洗衣機食左我隻襪

突然間，個地板傳來連續不斷既震動，係成個房間都震緊，我見到啲襪都搖黎搖去！
地震？但我認為我唔身處喺地球，咁呢個地震即係由其他野引發？

“叮噹,叮噹”, 類似門鈴既聲音響起，
但我黎果陣對門前係冇門鈴，所以一定唔關事，
我左右望下，見到牆上面原來有個顯示版，
「襪襪送」呢三隻字喺度閃下閃下。

……吓，乜料呀… 我幾時有叫外賣

與此同時，房間既角落有一扇暗門推開左，
有一隻屬於我既襪出現左，而震動亦都隨即停止。
地震既謎已經解開，原來係因為洗衣機攪動轉動，引致呢度受影響。

另一個問題出現了，我所見既襪都係掛住喺度既，
但啱啱黎既呢隻仲喺地上面，咁都總要有個人/有啲野掛起佢架!?