𣎴能愛上的星級女神: 表示

我立刻去了若嵐家找她。家姐剛開門，我便闖進屋中高呼：「萬海昕！萬海昕你出嚟！我有野問你！」至少在這此，我知道我真的很在意若嵐，在意得我真的擔心她其實會不會不喜歡我！

「瑾瑜？」她從房間走出來，連二哥也走了出來，我想也沒想直接問她：「萬海昕你答我！你係咪中意女仔？」我看見他們三人也被我嚇倒，但看來不驚訝，可能他們－早就知道。海昕耳朵也紅了，走近我，問我：「邊個話你知架？」「你答左我先。」我追問，她非常冷靜地回應：「如果你想知我對你係咪真，入我房再傾。」

甫進門，她立即鎖了門。我還未反應過來，她的手已經在接近我下體位置。「唔好…」我立刻阻止她，她輕拍我手，烘近我：「又係你問我先，咁你係咪應該有啲表示？」表示？難道我要獻身她才告訴我實情？還是…？
此時程心的電話把我的思路打斷，我借故離開了房間。

「向瑾瑜！你…係咪真係已經搵咗萬若嵐喇？」她的語氣似乎有點焦急。「頭先諗住問佢，點知你就打嚟。做咩啊？你搵我就係問呢個問題？」我有些不惑。「hmm… 唔係啊… 不過我覺得你都係從長計議先！你上次又講到Candice對若嵐好似有興趣，娛樂圈品流複雜，如果人哋有啲咩後台嘅話，你分分鐘會影響到若嵐。」她說。「你都有啲道理。咁我而家搵個機會走先。」「咁…15分鐘後去你屋企附近間西餐廳等你，同你傾下？」「又好！」

「向瑾瑜！」穿着短裙的程心已經到了。「平時好少見你着裙。」「係咩？」「點啊你成日都咁得閒，唔使去拍拖咩？」我好奇問，說到這裏她彷彿面有難色。「－講起你拍拖我就嬲，有乜理由淨係喺IG post 過一張同你男朋友嘅旅行相加隻戒指，就無啦啦同我哋講你旅行結婚？又話係好兄弟，連我老公都冇帶俾我望吓！」「係啦，係我唔好。講返你同萬若嵐果筆先！你真係肯定佢鍾意女仔？」程心反問，我正想回答，忽然手持着餐牌和鮮花的店員走了過來，打斷了我們的對話。





「唔好意思呀先生小姐，我哋舖頭今個月做緊擺脫光棍二人套餐，$1111，今晚最後2set，仲會送一紥花。想問吓你哋有冇興趣？」我認真地看着餐牌，套餐所包的食物老實說蠻划算的。此時我留意到程心望向花束的樣子，彷彿若有所思。

「就要呢個二人套餐！」「多謝先生。」他把花束遞給我，我便立刻送給程心：「比你！」