身為一個毒撚,想必有女朋友只是一個夢,其實連女性朋友亦不多(沒有),更何況是女朋友呢。 

但誰也想不到,身為毒撚的我,竟有個女朋友,雖然我從來都沒見過她。為什麼?這就要從幾個月前說起了…… 

這一兩年,我迷上了上網看網絡小說,多看了,就覺得自己亦可以嘗試有自己的作品,相信這也是大部分作家開始寫文的理由,我亦不例外。 

雖然讀者不多,不過寫文是我樂趣,只要有讀者,無論多與少,我亦不打算停止。 





在某一日,剛完了一個故事的時候,我收到一個訊息: 

「我岩岩有睇你篇故啊!估唔到真係sad ending囉,係呢,你有冇興趣一齊寫故啊?」 

「岩岩先完左個故,未有咁快有靈感寫下篇故喎,點解你想搵人同你寫故既?」 

「嘿嘿,我有個idea,好想寫佢出黎,但係自己文筆又唔係咁好喎,咁咪試下問你一唔一齊寫囉」 

男人老狗用「嘿嘿」這助語詞,難道他真的是「hehe」?我還是拒絕的好。 



「唔好喇。」 

「點解喎?不如你聽下我個idea先啦,我知你寫開科幻故,我個idea你實鐘意既。」 

這傢伙也頗煩人的,真想不到網上寫個故事也能釣個狗公,還是不理會他為妙。



過了十分鐘,他又再次發訊息過來,而且更是一篇很長的故事大鋼。 




故事內容大概是如下: 

一班中學生,過著平凡的日子。直到某一日,他們全員忽然被「人」困於課室,要求他們進行一場遊戲。遊戲玩法是每一小時會選出一個「壞人」,其他人要指出「壞人」是誰,正確指出的 

人可逃離課室;反之死亡。「壞人」要勝出,則要一小時內令他人誤指五人。 

雖然不太想理會這個人,但他的故事十分令我著迷,令我再次主動接觸他。 



「你個故幾有趣味性喎,設定簡單,如果心理描述可以寫得好,再加D元素唔好太單調既話,會係一篇唔錯既故黎。」 

「都話你會有興趣架啦!咁你係咪會一齊寫先?」 

「嗯……等我諗下先。」 



「你有冇skype啊?不如skype傾?」 

「我冇skype,淨係有用whatsapp。」雖然說平時有用whatsapp,不過會聯絡的人,只是一班「機友」。 

「都得,我電話係xxxx-xxxx」 



如此輕易的給別人電話,其實會否是伏? 

我應不應該去聯絡這個人? 

暫住!先加聯絡人,再看icon是常識吧! 



隨即,我開啟whatsapp……他的頭像……



他的頭像竟然是個公仔,男人老狗竟然用公仔做頭像


我當時沒有即時意識到,這個人有可能會是個女生 

一般會看科幻小說的,大多數是男的吧!(非性別歧視) 

對不起,我承認我對女生不了解, 

一個毒撚接觸得最多的女性,也只有母親了。 

但他始終是我的讀者,不理會他也太不要得了,還是找一找他吧 





「嗨」 

「你係……? Danbo?」 

「係啊」 

「太好喇,你肯搵我,頭先我仲諗你會唔會唔理我,好彩姐!」 

不好意思,我的確有想過不理會你。 

「咁你個故事幾吸引啊嘛」 



「咁你即係會幫我寫呢個故?」 

「er……我可以比意見你既,但寫就……」 

「其實我真係好鍾意睇你既小說架,唔知點解好似有一種魅力咁,一睇就唔可以停落去。 
我一直係到諗,如果我諗到既故事,可以由你黎寫,係一件多麼美好既事」 

「你可以試下自己寫嘛,畢竟係自己既故事」 

「嗯……我試過寫……但總係覺得寫唔出心中既景象」 

「慢慢黎啦,文筆好壞唔係與生俱來既,真係要多?寫、多?睇,睇下人地點去描述人事物,我都覺得自己唔夠好」 

「咁……如果我寫,你可唔可以幫我改啊?」你以為我是中文老師? 

