𣎴能愛上的星級女神: 友達以上

「你睇吓你…」我把紙巾遞給她擦著胸前的污跡，她的事業線在我視線範圍擠擁，讓我腦海中不自覺浮現和Candice溫存的畫面。我分散自己注意力，用手替她拭走臉頰的墨汁，取笑她：「萬若嵐你咁點得架，你就黎28喇，仲食到成個小朋友咁…」
「點啊向瑾瑜？唔比呀？…」她一別過臉，和我的距離近得幾乎碰到鼻尖。她忽然呷醋地問我：「我可唔可以問你一個問題？你對Candice…係咪有好感啊？」我不敢回應她，面對這個柔情的她，我一句話也說不出來。
「我想知，我上次見到你抱住佢果陣我個心那住…係咪正常㗎？…」我和她的鼻尖已碰上，唇片幾乎碰上，此時房門打開了。

「唔好意思…」經理非常尷尬地把小食送上，迅速離開了。我和若嵐也有些難為情地各自吃喝，沒有說些什麼。我沒有想過明明我喜歡的是若嵐，只是差未跟她講我的秘密，但剛才那刻我又想起在營地和Candice的眼神交流。甜品上來的時候，我和她已經兩杯下肚。一個提拉米蘇和芝士蛋糕，兩個也是她最愛。「唔同你爭，比哂你食～」我放到她面前，她高興得傻呼呼的，而且吃得很快。見她吃得那麼高興，我隨口說了句：「你又真係一啖都唔留比我喎。」她剛好吃了最後一口，呆了呆，我正想取笑她讓她不用那麼認真。誰知我一開口，她便吻了下來，用舌頭把最後一口與我分享。我此刻的心情萬分糾結和複雜，也不知自己到底在糾結什麼，但就是很糾結。

「咯咯…」此時傳來敲門聲。我心中仿如玩激流一般刺激，呼吸也急促了，卻又有種偷食的罪疚感。我立刻為她抹走她和我親吻時出了界了唇膏印，邊抿著自己的唇。是家姐來了，我和若嵐就像剛偷完情的男女，耳朵也泛紅了。
「食完拿你地？」家姐問。
「我…去洗手間先…」若嵐手拿化妝袋，害羞地匆匆走出門。我亦急忙用濕紙巾抹走若嵐的唇印。





天啊！我到底在幹什麼！不過既然我即將要和若嵐和Candice開戲，相信答案很快可以呼之欲出的，到我亦不需要怕在糾結什麼。

由於即將和廣告商合作，若嵐和家姐也建議我找個臨時經理人和開個social media 帳戶。

「其實我以前做marketing 都有幫手整Social Media，整公司嗰個已經好煩，所以我自己都懶理自己果個。」今日若嵐為新劇去練舞，家姐要安排其他工作，所以我幫手跟一跟。
「比你望下啦～雖然我真係好得閒先至會睇，不過最主要係用嚟社交、睇吓其他artist朋友嘅post like或者comment，至於我嘅post相同文字，家姐之前搵左freelance朋友幫手揀相同寫。因為又tiktok小紅書微博又要IG FB 真係好多，家姐都處理唔到咁多。」她開給我看，IG followers 也有120萬那麼多。
「哇…原來你咁多粉絲架？」
「最主要係因為我有拍電影，而且自從有拍陸劇之後，都多咗好多內地、東南亞嘅fans。」她告訴我，她這句誘發了我的思考：「咁做到好似你咁出名，一個月可以搵到幾多錢？」我說完看見她哈哈大笑，我才意識到自己失禮：「Sorry啊若嵐，我唔係要八卦架，我頭先多口炸。」
「對住我唔洗Sorry喎～我又冇咩唔可以比你知，不過呢，我哋係一個個job計嘅，大細長短計發都唔一樣。」她又奸狡地微笑：「而且我要等你出咗糧先話你知，因為你就嚟開戲同拍廣告，我唔俾你同我比較～」我戚著眉烘近她，奸笑：「萬若嵐你壞咗啦你！你識得諗呢啲野～～」
「我不嬲好醒架！」




「邊忽醒呀你？」……