係同屋室友?定係同居密友?: (S3)40. 肖家殺著

「法官閣下，我代表控方呈上迎證據，苗先生必須覆行承諾」
 
「辯方會否反對?」
 
「辯方需先檢視證據」
 
呢一個係標準做法，不過唔知嘅肖師奶又再次大吵大鬧
 
「睇咩呀!!!而定證據係哂到!!!你點都冇得唔認唔俾樓架啦!!!!」
 




「肅靜!!!」
 
麥大狀睇一睇後，都循例表示冇問題
 
「控方可以呈上」
 
「法官閣下，各位市民，我手上有兩份文件，係可以證明被告必須要將物業加上我當事人嘅名」
 
林大狀係電腦呈出「呢一份係被告俾我當事人嘅保證書，保證會將我當事人嘅名加上物業上，以作新房之用」
 




「第二份….」
 
「係婦產科醫生嘅醫生紙，信中證明而家我當事人肖翠君小姐已經懷有身孕三個月，而經過確定，BB係一名男嬰，而佢嘅爸爸就係被告!!!所以被告係有責任覆行佢對我當事人嘅承諾!!」林大狀胸有成竹咁講，而肖家打出呢一手，亦令佢地信心大增
 
「請問被告你認唔認你曾經寫過呢封信，以及你係我當事人肚BB嘅爸爸?」林大狀同肖家氣勢如雄
 
「我唔認」苗學翹好冷靜咁講
 
聽到苗學翹咁講，肖師奶又發爛渣
 




「你個賤人!!!咁都唔認?而家買大送細!!!你係唔係人黎!!!」
 
「肅靜!!!!!」
 
苗學翹對法官講
 
「法官閣下，由於涉及刑事罪行以及小生命，我要求筆跡專家以及婦產科醫生上庭作證，同時，我要求進行DNA檢驗」
 
肖家萬萬想唔到，佢地呢兩份證據，會俾苗學翹反轉利用
 
「你仲可以唔認咩!!而家證據係哂到!!!你咁講即係話我地呃你啦!!!」
 
面對肖師奶一次又一次大叫，法官終於忍無可忍
 
「庭警!!!麻煩將原告人立即押離法院範圍!!!」




 
兩名庭警並沒有遲到39分鐘，佢地立即行動將肖師奶押出法院
 
被押出法院嘅肖師奶心有不憤，當記者見到肖師奶出黎果時，立即一窩鋒衝上去
 
「肖太，請問發生咩事呢?」
 
「個衰仔搞大我個女個肚呀!!仲不特止唔認寫過文件應承俾間樓我地，冇陰公呀!!!我地一家冇地方住啦」肖師奶非常悲情咁講
 
各八婆節目聽到肖師奶咁講後，立即返回電視台CUT片
 
係庭內，麥大狀亦都拎起醫生信同文件細閱
 
「法官閣下，辯方需時尋找筆跡專家及婦產科醫生及公證行作證，要求將案件押後兩星期」
 




「控方會否反對?」
 
「控方並無反對」
 
其時，有法庭職員走到法庭書記身邊後，書記再去到法官面前講左一陣野，法官聽後面黑黑一般，揚手叫兩名大狀過去
 
「喂大哥，你地控方做乜呀?原告而家係庭外不停發表佢對案情睇法，講到法庭就判佢贏，佢再係咁我就出WARRANT落佢charge架啦。你地所有證據都會作廢」
 
林大狀聽到後又再拍一拍個頭，然後指示師爺出去阻止肖師奶
 
「法官閣下，如果原告已經同傳媒透露案情，會對我方不利及有成見」
 
「我地會透過秘書處作出澄清，我同意將案件押後兩星期續審。期間原告人不得接觸被告人，第二原告人由於懷有身孕以及即將進行檢驗，所以不得離港並接受醫務人員24小時照顧。本席會安排第二原告到瑪麗醫院進行DNA檢驗。案件押後兩星期後於本庭繼續審理，控辯雙方需要各找筆跡專家作供」
 
散庭時，個官嘅假髮都差唔多濕哂