情人節那天，我在衣櫃中找到我生命中的天使: 第六章：天使你冇野呀嘛？

 
  「呢啲意料之外既野邊個都唔想架啦，唔洗咁緊張喎。等我諗下先吓……我知旺角有間食放題好似好得架，不如一齊去睇下啦，好唔好？」
 
  Good Job 呀軒！平時最識食就係你，你提議得既餐廳一定係最抵既。今次我就唔洗怕太貴啦。如果比家豪再提議既話一定又會係啲好貴既高級野。
 
  可能因為時間都唔早，大家都有啲餓，所以聽完呢個提議之後都冇反對。之後我地一齊坐地鐵由港島過去旺角嗰邊。
 
  我地係地鐵入面有講有笑，但係羨婷唔知點解由頭先開始就一直挨左落我個膀頭到瞌下瞌下，明明頭先都係好精神架，點解無啦啦會變成咁呢？
 
  「喂，你冇事呀嘛？頭先仲見你妳精神架，點解你宜家會變得咁眼訓既？你係唔係唔舒服呀？如果你有事要同我講呀。」


 
  「家豪你睇下人地阿傑啦，只要女朋友有少少問題都可以一眼睇得出呀，我呢？人地之前同你一齊上上下堂發燒你都發現唔到囉……」
 
  「咁上堂……我……呀」
 
  估唔到我單單一句問候都可以搞到你女朋友發嬲，真係對你唔住啦家豪，千析唔好怪我呀，要怪就怪自己唔好好留意個女朋友啦……我做到既只有幫你祈禱希望你一陣唔洗比雷切揸多一野啦，因為我地見到覺都得痛呀。
 
  我地咁多人一齊睇住佢地咁樣嗌交法某程度其實都幾有趣，見佢地你一言我一語咁，我地係旁邊都忍唔住笑左嚟。不過講就係咁講，其實我心低裡面一直都係擔心緊到底羨婷發生左咩事。
 
  其實啲人成日用罐頭沙丁魚嚟比喻地鐵入面既乘客真係一啲都冇錯，我地搭左兩個站之後到左金鐘站轉車，轉左車之後成架車多人到真係人夾人。之不過就算乘客多左而且迫左，羨婷好似並冇因為咁而有任何改變，依舊係一個想訓想訓咁款。我見佢頭先轉車嗰時行步路都好似腳步浮浮咁，所以我比佢個頭挨住喺我到之餘仲要抱住佢，費時一陣佢訓著左撞到人就唔太好。


 
  喺旁邊睇既話或者覺得我地做緊既野好sweet咁，唉，但係又有邊個會諗到事實上我係照顧緊一個行路瞌下瞌下，隨時都有可能訓著既人先得架……又話係嚟幫我既天使，點知又要我照顧返轉頭。
 
  「我唔制呀家豪，我都抱抱…」
 
  阿芝你係咪痴線架，我都係迫於無奈先喺到咁做啫，你就以為我係到放閃，好心你啦，其實我仲係一支弓喳，你唔好係我面前咁做得唔得呀…… 家豪呀家豪，雖然你女朋友係幾靚但佢啲性格真係好亂嚟囉，咁既人你都可以接受到，你究竟係收左錢定係聖人mode上身，玩大愛世人呀？
 
  正當我好無奈咁比人以為我喺到放閃既時候，架地鐵無啦啦急刹，然後成架車chok 左一chok ，車上面啲人都搖左一搖，而精神唔多好既羨婷亦由本來得個頭挨落嚟，之後比架車搖到變左成個人挨落我到，呢個時候我同佢既心口互相緊貼喺一齊，嗰種壓落嚟既感覺真係舒服到講唔出嚟。
 
  喺呢個moment，我個身無啦啦震左一震，好似觸左電咁，然後個人變得好Hyper，而自己亦都唔知點解笑左出嚟。咁當然羨婷壓落嚟嗰下令我下面Hyper到充曬血變得好勁啦，但係唔知點解呢種Hyper既感覺同平時既又好似唔多同……


 
  「咦呀傑，乜頭先我訓左覺呀？唉呀仲要成個身挨左落你到，真係好對唔住呀。」
 
  「唔怕，但係你真係冇野呀嘛？雖然你宜家睇落好左好多，但係你頭先睇落真係好唔舒服。」
 
  「嗯，真係冇事架啦，嘻嘻。」
 
  好彩頭先chok 左一chok 先令到羨婷佢醒返喳，如果唔係一陣佢食野嗰時都瞌下瞌下都唔知點算好。不過話時話，到底頭先個種同平時唔同既Hyper感覺到底係乜野一回事呢……？