用AI圖寫故仔: 七．獸王城
離開咗副本嘅馬克，一邊研究習得嘅新技能有乜用，一邊諗吓下一步應該做啲乜。個技能唔可以放喺主動技能欄，睇嚟應該係一個被動技能，一時三刻恐怕好難試到佢嘅效果。當務之急，都係應該先提升等級。目前馬克喺新手區內都算安全，不過佢嘅目標唔係只留喺新手區，而係要影響成個遊戲世界。為咗達到呢個目標，馬克必須成為呢個弱肉強食嘅世界裏面首屈一指嘅強者。
由一隻低級獸人變成世界級首領，聽落實在係不可思議，不過再難再漫長嘅事業，都要由第一步做起。馬克抱住呢個決心，向住下一個區域進發，唔駛幾耐已經嚟到新手區嘅邊界。喺路邊一個小廢墟之中，隱約可以見到一度深紅色嘅傳送門。稍為有經驗嘅玩家都知道，呢個係遊戲中其中一個高級副本，獸王城嘅入口。高級副本入口放喺新手區，令呢附近間中都會有高等級玩家隊伍出現。為咗避免撞個正著，馬克都特登兜遠少少，沿住比較隱蔽嘅森林小路行。
人算不如天算，一個女玩家嘅身影突然出現喺馬克眼前，成身高級暗殺者嘅裝備，一睇就知係避之則吉嘅角色。無事嘅，呢啲高等級玩家，雖然幾下就可以斬死而家嘅馬克，但係佢哋殺咁低等級嘅怪，經驗又無，啲戰利品又垃圾到執都費事，只要隻怪唔主動攻擊，通常都係無視就算。正當馬克想靜靜雞轉身走人嘅時候，突然發覺個女暗殺者嘅外型有啲眼熟，不期然望多幾眼。
咦！記得喇！呢條女咪就係之前同馬克嘅小號決鬥，輸咗俾佢搞咗成個鐘果個瑪蒂蓮娜？話說瑪琳俾馬克嘅小號姦到虛脫之後，自閉咗幾日先至再登入返遊戲。佢都有向遊戲官方投訴停唔到官感同步嘅bug，但係成件事無任何記錄，又無辦法重現一次，結果客服只係求求其其敷衍了事，叫佢如果遇到類似情況記得再上報。
經過呢一役，瑪琳唔敢再同人決鬥，亦無再做電子雞，只係老老實實咁做任務同組隊打副本。不過佢今日運氣認真麻麻，組團去打獸王城遇著幾個都係唔識亂嚟嘅隊員，搞到滅咗幾次團，最後乜都無打到就走咗散團。一肚氣嘅瑪琳離開咗副本，走咗入去附近嘅森林整理受損嘅裝備。佢當然唔知道大舊炳就係馬克，本來亦無諗過要理呢隻低級獸人。好衰唔衰，馬克望多咗瑪琳幾眼，結果雙方目光有咗接觸。
「超咩呀超，死獸人！」本來就氣在心頭，瑪琳決定要大開殺戒，走向馬克。如果係控制緊自己嘅角色，等級相若，馬克當然唔怕瑪琳，樂於再教訓佢一次。但係大舊炳同瑪蒂蓮娜強弱懸殊，任馬克技術再好，打起嚟都係死路一條。雖然死咗都係會重生，但係等級經驗全部又要重頭嚟過，緊係制唔過啦！於是馬克立即做出最合理嘅反應，就係拔腿狂奔。見到一隻獸人居然會立動著草，瑪琳都嚇咗一跳，不過佢好快就作出反應，追咗上去。
馬克見瑪琳追上嚟，更加搏埋老命係咁跑，完全去到慌不擇路嘅境界。又虧佢真係跑得幾快，瑪琳一時都未埋到佢身。突然馬克眼前一亮，周圍嘅景色驟變。原來佢亂衝亂撞之下，已經跑出咗森林嘅範圍，去到之前嘅廢墟。馬克無回頭，都已經感覺到瑪琳勢凶夾狼逼近，準備手起刀落虐殺自己呢一隻盲毛獸人。馬克一直向前衝，死到臨頭見到嘅，係一道深紅色嘅傳送門。停低肯定係死路一條，馬克把心一橫，一躍跳入傳送門。瑪琳已經逼到埋身，喺最後一刻對馬克作出攻擊，劍尖啱啱好劃過馬克腳板，鮮紅色嘅獸人血液狂噴，但係並無造成致命傷害。
瑪琳睇住馬克跳入傳送門，憑空消失，相信佢已經進入咗獸王城嘅副本。瑪琳猶疑咗一陣，好唔好跟住追入去。呢個係一個高級副本，即使瑪琳已經升到玩家角色嘅最高嘅六十級，單人匹馬入去都好難可以全身而退。佢靜心吸一口氣，都係算啦，同隻獸人又無乜嘢仇口，只係咁啱撞到望咗兩眼啫。如果佢知道隻獸人就係馬克，可能會有唔同嘅選擇，不過呢個只係假設性問題。實際上，瑪琳都係選擇咗登出離開遊戲。
另一方面，飛身跳咗入傳送門嘅馬克，眼前景物一轉，已經入到去獸王城入面。但係佢並無順利著陸，而係一入去就炒車，成塊面撞咗埋一堆軟綿綿嘅嘢度。當佢睇清楚，佢面前對住嘅係一個大屁股，而個鼻就頂住底褲，夾咗喺股罅位。馬克索咗一索，聞到女人嘅體香，再望一望，個屁股嘅主人係一個著住布製裝備嘅女性玩家，睇樣應該係一個補師嚟。
