不能愛上的星級女神2: 街燈晚餐

「點啊向瑾瑜？仲有錢同我食咁貴咩？」我帶Candice到置地廣場的日本高級餐廳，人均二千左右。
「冇架，今日應該係我暫時洗得最多嘅一日。豪完今日就要食樹皮喇～」我苦笑說。她偷偷笑著：「好心你就留返黎慢慢洗啦～咁你係咪諗住我陪你食樹皮先？」
「Candice姐你大把錢，唔使陪我啦…」
「喂～我係你心目中係嗰啲唔可以共患難嘅女人嚟架咩？」
我搖頭：「唔係，係我唔捨得你陪我捱窮。」她甜甜地嘴角上揚：「咁你要再努力啲～」我也笑了。

整日約會的過程中，我刻意比平時更紳士，更加讓我把握到頭版的機會。「塊面…」她酒窩位置有飯粒我故意指錯位置，「邊度啊？」她正想用手機照照看，我趁機吻下去，一口把飯粒吃掉。
「你…」她立即左右張望，幾乎要發現那位女「狗仔」時，我把她的臉捧向我：「呢邊好似都有…」我正想烘近她時，她推住我肩，有點不滿地低聲問：「你老老實實答我，你今日做咩啊？」我思索了一番：「我可以答你，不過要返去先。」她忽然一個突擊轉身，望見坐在盲區的狗仔隊，她一個黑面生氣地望向我，我便知道她應該猜到了。我不敢說什麼，只是默默地吃完甜品後結帳，不敢再望向Candice。

我怕記者還在，送了她到家樓下後什麼也沒說便向自己回家方向兜風，確定那位記者沒有在跟蹤，便到她家最就近的酒店買了一個芝士蛋糕上她家按鈴。她還是很生氣地開門給我，之後一聲不吭坐回沙發看電視。





「對唔住啊朱浩婷，係我唔好…」我把芝士蛋糕放到她的茶几上，坐到她身上。她刻意坐開一點，別過臉。我坐貼她身旁，雙手把她摟緊，鼻尖貼在她臉頰，溫柔地細語：「你知唔知而家全世界都講你同若嵐呢對cp啊？咁我呢？你係我女朋友，唔係佢女朋友啊……朱浩婷係我冇同你講定先，我冇下次架啦，你唔好嬲我啦好唔好啊？…」我伏在她肩上，擁得十分緊不讓她走開。
「你淨係識呷醋～你有冇諗過你頭先咁錫埋黎，我地點澄清啊？…」她把手機遞給我，內容是她已經告訴了May姐剛才的事，May姐說她會叫公關顧問處理，但不忘隔空罵了我一頓。
「係呀，你今次奸計唔得逞，係咪好失望？係咪好想公開我哋嘅關係？」她收好手機，語氣帶刺地問我，又溫柔地補充：「May姐叫我小心啲你真係冇講錯。向瑾瑜，你優點係你感性，你缺點都係你感性。我知，你係心入面覺得唔會有事，但係呢個真係有記者情況，我覺得都係信唔過…」

那是因為我和Candice性格不一樣，我是感性先行、直接衝動而且比較敏感細心，Candice則是會先思考多一步、處事比我穩重一點點、有時亦會有點自我保護。

「我應承你，我下次會諗清楚、同你商量下先，唔會再咁衝動啦…」我把扭過來她面向我，雙手捏住自己耳珠誠心道歉。
「你係先好講！成日都比d杰撻撻嘅嘢人地，心血少啲都駕馭唔到啊…」她溫柔地握住我手拉低，與我十指緊扣。我再坐貼她，深情地望向她：「辛苦晒我女朋友大人～」
「點啊？係咪有cheesecake啊？」




「買咗一大個。」
「唔係呀嘛？你真係好恐怖啊向瑾瑜！咁多點食啊？」
「咁食…」我用食指將芝士弄到她鼻尖，「喂！你同我整返乾淨…」我把芝士放到她唇上，一口吻下去……