𣎴能愛上的星級女神: 公關工程

我和家姐出盡人脈網絡，終於設計了一系列公關活動把萬若嵐包裝成在率真重情義的女人，找來－系列廣告、產品及活動關於友情、愛情或者任何情感，目求令公眾知道，萬若嵐沒有變，只是形態不同。

以前我做市場及公關部時，一旦品牌出事，用什麼思維去分析解決，很影響最終結果。一個已經屹立多年的品牌最後捱不下去，往往不是因為它的品質或者甚麼出現問題，而是當所有人都認為它沒有價值和利潤可言。所以有時候有新聞未必是壞事，一個花心的人有多渣、和哪位明星又發生關係，遠遠比這個花心人從此不再花心、循規蹈矩來得吸引。

我和程心一起上班前吃早餐，她邊吃邊說：「你地條片處理得幾好喎，而家正評多咗好多，你又做咗英雄。如果比燈打中果個係萬若嵐，你係咪都會好激動？」
「咁當然啦！不過我唔會好似佢咁鬧人…」我暗自取笑若嵐這個傻瓜。
「喔～～」程心又接著問：「自從上次之後萬若嵐仲有冇答你啊？」
「冇。不過我有諗過，Mark哥其實都冇必要呃我，而且呢十年嚟我都唔係佢身邊，反而係Mark, Paco佢哋同佢熟好多。」我吃了一口滑蛋，有點自卑地再補充：「更何況就算佢真係鍾意女仔，我同樣唔係一個完整嘅女仔…」程心彷彿想安慰我，但又不知道如何安慰，就這樣靜靜地吃完這餐。

還有一件事讓我有些不安，Candice只要不用工作便會出席有若嵐的活動，靜靜地坐在一旁。但其實自從上次的事，她仿佛意識到若嵐和我的關係不簡單，但未再見她出手。





「今晚個品牌fashion show，主辦單位安排咗若嵐早啲去揀accessories。因為VIP show room要安排人手，三個月前已經訂咗位，所以阿瑜你可以出去行陣或者去附近食個tea。記住唔好入去品牌對手嘅舖頭就得。」家姐補充：「仲有，你而家同若嵐嘅緋聞傳得好火，行事小心啲。如果你要坐低食tea，去高級啲嘅餐廳或者酒店，留單比我就OK。」「收到。」「家姐，阿瑜以前做過PR，應該冇問題。」「呢方面我都有信心。不過小心為上。」「詩姐我知道喇。」「好，咁應間再打俾你。」

所以說，若嵐在娛樂圈的名聲一直這麼正面，家姐萬海詩確實功不可沒。而我作為一個marketing和PR的進階級愛好者，亦渴望在詩姐身上學到更多東西。

我在廣東道下車，不遠處便看見Candice從名店走出去，經理人為她把東西先拿走，Candice亦剛好留意到我，並走過來。

「上次多謝你救咗我，我差你一餐飯。」原來她不高冷不霸氣的時候，是那麼溫柔。
「唔洗客氣，換轉係其他人有危險，我都會咁做。」我說。
「但始終你因為救我而受傷，去唔到醫院探你，至少比我請你食餐飯？」




「你咁講，我都冇推你嘅理由。」
「今晚？」
「今晚可能要宵夜喎。我應間要跟若嵐去品牌fashion show。」我猶疑一會，問：「一係而家食個下午茶？」
「可以當半餐嘅。」
「半餐？」我好奇，她笑說：「一個下午茶點可以抵消到你入醫院咁大件事啊？唔知以為我刻薄你！」
「我真係唔夠你講。」
「咁行啦！」