係同屋室友?定係同居密友?: (S4)60. 問題

一覺醒來，小祺搵開睡房中嘅窗簾，外邊依然係冇車，而且肉眼見到風嘅流動，之然夾雜住雨水
 
果一刻唔洗講大家都知道，今日好大機會唔洗返工
 
小祺望一望鬧鐘，原來已經係9點半，可能尋晚運動得太犀利，所以佢同學翹兩個人都好攰
 
落床後，小祺著起拖鞋去洗手間刷牙洗面，然後去廚房搵學翹
 
佢入到廚房就見到一張紙
 




「微波爐有點心，可以翻熱。我收到Call返左去做野，午飯前會返到」
 
小祺第一次見到學翹收call返去做野
 
「打哂風都要返去，一定係好大件事」
 
小祺自己食左點心後，就打開電話睇新聞
 
「睇黎今次個風又係有排打」
 




望下電話Wts，係公司吹水群之中，佢地講起學翹要返去嘅事
 
「唔係呱!!呢d要求都要處理?」
 
「點解要聰明仔冒險返去呀?」
 
「樓上痴左線呀?」
 
大家討論得火紅火熱果時，小祺自加把口入去
 




果時佢先知道，原來有user自己唔記得訂液氮，打俾老細話好趕好急
 
因為佢知道學翹個部門有應急液氮，所以佢就大條道理話而家咪急囉，所以一定要
 
於是學翹就無奈地返去幫佢斟
 
差唔多掛9號，如果學翹返到去而發現唔急嘅話，問題會好嚴重。原因係妄顧員工安全
 
小祺見到咁都不禁為學翹擔心
 
係另一方面，返到學校嘅學翹，企係實驗室前，無奈咁等
 
佢已經係到等左30分鐘，而且打極電話都冇人聽
 
學翹嘆左一口氣「唉…..個老細又係on9…….」




 
再等多15分鐘後，學翹就返去Office執好自己野，再Send個e mail俾老細投訴之後，就好無奈咁開車返宿舍
 
係宿舍內，小祺又拎出桃膠黎食
 
今次，佢好肯定桃膠嘅味道，係佢細個時熟悉嘅味道
 
所以佢自己心中肯定，學翹係去見過自己媽媽
 
至於點解學翹要咁做，小祺真係唔知道
 
過左一陣，學翹由學校返到
 
佢一打開門，小祺就見到佢全身濕透咁返黎
 




「你快d沖個涼先啦，你成個人都濕哂啦」
 
學翹聽小祺話，去沖左個熱水涼
 
返出廳後，佢一臉無奈咁坐係到
 
小祺走到佢身邊坐低溫柔咁問
 
「頭先好麻煩?要差唔多掛9號都要專登趕返去」
 
學翹嘆左口氣「返到去，去到lab門口，人影都冇個，打極電話都冇人聽，等左成個鐘就唔等」
 
「又係物理果到呀?佢地次次都係咁架喎」
 
「佢地自己漏左野就要我幫佢，下次唔會架啦」




 
「佢地會唔會又打俾老細丫啦?」
 
「一定會啦」
 
不出學翹所料，老細打黎問完成左未，學翹亦都好氣憤咁回覆，自己趕到返去，對方又冇人係到，完全唔知有咩緊急
 
如果真係緊急，就要user係實驗室到等我地而唔係我地等佢
 
言語間老細好似想學翹再一次返去，今次學翹斷言拒絕
 
一向都唔帶工作情緒返屋企嘅學翹，走去廚房，拎罐可樂降下溫
 
只要有可樂，所有煩惱都可以解決
 




學翹見兜桃膠清得好快，佢就笑住問小祺
 
「桃膠真係咁好食呀?」
 
「嗯」
 
「下次我再整俾妳食啦」
 
小祺淳呼吸左一下，問左學翹一個問題
 
「阿翹呀，你係唔係唔會呃我架?」
 
「我點解要呃妳呀?傻女黎嘅」
 
「咁你……..幾時見過我媽咪?」

















---------------------------------第四季完-----------------------------------------------------