係一個同班同學, 咁我同你呢三個月係咩? 炮友?
[同班同學? 我係你…同班同學?] 我望住Tiffany, 唔敢相信佢講既野…
我個心超級唔舒服… 我真係情願你打我…
張智林: [Hi, 我叫呀Jeff, 係Tiffany既男朋友] 佢伸出右手
我好暈…
你…
冇散到?
我…
你足足呃左我三個月?
你係佢男朋友?
咁我呢?
我呆左…我真係好想一巴打落去Tiffany度, 咩10:30後唔可以打比佢, 咩唔鐘意多人既地方, 唔想公開比同學知? 屌, 我完全明哂…原來養住兩條仔…
點解? 點解要呃我… 我個心跳得好快, 我開始覺得抖唔到氣…
我望住Tiffany, Tiffany望住我…做左個內疚既表情同用口型講左下唔好…
唔好? 唔好乜野?
唔好打佢定唔好折穿你?
咁我點?
我呢三個月全心全意咁對你…
你知唔知果一下我個心有幾痛? 夠竟我, 係你邊個?
我真係好辛苦…我好想死…
我握實左個拳頭…
我: [Hi, 你好, 唔阻你地…我走先] 我真係笑唔出, 張智林見到我咁既反應, 佢無再出聲…
我幫Tiffany, 因為我唔想再留係度…再留左陣我諗我真係會打佢…
我只係想留返小小尊嚴, 留返小小風度比自己…
我拎轉頭就行… 因為我已經感覺到我隻眼唔係好聽我講…
同埋我好想離開呢個地方, 我個頭, 好暈…個心好唔舒服…
我以為Tiffany會叫停我, 然後直接同張智林講我地既關係, 叫佢死左條心…
但係…
戲情完全唔係我咁諗…
Tiffany咩都無做到… 由我慢慢咁離開…
呢個係我咁耐以黎最痛既一次, 痛到我唔能夠用身體既痛去形容…
呢個痛…唔係止痛藥可以幫到我…
我無做到任何表情…但係我D眼淚開始想係我隻眼裹面慢慢流出黎…
[余文瀚…你要忍住呀…呢度係街呀…男仔黎架…] 我不停咁安慰住自己…
但係我隻眼好唔聽話…
比人呃既痛…往往比人直接講出黎, 痛一百倍…
我情願佢一早同我講清楚…
我就係一個咁繁華既地方, 第一次, 為左呢段感情…流左好多眼淚…
我醒了… 原來, 我乜野都唔係…
我擁有過乜野? 我擁有過既, 原來只係回憶同痛苦…
我足足係蘭桂坊漫無目的咁行左一個鐘頭…
善待了别人, 作賤了自己…