𣎴能愛上的星級女神: 番外3 — 故事平行世界的兩個結局

呢個故事其實原本仲有兩個版本：－個係同咗若嵐一齊；另一個係同程心一齊。

同若嵐果個版本冇乜特別，最主要係睇吓點樣同Candice呢個情敵鬥，之後佢哋兩個嘅秘密都一樣會拖到最後揭曉，然後一齊咗。

至於同程心果個版本多咗好多伏筆，就係講其實向瑾瑜心入面嘅第一位一直都係程心，只係佢自己唔知。而程心一直以來喺佢身邊守護住、無論發生咩事都喺度，最後因為Mark哥嘅加料派對令到瑾瑜面對自己內心，曖昧左一大篇文，大結局送咗9份禮物比程心同佢求婚，除咗花、朱古力同戒指，其他禮物全部對應返以前篇章嘅伏筆，都係一啲程心曾經望過或者想要嘅嘢。

雖然兩個版本入面大部份嘅情節已經比我刪除晒，不過加料派對我keep住，而家益大家，送俾大家未公開嘅情節花絮：

［後宮女團（上）］





「其實…又唔完全嘅…」若嵐打破大家的沉默：「不過我淨係記得，飲完之後個人好慶，張星凡拎住部電話話不如我地跳隻舞，仲好似話佢嘅夢想係想做經理人，唔係演員。」「我淨係記得跳完之後張星凡除咗件衫話要拎去dum咗佢去咗廁所，但開左個花灑！」程心說。「我記得我見到萬若嵐除鈕，瑾瑜偷望，所以一手拖住瑾瑜要帶佢入房，點知經過廁所比張星凡個花灑射濕。」Candice補充。我接了下去：「唔怪之得，應該係因為咁，我踢咗Mark哥入廁所，反鎖咗佢。」「Bingo！我終於知道點解我會瞓咗係浴缸。Thank you everybody～」Mark哥得意地笑了。「下…咁我呢？」我還是不知道我有沒有對她們做了什麼，她們三個彷彿也想起什麼，表現得害羞又尷尬。她們也拍拍腦袋，包括我，越想越頭痛。

比三師會審更嚴重，連總經理Kevin也來了。May姐沒有問什麼，直接開播－條youtube：

「大家好我係張星凡！Welcome to my Channel！」耳朵紅紅的Mark哥和鏡頭靠很近：「我由細到大嘅夢想，都係想成為一個明星經理人。今日，有請我旗下嘅明星，後宮女團！為大家表演唱跳，As one, Candy Ball。有請…」鏡頭一轉看到程心、Candice和若嵐，然後我忽然走到鏡前，Mark哥推開了我：「向瑾瑜你唔好阻住啦！」「女團？我又要入！」我臉已經有點兒紅，「你係男人！唔得！」「我係女人！」我解開了胸前所有鈕扣，把胸肌展示出來：「見唔見到啊！女人黎架我！」「好啦！比個C位！」Mark哥重新介紹：「後宮女團主唱，溝女王嘅左昭儀萬若嵐！跳唱，溝女王嘅右昭儀朱浩婷！顏值擔當，溝女王嘅皇后程心！我哋C位，溝女王本人，向瑾瑜！Everybody？ Show time！」 As One Candy Ball背景響起，她們三人和我便開始跟節奏但free style亂來。但她們三人輪流唱著歌詞，有一兩個摸腿、撥頭髮、華麗轉身和些少性感的動作，大家互相配合，交換位置，到鏡頭前Solo。即使喝醉了，她們對着鏡頭還是很敏感，性感又可愛地展現自己的星味。「Hello 請注視面前的我，混和甜與蜜後製出Candy Ball」她們第二個clorus跳得很一致，雖然三個多臉蛋紅紅的，但都是穿了短褲短裙，在短片的角度很吸引。「壞記憶統統說 Byebye，Baby you're the only one。我正是這樣傻 Love you～」我從她們身後走到前方C位，搞笑又裝帥氣地把襯衫脫下扔向鏡頭，她們三個配合我，一起擺出完結的姿勢。「大家繼續支持，後宮女團！同埋我，張星凡！See you！」短片以Mark哥的眼睛和鼻子作結。

「搞咩呀你地？點解醉到斷晒片架？」影片播完，我們五人都低下頭，不敢望向經理人們，耳朵紅得非常尷尬。短短12小時，影片播放量已經超過80萬，一大堆留言，幾乎所有媒體都在報道。天啊！居然拍到我有史以來最酒醉最怪異的唱跳，還要被人看蝕我的上身，我真的很想找個黑洞跳進去……

「唔使頭耷耷嘅，你哋睇埋啲留言先。」Kevin開口，把電腦遞給我們。