不能愛上的星級女神2: 密友

因為報道已被May姐處理好，所以「嵐婷cp」的瀏覽已經成功得到包括微博的熱搜，亦帶挈了我們的新劇集開播前一星期的搜尋。不過要說詩姐和May姐在這件事上的合作手段，真的只能用厲害形容。因為若嵐和Candice以前也曾經有過與同性的緋聞但也不過只是一剎，其中原因該是詩姐之前告訴過我，她有請多位公關專為若嵐工作，而May姐亦有雇用公關顧問幫忙。而他們這次故意在不同討論位置也將我放入他們的關係中，特別是大陸平台，會故意流出她們和我或者之前Candice和Terris的一些無關痛癢傳媒相片，刻意營造一種亦真亦假的關係，狠狠地趁百合cp及三角戀熱潮賺一畢巨大的廣告及活動費。可以在穩妥處理公關事情上再花式玩弄公關技巧將宣傳利益最大化，難怪經理人界行內對May姐和詩姐評價也這麼高！

「我同你真係要好好跟你兩個女神嘅經理人學吓嘢！佢哋啲公關同宣傳手段真係好勁，呢兩日喺廣州同深圳嘅活動、粉絲團召集同埋產品贊助你估唔到咁多。你諗吓你名氣咁細，淨係靠兩位女神你都有成六位數，佢哋廣告費同出場費高你咁多，你話啦…」晚上出席完晚宴，程心來了我房間一起敷著廣告商贊助的面膜，順便聊一下明天過去澳門出席活動的日程。
「人哋有返咁上下身價，有專業PR助攻，點同呢？所以話，我同你真係要一齊轉行，不過我應該同你交換崗位，我玩PR你拍戲！」我小心翼翼地說話，不敢有太大動作。
「乜你仲深深念念你本行架？向瑾瑜，你泊咗個咁靚嘅碼頭，萬若嵐、張星凡、李栢言同朱浩婷，四個而家影視圈最紅嘅明星，手執一堆明星名人人脈、社交媒體最top流量之一，你真係無啦啦中咗六合彩咁啊你！」程心拿走面膜去洗面。
「你睇就簡單，我反而越嚟越覺得呢個圈複雜又唔真實…」我也走到她身邊對着鏡子把精華用掉。
「你仲係未適應戲裡戲外一秒間啊嘛？你以前office d人咪一樣會咁，我都唔明有咩問題。」她一臉不解地望向鏡中的我。
「可能啦，我呢排阻止唔到自己成日會諗，我身邊啲artist背住我係咪又係另一個樣…」我梳好頭髮，她忽然奸笑，拉住我就說：「有趣喎你個諗法，我哋去證實下…」「喂程心…」她拿起房卡便把我拉到Candice房門外按鈴。

「叮噹。」




開門的是若嵐，「瑾瑜？我仲以為家姐搵我添。」若嵐對內大叫：「朱浩婷！瑾瑜黎咗搵你啊！」
「若嵐，點解你喺度嘅？」程心已經走開了，我未等Candice回應便進房關了門。
「而家得你一個可以搵Candice炸咩？」若嵐偷笑起來令我有點吃醋：「下…唔係到你同我爭女啊嘛萬海昕？」「向瑾瑜，乜你一日到黑淨係識溝女架？」若嵐取笑我，正好Candice在洗手間走出來：「你係咪想有人同你爭呀？」她把手繞在若嵐肩上，我立刻慌忙把她手拉開：「唔准搞人地啊你…」
「喂～我同Candice識咗五年幾，同你識咗三年幾炸喎…」若嵐把Candice牽到沙發坐。
「啊！唔准拖手啊你地…」我一看見又想起她們那個封面圖，這兩日出席活動觀眾就是想看她們親密的行為，偏偏是我最不想看到的。
「唔得啊！分開d！」
「想點呀你？」我坐到她們中間，Candice無視我，直接坐到我大腿中間向右烘近若嵐，－起看著選擇美甲的圖案照片，Candice的胸部還不小心碰著若嵐的手。

「唔得啊！…」我左手環抱在她胸前，用手掌隔住她胸部和若嵐的接觸。
「我覺得呢個款好靚……呢個款都好襯你。」「我都係咁諗。你下個禮拜開播會點襯啊？你話如果呢個款襯咩色袋好？…」「你會著邊套衫去…」…




我就這樣抱住朱浩婷，她們還可以有說有笑地聊美甲、聊手袋、聊化妝，真的差點沒把我氣死。但她們那些女人話題實在太悶不適合我，結果我就在這個奇怪的姿勢下伏在朱浩婷肩上睡了一會。

「瑾瑜，返去訓啦～」已坐到我右邊的Candice叫醒我，「若嵐呢？」我揉揉眼睛，看見若嵐靠著Candice右邊肩膀睡著，我有點不滿地烘近Candice：「你同若嵐之前有咁friend架咩？」
「你未出現之前當然啦。」
「我出現果陣你追緊佢喎…」我提出質疑，她烘近我，帶點挑逗地答：「係呀，唔係你嘅話我…」
「講緊咩啊？」若嵐醒了打岔，我一手拉住若嵐，有點醋意帶她走向門口，邊回頭對Candice說：「我聽日先問你！」便帶著若嵐離開Candice房間。