《ASSO回憶錄》: 第二十五節
(25)
我: [呀…好頭痛] 咁熟既呢句…
我摸一摸自己個頭…陽光由窗口射入黎, 整醒左我…
呀…
[死…] 我望一望旁邊…Janice真係訓左係度...
我: [咁姐係琴晚係真…]
呢鋪真係好撚大獲…點算?
Janice仲要係我中文老師, 我仲要係學校日日都見佢...
最重要係…
Vicky…
呀…點解會咁架…
咪住先…
Janice會唔會其實係黎折散我地架? 一陣佢同Vicky講咁我點算?
屌…點解琴晚我要飲酒呀…唔飲咪咩事都冇…點撚解我要出去呀… 仆街…點算…
我望一望個電話, 原來三點幾, 鬼咩…琴日飲完都四點鐘…
我見到Vicky打左幾次電話比我, 仲有D wtsapp…
Vicky : [醒未呀?]
Vicky : [好悶呀…我今日過黎搵你呀…]
Vicky : [我出門口啦, 你再唔起身呢, 我一陣就打你PatPat]
下…咪住…
出門口? 過緊黎?
Janice…
我頂…
我望一望最後Send過黎既時間…兩點九..
媽呀…係咪咁大整古呀… 我接受唔到呀…
嘩…真係從未試過咁心急…
我: [醒啦喂…醒啦, 醒啦…Vicky黎緊呀…] 我用哂力咁叫佢…
Janice: [呀…好頭痛…]佢摸一摸自己個頭
我: [Vicky黎緊呀…你快D起身洗面換衫走呀] 我真係急到賴屎…
Janice: [Vicky? 啊…] 佢即刻彈左起身衝入廁所…
我: [頂…唔好咁快黎呀,唔好咁快黎呀…] 我都起身執房…
佢係廁所出完黎就去左著鞋…
Janice: [我走啦…你自己執生…]
我: [得啦, 我地遲D再講…]
我無送佢出門口, 繼續係度執野…
真係成世仔都未試過咁急…個心仲跳得快過摩打…
真係從未試過執野咁快…
總算係佢黎之前執返好哂D地方… 仲沖左個涼, 無得輸
叮噹…叮噹…
呼…好! 無事發生過! 開門!
我: [啊…你咁早黎到既?] 我打左個喊號…扮哂岩岩起身…
但係D酒氣都幾難整走…
Vicky: [做咩你有陣酒味架? 琴晚飲酒黎呀?] 佢嗅下我個身… 好懷疑咁望住我…
我: [係呀…]
我雨其係度兜…不如講真話…
Vicky: [又話訓覺? 妖!] 佢拎轉身就想走…
我: [你聽我講先… 我琴日係飲酒, 但係同老豆飲咋…] 呢個咩藉口黎…
Vicky: [做咩無啦啦同老豆飲酒?]
Vicky: [老豆佢唔開心… 佢無講咩事, 佢靜係叫我陪佢飲…我聽佢口吻好似係返工做得唔開心…]
我: [咁你琴日唔同我講?]
我: [我都係訓左陣先比佢叫醒…我見咁夜廢是煩你...]
Vicky: [下次你一定要同我講聲…咁我今日唔黎呀嘛…]
我: [唔緊要啦…我都好想見你]
咁都過到骨…我真是他媽的聰明……
但係…件事根本無解決到...
我覺得好對唔住Vicky, 我覺得我辜負左佢…
同埋…我唔知Janice點諗...佢都知我同Vicky一齊緊…
我覺得點都同Janice傾下, 我真係驚佢會爆比Vicky聽…
但係… 都唔知同Janice講D咩?
當無事發生? 同佢灘牌你唱我我唱你? 跪係度求佢唔好講出口? 做炮友?
唉…好煩…
我又諗起呀俊…
我第二日約左呀俊傾…
呀俊: [呀…好野好野! 咁都比你啅到…] 呀俊拍左兩下手, 比左個叻我
我: [屌…唔係要你讚我呀…快D幫我諗下應該點做…]
呀俊: [點都要同Janice講兩句架啦…當無事發生可能會弄巧反拙呀]
我: [點樣講先得架?]
呀俊: [其實都無咩…同佢講果晚大家都唔想, 大家仲係好朋友,叫佢唔好同人講]
我: [咁就得架啦?]
呀俊: [咁而家個決定權係佢度, 你講左你自己既要求, 佢受就受, 唔受先再傾囉, 都無得煩]
每次問親呀俊野都好鬼有文有路…
我: [我係咪好衰?]
當我仲內疚同煩緊之濟…
呀俊: [其實我都有野想同你講…]
呀? 呀俊你都有野煩?
我: [講啦…] 果然係好兄弟…
呀俊: [其實上個星期三…我係九龍塘撞到你條女同第個男仔拖住手]
……
我個心離一離…
頂...講我架? 個心痛痛地….
我開始緊張起黎…
我: [你睇錯咋? 唔好玩啦]
其實逢星期三我都會同呀俊同佢D Band友夾Band…
呀俊: [我都想係我睇錯…]
我: [星期三我地夾緊Band 喎…你點睇到呀?]
呀俊: [我星期三咪遲到…咁岩見到…我其實想果日話你知…見你今日咁樣...我順便講埋, 我個心舒服哂…]
真係好一個順便…
不過…
無可能…我同Vicky呢排都好好…都無咩野發生過, 係間唔中鬧下交姐, 同埋我又咁遷就佢…
我: [你一定係睇錯…] 我覺得呀俊嚇我
呀俊: [你就當我睇錯啦…講就講左, 理唔理你自己話事]
真係屌你個屎忽, 我明明講緊我自己單野, 你無啦啦講多單野比我煩...仲要講到咁堅定…
不過, 如果係真…咁我咪帶綠帽? 但呀俊無理由呃我架…
個心勁唔舒服…
我結果將呀俊講果件事話左比Janice聽…仲同佢講等我搞掂左我自己件事之後, 再同佢講佢件事….Janice竟然好順灘咁應承左我…原來佢都煩緊佢同佢男朋友D野…
我真係好在意呀俊講果件事…我覺得我應該要問個明白, 但係兜口兜面問Vicky,佢實會話無…
我成晚都訓唔著…我覺得點都要做返D野…
最後…
我做左樣好大膽既決定…
偷睇佢電話…
第二日我叫左佢黎我度…襯佢去沖涼既時候…我拿起左佢部電話黎睇…
我見到一個叫lamlam既wtsapp, 約左Vicky星期三係美孚等…
我屌你個屎忽…lamlam?
但係張相係一個男仔樣…
[頂…真係有野…]但係一個wtsapp Icon不能夠證明Vicky出軌, 因為唔比係lamlam呢個人既男朋友?
真係愈睇就愈唔舒服…
我決定再試探一下Vicky…
係食晚飯既時候…
我: [係呢, 星期三你有咩搞?]
Vicky: [你唔係夾Band咩?]
我: [係…我問下你有咩做姐]
Vicky: [我約左friend出去玩呀]
我: [哦哦? 男定女呀?]
佢望住電視機, 好唔專心咁答我…
Vicky: [女呀]
我: [去邊度行呀? 我夾完Band過黎搵你呢?]
Vicky: [我地去行女仔野呀, 你唔好黎]
直覺話我知佢有D野瞞住我, 但係我又唔可以打草驚蛇…
我: [好啦, 咁你玩得開心D]
我覺得我真係要去證實一下, 因為我太愛Vicky…
同埋聽完之後更加唔舒服, 因為佢答得好敷衍, 跟本唔係以前既佢…
所以…我約埋呀俊…決定星期三去美孚…