「好彩唔係撞埋男人屁股度。」馬克暗自慶幸。但係要放心實在係太早，佢好快就認知到眼前嘅情況非常不妙。佢所進入嘅獸王城，係一個已經有玩家隊伍入咗嚟打緊嘅副本。唔駛問阿貴，入得嚟攻略獸王城嘅，都唔會係低等級玩家。而馬克一入到嚟，就撞咗埋隊伍中嘅女補師度，一齊跌咗落地下，仲好似AV情節咁塊面塞咗埋個大屁股度。場面雖然香艷，但係十級唔夠嘅馬克撞正一隊四人嘅高級玩家，死法唔駛多講都係有幾慘得幾慘。
馬克心諗自己避得過一個瑪蒂蓮娜，點知又撞到四個高級玩家，已經作好身後事嘅打算，即係點樣重生同再重頭慢慢升級。橫死惦死，都係過足癮先死，馬克趁女補師突然被撞低未反應得切，伸長條脷，喺佢底褲上面瀨咗一下，留低一條長長嘅口水痕，亦令佢驚叫咗一聲。大怒嘅女補師隨即攞起手杖，打向馬克。
「終於都係時候喇。」馬克合埋眼默默等待。咦，無事發生嘅？當佢擘開眼，只係見到女補師滿身鮮血瞓咗喺地下，全無動靜，睇嚟已經死咗。點解會咁嘅呢？原來呢隊玩家正喺度攻略獸王城嘅第一度關卡，亦即係喺入口城門就展開嘅獸人衛兵隊殲滅戰。佢哋已經消滅咗之前幾波嘅雜魚衛兵，只剩低關卡嘅頭目，獸人衛兵隊長，打到剩返四分之一血。
呢個頭目嘅血量降到四分一嘅時候，就會發出一次一擊即殺嘅範圍大招。喺佢儲力出招嘅時候，戰場範圍內隨機位置會升起四塊一個人咁上下大嘅石板，玩家要喺佢儲完力之前，匿埋喺各自嘅石板之後，先可以避開佢呢一招。而喺呢個關鍵時刻，馬克就入嚟撞低咗女補師，令佢離開咗石板保護嘅範圍。結果女補師喺殺死馬克之前，就俾衛兵隊長嘅大招打中咗，即場斃命。而馬克因為同衞兵隊長都係屬於獸人陣營，所以無俾範圍攻擊打中，安然無恙。
扶碌避過一劫嘅馬克，即刻雞咁腳爬返起身，撐住隻仲標緊血嘅腳板盡量離開戰鬥範圍。緊係啦，兩邊高手過招，求其邊個一下唔小心打埋嚟，馬克都肯定一命嗚呼呀。而係戰場之上，原本形勢大好嘅玩家隊伍，喺失去咗補師之後，只有用盡最大火力攻擊衞兵隊長，希望儘快將佢擊殺。衞兵隊長喺血量降到四分一之後，攻擊力大幅上升，亦令到無法回復嘅玩家隊伍血量直線下降。最後呢場速度嘅競賽，係由衛兵隊長險勝， 成功將剩低嘅三個玩家全部打低。
喺一切歸於平靜之後，馬克終於夠膽由遠處走返出嚟。出乎佢意料之外嘅係，衞兵隊長見到佢，完全無視等級嘅差距，直情當佢係救命恩人一樣，同佢稱兄道弟，搞到佢差啲有啲感動咁滯。
「小兄弟，頭先好彩有你幫手撞開咗條女。如果佢哋唔係少咗一個人，恐怕我而家都係凶多吉少喇！咦你腳板啲血係咁標出嚟喎，係咪啱啱受咗傷？要治理吓好喎。反正我都要去一去治療所，你同我一齊行啦。」
所謂嘅獸王城，其實就係獸人王居住嘅大型城市，除咗獸人王同佢嘅軍隊之外，副本之中仲有好多其他獸人，亦有佢哋居住同生活嘅區域，規模幾乎比得上其他玩家種族嘅主城。不過攻略嘅玩家一般唔會咁得閒走勻成個城，只需要去其中幾個特定嘅地區進行戰鬥，例如啱啱入口嘅城門，同埋獸人王所在嘅城堡之類。馬克心諗自己一隻低等級獸人，喺獸王城無人無物，有個大人物照住緊係好啦，即刻𦧲飯應跟住衛兵隊長走。
一路上遇到嘅獸人居民，等級比衛兵稍低，但係都有四十幾級，遠遠高過馬克。衛兵隊長帶住馬克穿過繁榮嘅商業區，好快就到達治療所，呢度本來係軍隊專用，擁有城中最好嘅醫療人員同藥品。治療所嘅人見到衛兵隊長，個個唯恭唯敬。然後佢同啲人交代咗幾句，叫佢哋好好照顧馬克，就入咗去貴賓病房接受治療。而馬克就被帶到另一間大房度，包紮完之後仲俾咗個床位佢休息。
間房入面其他嘅都係獸人傷兵，等級雖然高，但係全部唔係斷手就係斷腳，包到成隻粽咁，仲要剩返一滴血。因為劇情需要，佢哋無論放幾耐都繼續係傷兵，唔會回復到。馬克見到佢哋，簡真好似見到金咁雙眼發光。等級高，唔會還手，得一滴血，簡直係一個不折不扣嘅經驗值寶庫。問題係，點樣可以靜靜雞殺咗佢哋而唔俾其他人見到呢？