「愛情」「友情」「校園」「籃球」因為你，改寫我的一生: 王文軒

我叫王文軒 今年16歲 mk仔一名 米78高到拉 入過兩次差館 仲有一個大我1年既家姐同細我兩年既阿妹 老豆係我7歲果年就走左 我老母一手帶大我地3件野
成績唔差咁拉 一直都keep到級20名 得閒打下波 打開控衛 自認打得唔錯 至少打街場通常都輕鬆屌打😎
係學校中二果年識左兩個兄弟 一個叫陳子俊 一個叫麥朗希 我地3個同班 佢兩個本身識 有次打波拉埋我 仲同啲同學起左爭執 我地3個脾氣都幾火爆 朗希比人撞左一下就吵起上黎 我都有幫朗希跟住咁就熟左 日日放學無乜野做 唔係去網吧打機就係去打波 我地3個屋企人基本上都係早出晚歸既人 子俊老豆老母開餐廳 朗希得老豆無老母 我就無問過點解既 你知拉人地家事無謂問咁多 而佢老豆就搞生意 我就唔使講拉 老母一個帶三個得尻閒理我地咩 中二果年貪玩 去7仔偷朱古力 結果比人周到🤦🏿‍♂️咁就比人拉左 但果次好小事 而個員工乘機想屈筆錢 結果賠左錢就無事 又係一個貪錢既垃圾🙄
中三既時候 開學無耐 我同兩個兄弟放學照常去麗閣邨籃球場打波 有幾個睇落幾mk既人黎跟隊 輸左又要係場邊講埋啲on9野 又話我地唔識打 又話我地手腳唔乾淨 如果唔係邊會輸 子俊聽完之後就講左句輸左唔gur呀垃圾 唔講好過講 講完打波變打交 最尾朗希同一個人行開左傾兩句 傾完行返黎叫子俊渣個牌之後仲friend尻埋 由果日開始我地3兄弟成日都同班人一齊玩 通常都係打波 但果幾條友成日都搞事 係唔係都走埋去兇人 結果咪成日打波變打交囉 呢啲事好快就傳左去學校 仲比人叫我地mk3兄弟 但我地好撚憎呢個名 有次係小息果陣聽到有人咁叫我地 子俊同我忍唔住就開聲屌柒佢 仲想郁手 係朗希禁住左我地 亦因為呢件事 全校都認為我地係mk仔無人同我地一齊玩 不過我又唔介意既 我本身都只喺同兩個兄弟玩
喺中三尾果陣 照常放學打街場 不過今次去左幸福邨亦無叫班mk仔 去到已經無晒位 唯有跟隊 望一望無乜邊隊勁就求其跟一隊 連贏兩場之後第三場19比0差一球就贏（街場通都打21分）人地開始輸到不爽，撞低左跳起身上籃既子俊 我見到忍唔住沖埋去就開波 3條傻仔對於成日打波打到打交既我地 跟本就係垃圾，結果我重手得制打到一個四眼仔暈左 但可能上左頭 我都係一拳又一拳咁打落去 直至子俊同朗希捉住我 就係咁我地入左第二次差館 聽講個四眼仔入左醫院但已經醒返 我地3個屋企人用左好大既一筆錢 聽講都有10萬先將件事成功和解 而呢一次我亦將我老母辛辛苦苦草既3萬用左 而之後我家姐同丫媽就決定幫我轉校 雖然一直都有商量幫我轉校架拉 但我次次都係發脾氣帶過就算 不過睇黎今次唔係發脾氣就可以帶過既事 睇黎轉校係一定既事🤦🏿‍♂️唔想諗 同兩個兄弟玩埋呢耐個月先算 轉校既事聽日返學再同佢地講拉
返到屋企沖埋涼已經十一點幾 返入房睇一睇手機好快就比周公揾走左我😴😴