𣎴能愛上的星級女神: 天敵

Terris把我們帶到中環五星酒店的米芝蓮二星法國餐廳，整個氣氛甚至服務生的服務也很不一樣。特別是看見他們幾人，經理走了出來安排座位給我們，與Terris也似乎已經有點熟悉。Candice坐在我對面，若嵐坐在我右邊。

一打開餐牌，可以說是我二十幾年人暫時吃過最貴的餐牌，full set最平也二千多元一個人，還有酒水等，最平－支也五六百元。只能在心中默默慨嘆自己一直以來太窮，價錢亦實在太衝擊、太恐怖了。我本能性安靜地把餐牌蓋上，心中不斷盤算：畢業後做marketing junior由12k升到15k，3年後升職轉工也只是20k，當上若嵐經理人幾個月共280k，剛剛一個月拍了三分一套戲一個代言及一個廣告，總共200k。車泊在爺爺那邊村屋位，還有家用和我家租金……

「瑜哥？係咪啲嘢唔啱食？我可以同經理講聲。」「唔係啊，thank you Terris。你揸主意啦。」
我尷尬地重新打開餐牌，仿佛有道金光從價錢位置射出來。Candice留意到我奇怪的表現，借機取笑我：「向瑾瑜你唔係嚇親吖嘛？你真係好渣啊！」
「我鄉下仔吖嘛，Terris哥唔好見怪…」
「No problem! 不過呢我prefer開幾支酒match返d dishes。Candice，不如咁，It’s on me tonight， OK? 」Terris禮貌地問，Candice 點頭：「OK！咁下次我請？」
「Sure～」





身為marketing出身的大學生，書本理論看得多，但我真的要習慣高價錢的現實衝擊，不然下次Candice把我拉進名店，結賬時我豈不是立刻逃跑？
想起Terris說應該視生活或錢財上的阻礙為動力，看來我一個月沒有80k-100k以上也維持不到Candice現在的生活吧？還有她今日那個手袋，是那個限量版，應該要800k左右，還要配貨。真的千萬不要碰朱浩婷的手袋們，我賠不起…

「瑾瑜…」若嵐切了一半的雞扒吃不完，「咁快飽啦？佢仲有甜品喎！」我問她，順便夾走她吃不完的雞扒：「知啦，我幫你食。」
「喺呢度個cheese cake好好食架！就係想留肚食！」若嵐提到芝士蛋糕還是那麼興奮，補充：「你唔食嘅話我食埋你嗰份都仲得！」
「我果份比埋你啦！」我笑了笑。
「Candice，我記得你好似都鍾意食cheesecake？不如我叫經理拎多兩舊比你地。」Terris望向Candice，Candice似乎有點呷醋，還看著我在吃著若嵐咬過的雞扒，淡然地說：「唔使麻煩啦Terris。」Terris帶點質疑的眼神望向我，一邊是曖昧多年需要細心照顧的若嵐，－邊是暗生情愫亦敵亦友的朱浩婷，但我的芝士蛋糕已答應了若嵐，還如何分給朱浩婷呢？
「Terris，不如…」我有些心虛低聲對Terris說。
「OK明白。」他收到我意思，便離開座位去找經理待會多上兩件蛋糕。
「我去洗手間。」我也先離開一下座位，去個洗手間。





「瑜哥，Cheesecake 我幫到你啫，人我幫唔到你架喎。」剛在廁格出來，看見Terris剛使用完尿兜，之後也走到我旁邊洗手：「佢哋成日都同場，遲早出事架喎。」
我思考了一會，決定問：「Terris哥，你都算係情場老手啊可？你覺得，係咪…冇愛情冇朋友做？」
他對著鏡子整理著自己的頭髮，看了我一眼，微笑：「女人諗嘢同我地男人好唔同嘅，你想兩個都咁好朋友，佢哋就會覺得你同另一個有嘢，除非你處理得好好啦。如果唔係，你覺得你同其中一個上完床，另一個仲會肯同你一塊雞扒一人一啖咩？」Terris這席話非常俗套卻又寫實得很，他又給我溫馨提示：「你頭先喺Candice面前拎若嵐塊雞扒食，你真係大膽呀！你而家想追Candice定若嵐架？瑜哥，你分清楚莊閒喎…」