𣎴能愛上的星級女神: 知音

MV尾聲，她們入夜在電車軌下相擁、又回到摩天輪擁吻。看見這幕，我的視線開始模糊，不禁想起她畢業前我刻意對她越來越冷淡，她亦故意找了另一個男生在我面前跟他曖昧，雖然很吃醋，但我也固作冷淡。以前那種感覺真的很美好，簡簡單單。

忽然一陣掌聲，是剎科的掌聲，表示終於完成了。「若嵐，這次音樂MV真的謝謝你。今天晚上我想單獨請你吃頓好的，就當感謝你答應當我的女主角。因為我知道，決定不容易。」她那把中性磁性的聲音，真的很適合當歌手。若嵐看也沒看我一眼，便高興地說：「當然沒問題！難得你來香港，我當然要帶你去吃好的。」
「那一言為定咯！我後天就回台灣，你明天也會帶我去玩嗎？」
「好啊！…」…她們邊說邊走，完全沒有理會我和家姐等人。家姐完全不介意的樣子，一邊和Janet的經理人聊天一邊處理後續的事情。我仿佛只是個多餘的小人物，只能幫家姐處理一些工作事務。正好此時收到Candice的訊息：「唔好意思啊，之前你因為咩我，搞到你又上咗新聞。你而家得唔得閒？我啱啱收工，請你食個飯？」我看到她的訊息，回覆她：「好，我而家都收工，你喺邊？」
「尖沙咀。你呢？」
「我喺你對面海。」
「我過嚟搵你啦。」
「咁我等你。」





Candice穿著粉紅色薄薄風格型襯衫及白色短裙，內衣若隱若現，將她34D的身材展現得淋漓盡致。這個她真的很讓我著迷。她留意到我在打量她，輕推我額：「你𥄫我啊？」
「你哋d明星係咪個個都咁識襯衫架呢？」
「你讚我嘅話我接受架，唔洗兜咁大個圈喎。」她取笑我。
「係欣賞你，好似咩風格都carry到咁。」
「咁你呢？成日都著西裝。」
「我打工架炸，西裝就夠大體啦！」我自信地整理自己的領呔，挺起胸膛。
「你咁靚仔，真係應該試吓去拍戲！」
「多謝～不過我好享受做自己果行，冇諗過轉行。」
「恭喜你搵到自己鍾意做嘅嘢～」她給予我肯定的微笑，並邀請我：「咁我哋而家去食飯？」
「Sure, My pleasure~」





「上你屋企？會唔會唔係幾好啊？」
她把我帶了回家，她家也算大，但看得出她一個人居住。「其實呢，除咗屋企人之外，剩係得幾個好熟、識咗好多年嘅朋友上過嚟。你係破例嘅！因為上次係我累到你上新聞，費事喺條街度食嘢又俾人寫。」她剛關門便向我解釋。
「咁，我哋今晚食咩呢？」我好奇問，她打開雪櫃，向我展示：「我今個禮拜買咗呢啲餸，你睇吓想食咩？」
「你煮？」
「點呀？唔信我識整嘢食？」她意味深長的微笑讓我更加好奇。我隨手拿起雞扒、啡菇、帶子和沙律菜：「我大概諗到可以食乜。」她看了一眼，便說：「一系整個雞肉caesar salad同菇蓉帶子意粉？」
「又好～我幫手。」
「咁你整個salad？」
「冇問題。」





她拿刀的樣子很有經驗，菇蓉亦切得很有心。和若嵐仿佛是兩個世界的女人，若嵐自小在溫室長大、有家人保護，而Candice靠自己雙手生活和工作。「你睇住火先？我揀支酒。」她剛走開，我隨便加了些調味，便拋了幾下鑊。
「有d料到喎你～」原來她留意到。
「我細細個就幫嫲嫲手煮飯，OK啦。」我淡然回應。「有少少果香嘅chardonnay 19年，啱唔啱？」她果然是博學多聞，「識配酒喎你～雞肉同帶子，配chardonnay 冇死嘅。」我和她相望的一眼，仿佛是遇上知音人一樣。