「我可以比意見你既,改就交番比你啦,個故係你嫁嘛」 

「係我地既!」 

「好喇好喇,你唔好搞到好似hehe咁」 

」他回覆我這個表情到底想表達什麼?難道…… 

「講番你個故啦不如」 



我們就開始討論他的故事,原來他除了故事內容,人物設定什麼的也沒有想過, 

還想著完了自己故事,暫時休息一下,看看他人的作品。



不知不覺,天色已經變得昏暗。 


「今日傾住咁多先啦,我要食飯喇」 

「好啦」 

「你今晚試下寫左個開頭先,聽日放學幫你睇」 

「收到,仲有啊,講個秘密你知啊」 

「咩啊?」 

「其實我係女仔黎」 



我當時的驚慌程度,好比高登看見「2R出浴照」,入面真的是女子組合2R,而不是Ronaldo和Rivaldo。 

完全不敢相信,竟然……竟然……我電話有女生的電話號碼。 

我當然不失霸氣地說: 

「唔怪得啦,好喇我真係要食飯,聽日傾」 



我吃完晚飯,再看看電話。 

沒有未查看訊息,嗯!這才是我的電話吧…… 



那一晚,無數的幻想出現在我腦海中,想的不是她故事發展,雖然的確很吸引, 

但身為一個見習魔法師,第一次跟女性談天談得天崩地裂,也不是啦,正常人也會想像對方的外貌吧。 

高矮肥瘦、戴眼鏡、長短頭髮……暫住!如果是「舞動肥西」,那不是……你屌埋我個份喇



十月時份,剛剛過了開學月份,但又未到mid-term,還算是頗輕鬆的月份。 


放學後,我想過找她,但不知道她放學了沒有呢? 

不是,她還是不是一個學生我也不知道,甚至談了半天,我還不知道她的名字。 

毒撚真的不懂跟人溝通。 



「嗨,放左學喇?」 

「岩岩放左喇」原來她還是個學生,那年齡應該跟我沒差太多了吧。 

「咁……交得功課未呢?」 

「係喎,未send比你喎。我點比你啊?」 

「Email啦,我Email: [email protected]」 

「等等」 

「係呢,其實你叫咩名?」 

「哈哈,原來冇同你講過架咩?咁你電話set左我咩名啊依家?」 

「你話比我知我咪set到囉」其實……我設定聯絡人名稱時,寫了「hehe」,當時不知道她是個女吧。這種話怎樣跟她說呢……

「你話我知你真名先啦,唔係我唔講架」 

「阿景」

「原來係景哥哥,小妹叫阿芊啊
」 

「咩哥哥姐,唔比我細過你嫁?」 

「唔比喎~ 」 

「咁你中幾啊?」 

「唔話你知喎~ 」 

「咩都唔講嫁」 

「咁你呢?form幾啊? 」 

「你唔講我又點會講你知姐」 

「有人唔想知咁算lu 」 

「你講啦」 



我真的不懂跟女生溝通,救命啊! 

就是這樣打打鬧鬧,終於知道她少少背景了。 

她中五,DSE選科來說,應該算是個文科生吧 

倒也是,喜歡讀書寫作多數是文科生 

只是我這般理科怪人才會喜歡寫文 



「咁得意既你,點解你理科出身但鍾意寫故既? 」 

「我都唔知喎,其實呢一兩年先開始鍾意睇下小說咁,之後咪試下寫故咁囉」 

「咁得意?」 



慢慢開始,我們話題不只是她的故事了(我們的?) 

當然還不算什麼了解,只是多了一個朋友閒話家常罷了。



這幾天,我們幾乎每日Whatsapp,當然沒有怠慢故事的進度, 

經過我們幾晚的努力,第一章完成品終於出爐。 



「不如我地放上網先啦,睇下反應都好」 

「咁快得唔得架?」 

「有人睇有時都係一個寫故既推動力黎既」 

「咁……冇人睇呢?」 

「唔會既,不過真係冇人理,或者我真係會放棄,構思下一個故事」 

「我第一次出故,冇人睇點算喎?」 

「唔會啦!信我啦!」 

「好啦,咁我post啦,你要幫手推post喎!」 

「知喇知喇」 



過了一陣子,看到她的帖子了 

當然不會即時有人回覆了吧 

我順手推了post, 

少年,你太年輕了。你以為這個論壇上真的有那麼多人回覆你的帖子?其實都是我一個人推的。 



這就是我們相識的開始,到底這個「開始」有沒有「終結」,我仍不知道 

第一章完
已有 0 人追稿