𣎴能愛上的星級女神: 鴻門宴（上）

若嵐家的天台會所望去的就是香港維港全景，VIP房間包含私人露台，6人BBQ絕對沒有問題。

「詩姐、May姐！」
「詩姐、May姐你地好，我係向生暫時嘅經理人程心。」
「程小姐你好。」「程小姐你好～」他們跟程心握手，互相對一下藝人日程以便安排日後合作日子。我看見Candice和若嵐在電視前邊看邊有說有笑，氣氛似乎不錯。她們留意到我，我便上前站在她們身邊：「你地到咗好耐咩？」
「放心喎，你冇遲到～」「係我哋早到咗。」若嵐和Candice一人一句。電視正播放着周日綜藝節目，李栢言也在。
「Paco哥平時個人怕怕羞羞咁，而家玩遊戲又咁放架？」我看見他與另外兩個他合作過的一線花旦玩遊戲時很放開的樣子，她倆望向我，Candice坦白地說：「喔～佢對住男仔先怕羞，對住女仔佢冇嘢㗎。」此言－出，我瞬間心領神會。
「喔～明白曬，我會守好秘密。」
「當然要啦。」她們同時警告說。我又問她們：「你地想飲咩？我拎埋比你地？」轉身就準備去看看。





「你要飲嘢咩，向大少？」程心拿著一盒檸檬茶遞給我：「你至愛嘅檸檬茶啱唔啱？」
「Sure～」我欣然接受，喝了口，禁不住吐槽：「都係我尋晚沖俾你飲嗰杯好飲啲。程心你話？」說罷便看到詩姐和May姐望向我們懷疑的眼神，一轉身，更感受到來自若嵐的醋意，和Candice的好奇。
「我係咪…講錯d咩呀？…」程心低聲又尷尬地問我，「死啦…我哋可能太fd…」我壓低聲線答她。
「咳嗯…作為一個稱職嘅經理人，係冇可能唔知道自己artist嘅喜好，係咪呀向瑾瑜？」
「係呀，你啱。」刻意說完，氣氛更加奇怪。
「不如，我哋食野先？」程心問May姐他們。「都好，我哋食飯先。」他們說。

我坐在Candice和若嵐中間，對面是程心。「我…第一次拍劇，好多detail可能要各位指點，詩姐、May姐多多指教。」我害羞地打開話匣子，若嵐禁不住取笑我：「向瑾瑜，我哋知喇～今日其實冇乜特別，以前我哋玩drama劇本寫好casting完之後，通常導演會guide下演員對角色同劇情嘅揣摩，角色之間都會培養下感情先。有時有d場導演可能會比我地構思下果個位嘅感情使唔使加減啲乜嘢動作，佢會拍多幾個角度後期再揀。例如你嘅角色係偏情感內斂嘅話，你就可以自己adjust返d 可能會over咗嘅shot。」
「果然係萬老師。多謝賜教～」我抱拳向若嵐行禮，「向同學有禮～」她邊笑邊回禮。